PILIPIANG KVDVNG 2:14 - ANU LUGOD N. T. (BSI)

¹⁴ Appvng agercm lukvnlumvnma:pc cdcmanggom agom tauma:pc gerlangka.

PILIPIANG KVDVNG 2:14 ပူးပေါင်းရင်းမြစ်များ

1 PITOR 4:9

Mcngu mcnge:kama:pc mibo-bonamcm boyitla du:langka.

1 KORINTIANG KVDVNG 10:10

cdcmpcmanggom mvnmvnaipcma:nammc, buluk akke inamdcmpc odokkc Mokemoyencdokki moke-moyenamdcmpc.

PILIPIANG KVDVNG 2:3

Avkc lcgangc inam okkomsin iyoka cdcmanggom ngo:na cmna bottapc mc:sunammc, cmpige:la asinc ansv:pc mc:sula ammem mcnggcla noluk avkvdv:dcmyam tadya:lang.

JAKOB 5:9

Jcngka:mvnsuyoka, bvrrangkvdvnga, akonkc birudi:pc akonc, jen nolum kcbangcm ba:ma:ycpc; ka:toka, kcbang ba:ncdc yabgo kvdv:do dagla dung.

ROMANKVDVNG 12:18

Pagycmvlo, ila:ycmvlo, cdc nolukkolo noluk agompc idag, appvngkc lcdulo mc:posagpo:pc du:la:daglangka.

1 TISSALONIANG 5:15

Ka:langka jc nolukkolok sc:kosin aima:pc inamlok aimangcm ikutsuyoka, cmpige:la lo:dcm aincm akoncm akonc imvnsupc cmna malangka odokkc appv:lo:pc.

JAKOB 1:20

Kapcnc tani:lok aglvng sa:namdc Ru:ncpvnckc dormo agercm germang.

GALATIANG KVDVNG 5:26

Kajc ngolu asinc bottaya:pc mcsuyoka; akoncm akonc aglvng sa:moyoka, akoncm akonc ncka:mvnsuyoka.

GALATIANG KVDVNG 5:15

Cmpige:la nolu akonc akoncm rckka:mvnsuyc odokkc metka:mvnsuyc ansulanka jc nolu akonc akonkokki mokemvnsumangka.

JAKOB 3:14

Cmpige:la nolukkc jodi konncmpc ncgo-poggo du:yc odokkc ngowong cmna bottcpc mc:sunamko noluk asinkvdv:do du:yc, bottcpc mc:batsula mc:suyoka odokkc aro agomdcm lume:pc luyoka.

ROMANKVDVNG 14:1

Sc:kobv mc:jvgnamdok mc:nam gvnam rcmagdagji cdc tani:dokkcpc, bvm gogrvgsutok, cmpige:la agom mcngkamdcm luker-luyermvnsupcdan gogma:pcka.

JU:D 1:16

Cdcbulu ngvr ngvrainc, mc:tv:suma:nc migom birudi:pc, buluk avkc mcngkam gvkampc incgvnnc, bottcpc nappangc bc:la lubonna lusunc, atv arcko pa:pc cmna tani:kvdv:dcm luyumlupola.

1 PITOR 3:11

Bvm aima:nclokkcm gc:rmotoka odokkc aincm germotoka; bvm mcngancm mamotoka odokkc cdcm mcnna gvmotoka.

HIBRIUKVDVNG 12:14

Appvng tani:kokki mc:nganna du:pc kvnggv:pc ilang sa:langka, odokkc angunnam lcgangc okodc:ma:mvloi sc:kosin Ru:tummc ka:begma:yc.

ROMANKVDVNG 16:17

Ngo nolum kumna ludung, bvrokvdvnga, cdc sc:kobulu agomcm luyot-lumatla odokkc aima:pc imodagnc bulum kanggablang, nolum lubinam ncrkvg agom kvdv:dcm nolum lu:latpc luyirnamkvdv:dokkcm; bulum mcpaklang.

AGER KVDVNG 15:2

odokkc Poulbv:lang Barnaba:bv adji:okosin luka:mvnsutomang, Poulbv:lang Barnaba:bv odokkc angu akke Jerusalempc gvdopc lulvgto mclvgla ager germonam kvdv:do:pc odokkc abv:nc kvdv:do:pc cdc tawunam agomdok lcga:pc.

AGER KVDVNG 6:1

Cdcmpidodcm odo longckvdv:do agom tadjvgla gvmvnnc kvdv:dc kvnamlo bojcbomna, Helleni:kvdv:dc Hibriukvdv:dc lujcgmvnsukang lcga:dc buluk tumbo nc:ngkvdv:dcm longgcm longgcm orbikolo cmmumpc mcyodla lc:dungai.

1 TISSALONIANG 5:13

odokkc bulum airu:pc arckancpc mc:la aya:lo buluk agerkvdv:dok lcgangc. Mcnganna du:toka noluk av-avkc ara:do.

2 KORINTIANGKVDVNG 12:20

Kapila:nc ngo pcsopc mc:dag jc kapcji ila ngo okodcm mc:ma:ji cdcm nolum pa:ycpc, odokkc nolujen ngomjen pa:ycpc nolu okodcm mc:ma:ji; jc kapcji ila pamvnsunamc lenycpc, ka:lv:ma:namc, aglvngc avyongkcpc mc:namc, lume:pc aima:p lunamc, luman manna lunam agomc, ngo:na cmna lusunammc; odokkc u:jeru:yerra du:namc.

AGER KVDVNG 15:39

Odokkc kvnggv:pc luka:mvnsunam lenkang, cdcmpinamc bulu akonc akondcm mcpansuto; Barnaba:bv Markmc bvk lcdulo gvboto odokkc Sipru:pc ko:la gvkang,

AGER KVDVNG 15:7

Odokkc odo bojcrungko luka:mvnsula dungge:la, Pitorbv darobkang odokkc bulum luto, “Bvrrang kvdvnga, nolu kindag jc leke-to:dcmbong Ru:ncpvncbv noluk ara:lokkcm la:to, jc ngok nappangkokki Angunc tani: opvnkvdv:dc tadponc lutaddok agomdcm tadpcnammc odokkc mcjvgpcnamc.

MARKKC 14:5

“Kapila cdc yonsunamdcm pvse pvyetoncm? Kapila:nc cdc yonsunamdcm lvngko awum dv:tak takbu:lok ager gerrcla pa:nam murkong arclok kola:ya:pc, odokkc opankvdv:dcm orra:ya:pc.” Odokkc bulu bvm ge:rvdla luto.

METIU 20:11

Odokkc cdcm pangge:la okumdok ru:tumdcm aglv:la bvn-bvnaikang, scmpc lula,

MARKKC 9:14

Odokkc cdvlo bulu agomtadjvgla gvmvnnc tani:kvdv:do:pc gvtokunc, bulu bottcru:nc yadkumsunc tani: kcrcngko ka:begto buluk dungo:ycgo:do, odokkc ainc agom luyirnckvdv:dc bulum agom svgka:mvnsula luto.

LU:KKC 5:30

Odokkc Parisi:kvdv:dc:lang buluk ainc agom luyirnc kvdv:dc Bvk agom tadjvgla gvmvnnc tani:kvdv:dcm bvnbvnaila luto, scmpc lula, “Kapila nolu migom murkong urkumnc kvd:dokkilang papi:kvd:dokki dobo-tv:bosudon?”