PILIPIANG KVDVNG 2:12 - ANU LUGOD N. T. (BSI)

¹² Cdcmpidag, ngok mc:bomsunamkvdvnga, nolu kapc lo:dvscm agom lukamdcmpc tadtonc, cdcmv:pc su:pakgom, ngok ka:dodo:mang cmpige:la airu:p bojcyangko ngok ka:ma:dodcm, pcsola odokkc jinna noluk avkc motunam agerkvdv:dcm gerrentoka;

PILIPIANG KVDVNG 2:12 ပူးပေါင်းရင်းမြစ်များ

1 KORINTIANG KVDVNG 15:58

Cdcmpidag, aipc mc:bomsunam bvrrang kvdvnga, mcmang ke:ke:pc du:tok, cngunma:pc, lo:dvscm Ru:tumkc agerlo gertvla, kinnang kinna jc Ru:tumkolo noluk ager gernamdc cmmumpc gvma:yc.

HIBRIUKVDVNG 4:11

Kajc cdcmpidag cdc du:rasukodo:pc gva:lai, jc sc:kosin cdcmv:pinc agom lukamdcmpc tadma:nampc ingapla siycpc.

1 PITOR 2:11

Aipc mc:bomsunam kvdvnga, ngo nolum kumna:sola: ludung amikc amonglo du:nc odokkc yc:bomla lcngkunampc adin amvrdok mc:boka:bodcm mcma:pc du:dopc cdc noluk yalo kvdv:dok birudi:pc mimagcm modag.

METIU 11:29

Ngok jungoli:ycm nolu tulvgsutok, odokkc ngokkolokkcm luyir-poyirnammcm torvgsutok; kapila:nc ngo ainc odokkc asinc rcmagnc tani:yc, odokkc noluk yalokvdv:dok lcga:pc du:rasukkom pa:ycpc.

PILIPIANG KVDVNG 1:27

Ngoluk turnamlok inamsa:nam kvdvngo:dcm Kristokc tadponc lutaddok arckamotoka, odomvlojen ngo gvla ka:do cdcmanggom du:manggom, ngo noluk agomcm tadbegycpc jc nolu yaloakko:lo kvnggv:la dagdo, asin akkongki tadponc lutaddok mc:jvgdok lcgangc atakkolo:pc,

2 PITOR 3:18

Cmpige:la ngoluk Ru:tumkc odokkc Mopvtnc Jisu Kristokc ayangki odokkc kinnamki sv:sa:toka. Bvkkcpc su:paksin odokkc lo:dv-longkvpc amin gvka:langka! Amen.

HIBRIUKVDVNG 5:9

odokkc pv:namkopc aimola Bv lo:dvlongkvpc moturnamlok lenkopc ikang Bvm sc:kobulu agom lukamcm tadlvngka:ji,

2 TIMOTI 2:10

Cdcmpidag ngo appvngcm balenna la:namkvdv:dok lcgangc mentumsula du:do jen bulusin Kristo Jisukolo turnamcm pa:ycpc odok lo:dv-longkvpc du:nc amin gvnamdokki:.

HIBRIUKVDVNG 4:1

Cmpila, cdvlo Bvk gva:la du:rasukodc du:pakdagnc, kajc pcsola:jc ckvma:mvlo nolukkolok akoncm odopc gva:langkuma:dopc kcbang ba:ycpc.

HIBRIUKVDVNG 12:1

Cdcmpidag, ngolum cddvnc bottcnc mukkangcmpinc lukanbinnc du:ribomnam kvdv:dc du:namc, kajc ngolu mcma:ru:pc ngoluk kcra:pc dugpcnamdcm dugnamdcm dugtvla du:lai, ngoluk dugpo:ncdcmlang mc:jvgdcm mc:pvtbonc,

PILIPIANG KVDVNG 4:1

Cdcmpidag, ngok bvrokvdvnga, sc:kobulum ngo aipc mc:donc odokkc asinang ola du:nc, ngok mc:pobadnamc odokkc migom dumlubc, Ru:tumkolo kvnggv:pc ngok mc:bomsunamkvdvnga dagtoka.

ROMANKVDVNG 2:7

ainc agercm mentumsula du:namki gerla amingvnamcm odokkc mcnggcnammcm odokkc sima:pc du:namcm manckvdv:dcm, Bv turyarla turnamcm biyc;

1 TISSALONIANG 1:3

ngoluk Ru:ncpvnc odokkc Abukc kcra:la noluk mc:jvglok agerkvdv:dcm odokkc aipc mcnamlok kvnggv:pc ager gernamcm odokkc mcma:ru:pc mc:tinnammcm ngolu Ru:tum Jisu Kristokolo mc:pa: mc:pa:la.

PILIPIANG KVDVNG 1:29

Kapila:nc cdcm nolum bitung jc Kristokc lcgang Bvm mc:jvgo:pcnammang cmpige:la Bvk lcgangc du:gcm gvpcnammc.

2 KORINTIANGKVDVNG 7:15

Odokkc bvk asindc nolugkolo:pc otvdag, odokkc pcssolang jinnamki okodokki nolu bvm torvgsutoji.

1 KORINTIANG KVDVNG 2:3

Odokkc ngo noluk lcdulo ilang gvla:ma:dom odokkc kvnggv:pc pcsodowcm odokkc jindom du:mvnka;

IPESIANG KVDVNG 6:5

Pagbokvdvnga, nolu cdc sc:kobulu mo:pvsok ru:tumcnc agom lukamcm tadtoka, pcsola odokkc jinna, asin atcro:pc mc:la, Kristokolo:pc kapc idonc;

METIU 11:12

Jo:n Baptismo binckc longckvdv:dokkc silolo:pc taycng among migom amo:dc ipusire:ycm pa:dung, odokc ipusire:ycm inc tani:kvdv:dc bo:lkokki cdcm la:dag.

PILIPIANG KVDVNG 1:5

noluk lupongardo longcdokkcbong silolo:pc tadponc lutaddcm noluk lckopc lumvn-gvmvnnamdokki aipai binamcm bido.

AGER KVDVNG 9:6

ckvdaggom darobtoka odokkc nogordo:pc gva:la gvtok; nom lubiycpc no okkom ipcnammcji.”

PILIPIANG KVDVNG 2:19

Ngo mc:dung Ru:tum Jisukolo Timoti:mc nolukkolo:pc lomdanna mclvgpc cmna, odomvlo noluk lutadkvdv:dokki mc:pomoycpc.

1 KORINTIANG KVDVNG 4:14

Nolum anyi:mopc cmna ngo scm admang, cmpige:la ngok aipcmc:bomsunam ommangcmpc nolum aipc ainc agomcm luyirpc cmna:mvn.

PILIPIANG KVDVNG 4:15

Odokkc nolu Pilipiangkvdvnga avyc kinsudagjc tadponc lutadcm lurobdodo, cdvlo ngo Makedonia:dcm mcla gvtokunc, nolumangamvlo oko mondoli:ycsin binamlo:lang torvgsunamlo lckopc imvntomang;

AGER KVDVNG 16:29

Odokkc bv saki:ko mala koto odokkc duga:to, odokkc pcsola jinna Poulkcla: Sila:kc kcra:do bv kcdangkang,

PILIPIANG KVDVNG 1:6

Odokkc ngo kindagrung jc sc:kobv ainc agerko gerrobtonc noluk ara:lo cdcm Jisu Kristokc longcdo ingapla boma:ycku.