PILIPIANG KVDVNG 2:1 - ANU LUGOD N. T. (BSI)

¹ Cdcmpidag atv asin pvtapc mc:monamko du:mvlo Kristokolo, aipc mc:namlok lubonko lcgangko du:mvlo, Yalodo atv itcngko du:mvlo, atv aisunamkolang aya:pc mc:namko du:mvlo,

PILIPIANG KVDVNG 2:1 ပူးပေါင်းရင်းမြစ်များ

LU:KKC 2:25

Odo Jerusalemdo tani:ako dungai, Simion cmnamko, odokkc cdc tani:dc dormokanckai odokkc Ru:ncpvncmc kumnckai, Israeldcm mc:pomonamdcm ka:lv:la dungai, odokkc Angunnc Yalodc bvkkolo dungai.

JO:N 14:18

“Ngo nolum dunggur daggurnc kama:dopc mcla gvkuma:yc; ngo nolukkolo:pc gvlatycku.

JO:N 14:27

“Mc:po-mcngancm ngo nolum lc:bidung; ngok mc:pom ngo nolum lc:bitung; mo:pvsok bikampc ngo nolum bimang. Noluk asinkvdv:dcm mc:pin-mcngoksuyoka, cdcmpcmanggom pcsomoyoka.

JO:N 17:13

Cmpige:la su:pak ngo nokkolo:pc gva:dung; odokkc sc agomkvdv:scm rcngamso lubidung, bulukkolo:jen ngok mc:podc pv:ycpc.

AGER KVDVNG 2:46

Odokkc longgcm longgcm, kumko okumdo lckopc gvkumsunamcm odokkc buluk okumkvdv:do pitangcm penpansula bulu mc:po:pc odokkc asin akko:pc mc:la apincm dobosuto,

AGER KVDVNG 4:32

Cdcmpidodcm cdc mc:jvgnc kvdv:dok ajon jonsunamdc asin atcrongkopc odokkc yalo atcrongkopc idagai, odokkc sc:kosin lumangai sc:koi atvko pa:toji cdc bvk avkc cmna, cmpige:la bulukkc appvng attarcmci lcko-lakkopc lc:dagai.

ROMANKVDVNG 5:5

odokkc mc:tinc ngolum mc:tinkama:pc imomang, kapila:nc Ru:ncpvnckc aipc mc:namdcm ngoluk asinbo pva:lvgtagbong Angunnc Yalodokki okodcm ngolum bitu:ji.

ROMANKVDVNG 8:26

Cdcmv:pc Yalodc ngolum ngoluk tormangkolo tordumsudag; kapila:nc ngolu kinmang ngolu kapc kumpcnammcji, ckvdaggom Yalodc avdc ngoluk lcgangc kumbidag sagv-gvla kvnggv:pc orv:pc gomugkvdv:dokki.

1 KORINTIANG KVDVNG 12:13

Kapila:nc Yalo akodokki ngolu appvngc amvr akodc baptismongcm langka–Jiwudaggom cdcmanggom Girikdaggom, pagbodaggom cdcmanggom avkc mc:supc du:ncdaggom–odokkc appv:dcm Yalo akkongkolok tv:moto.

1 KORINTIANG KVDVNG 15:31

Ngo lura lurasula ludung, bvrrangkvdvng, ngok nolukkolo bottapc mc:sunamdc okodc Kristo Jisukolo du:ji ngoluk Ru:tumbv, ngo longgcm longgcm sido!

1 KORINTIANG KVDVNG 3:16

Nolu kinma:nci nolujc Runcpvnckc Yalodc:jc nolukkolo du:dag cmna?

2 KORINTIANGKVDVNG 13:14

Ru:tum Jisu Kristokc aya:dc odokkc Ru:ncpnckc aipc mc:namdc odokkc Angunnc Yalodok du:jonnamdc noluk appvngkc lcdulo dungka:langka.

2 KORINTIANGKVDVNG 2:14

Cmpige:la Ru:ncpvncbv aipai pangka:langka, sc:kobv ngolum lo:dvscm Kristokokki mopvla mc:modagji, odokkc ngolukkokki Bvk kinnamlo nampodcm appv:lo:pc mcgo:lvgdag.

GALATIANG KVDVNG 4:6

Odokkc nolu awa:pc inamc, Ru:ncpvncbv Bvk Awodok Yalodcm noluk alakkvdv:do:pc mca:lvgto, jc:la lula, “Abba! Ba:ba!”

GALATIANG KVDVNG 5:22

Cmpige:la Yalodok apva:yckvdv:dc aipc mc:namc, mcnganc, mentumsula du:namc, ayangabonammc,

IPESIANG KVDVNG 4:4

Amvr akkongko odokkc Yalo akkongko, kapc nolum mc:tin akkongkolo:pc gogtagaji cd nolum gognamdokkc,

PILIPIANG KVDVNG 1:8

Kapcnc Ru:ncpvncbv ngok lukanbinnc, kapc ngo noluk appvngkc lcgangc aipc mcngkesula sitoji Kristo Jisukc aipc mc:namki.

PILIPIANG KVDVNG 3:3

Kapcnc ngolu aropc gadpuknamkvdv:dc, sc:kobulu yaloki Ru:ncpvncmc kumdoji, odokkc Kristo Jisukolo amin gvnncji, odokkc adin-amvrlo mc:tinsumang.

KOLOSIANG 2:2

jc buluk asin kvdv:dcm pvtamodopc lusv:lvgycpc kapc bulu aipc lckopc mcngka:mvnsudagji, appvng mcngkinsakkindok mitc-mircm kvdv:dcm pa:pc odokkc Ru:ncpvnckc mcngapla:ma:nam kinnam agomdcm, Kristokcm,

KOLOSIANG 3:12

Cdcmpcmvlo gctoka, Ru:ncpvnckc balennam akoncmpc, angunncpc odokkc aipc mc:nampc, aya:sitapc mc:ncpc, ayangabopc mc:ncpc, ansv:nc asin gcnamc, rcmakpc asin gcnamc, odokkc mentumsula du:namc,

HIBRIUKVDVNG 6:18

Bv pesubinamkokki pongkokdo du:bito, odomvlojen angumola:ma:nam attarki, okodokki cdcm ila:mang jc Ru:ncpvncbv lume:yc cmna aropc lcngkanpa:mang, ngolu sc:kobulu dugrasula dungkodo:pc dugsitoji kvnggv:pc lusv:lvgnam mc:motonc ngoluk ka:pc lcngkanpc mc:tindcm motumdopc.

1 PITOR 1:2

Ru:ncpvnc Abubv balenna odokkc ru:scgla lc:namc odokkc Yalodokki narc:dopc mopu:la Jisu Kristomc lukam taddopc odokkc Bvk i:dokki abkatdopc: Ayangc odokkc mcnganc nolukkolo bojc bojcla dungka:langka.

1 JO:N 3:24

Sc:kobulu Bvk lulvgla lunam gagla du:nc appv:dc Bvkkolo du:mvndag, odokkc Bv bulukkolo. Odokkc odokkokki ngolu kindag jc Yalodokki okodcm Bv ngolum bitoji, Bv ngolukkolo du:mvndag.

1 JO:N 4:12

Oko tani:ycsin cdvlosin Ru:ncpvncmc kangkvmang; jodi ngolu akoncm akonc aipc mc:mvlo. Ru:ncpvncbv ngolukkolo du:mvndag odokkc Bvk aipc mc:namdc ngolukkolo du:pvtdag.

1 JO:N 4:16

Cdcmpidag ngolu kindag odokkc mc:jvgtoka Ru:ncpvnckc ngoluk lcgangc aipc mc:namc dung. Ru:ncpvncbv aipc mc:namc, odokkc sc:kobv aipc mc:namlo du:mvndoji Ru:ncpvnckolo du:do, odokkc Ru:ncpvncbv Bvkkolo du:do.