PILIPIANG KVDVNG 1:20 - ANU LUGOD N. T. (BSI)

²⁰ Cdcm kapc ngo kvnggv:pc toka:la mc:doji odokkc mc:dag jc ngo cmpcsin anyv:suma:yc, cmpige:la jc asinc kvnggv:pc migang ga:la su:pak lo:dvpc kapc Kristomc mcnggcycnc ngok amvrro, turnamkokki cdcmanggom sinamkokki.

PILIPIANG KVDVNG 1:20 ပူးပေါင်းရင်းမြစ်များ

JO:N 21:19

(Cdcm Bv kapinc sinamkokki bv Ru:ncpvncmc amincm gvmoycn cdcm lcngkanpc cmna luto.) Odokkc odok lcdupc Bv bvm luto, “Ngok lcdulo gvmvntok.”

AGER KVDVNG 20:24

Cmpige:la ngok turnamscm ngo atv arckanckopc kvsumang cdcmanggom ngokkcpc kvnggv:pc aincko cmna, ngo gerpcnamdcm gerra:mvloi odokkc Ru:tum Jisukolok pa:nam inam-sa:nam agerdcm, Ru:ncpvnckc ayang abodok tadpon lutaddcm lukanbipc.

AGER KVDVNG 21:13

Odo Poulbv luto, “Nolu okkom idu:n, ngok asinscm kabla bedmodu:nci? Kapila:nc ngo makana:lo tumkosuppong cmnai mosv:sumang cmpige:la Ru:tum Jisukc amin lcgangc Jerusalemolo sipcsincimvn mosv:sutung.”

AGER KVDVNG 4:31

Odokkc cdvlo bulu kumtoji, bulu oko mo:tagdo gvkumsukaji yonkukkang; odokkc bulu Angunnc Yalodokki bingkang odokkc Ru:ncpvnckc agomdcm asinang pvtala luto.

ROMANKVDVNG 12:1

Ngo nolum cdcmpila kumna:sola: ludung, bvrrangkvdvnga, Ru:ncpvnckc mc:yinsunamkokki, noluk adin-amvrkvdv:dcm turpc palvgnammcmpc palvgdopc, angunnc odokkc Ru:ncpvnckcpc torvgsula:dopc, okodc noluk yalo dokki kumnamdc:ji.

ROMANKVDVNG 5:5

odokkc mc:tinc ngolum mc:tinkama:pc imomang, kapila:nc Ru:ncpvnckc aipc mc:namdcm ngoluk asinbo pva:lvgtagbong Angunnc Yalodokki okodcm ngolum bitu:ji.

ROMANKVDVNG 6:13

Noluk amvramokvdv:dcm pa:plo:pc mclvgyoka aisi:ma:nc agergernanc attarpc idopc, cmpige:la nolu av avkvdv:dcm Ru:ncpvnc kolo:pc tolvglangka sc:ko tani:kvdv:dcm sikolokkcm turmotokuji cdcmpc, odokkc noluk alc alagkvdv:dcm Ru:nc pvnckolo:pc dormo inamlok ager gernanc attarcmpc.

ROMANKVDVNG 6:19

Ngo tani: lukampc ludung, kapila:nc noluk mo:pvsok tadkino:la:namdokki. Kapila:nc noluk lckoncm alc-alagkvdv:dcm napv:narcmangkolo:pc mclvgnamdcmpc odokkc bottcyangkolokkc bottcya:nc asi:ma:nc agerlo:pc, cdcmpila su:pak noluk alc alakkvdv:dcm dormoagerlo:pc mclvgtoka angunnammcm pa:dopc.

ROMANKVDVNG 8:19

Kapila:nc ru:namkvdv:sc airu:pc Ru:ncpvnckc awodcm lcngkannamdcm ka:lv:la dung;

ROMANKVDVNG 9:33

Bulu lcsutsuko vlv:do lcsutsuto, cdcm adla lcngkamdcmpc, “Ka:tok, ngo Jiondo vlvngko lc:tung cdc tani:kvdv:dcm lcsutsumoyc, rakut vlvngko cdc bulum otapmoyc; odokkc sc:kobv Bvm mc:jvgycnc bvm anyi:sumoma:yc.”

1 KORINTIANG KVDVNG 15:31

Ngo lura lurasula ludung, bvrrangkvdvng, ngok nolukkolo bottapc mc:sunamdc okodc Kristo Jisukolo du:ji ngoluk Ru:tumbv, ngo longgcm longgcm sido!

1 KORINTIANG KVDVNG 6:20

Nolu noluk avkcmang; nolum arckokki rctung. Cdcmpidag Ru:ncpvncmc noluk amvrkvdv:do amin gvmotoka.

1 KORINTIANG KVDVNG 7:34

Odokkc bvk aipc mc:namdc mc:pansudag. Mida:moma:nc nc:ngc cdcmanggom ko:ncngc Ru:tumkc ager lcgangc mcngkesula gerdag, kapc amvrc odokkc yallo angupcikc cmna; cmpige:la mida:monc nc:dc mo:pvsok agerkvdv:dok lcgangc mcngkesula gerdag, kapc bvk milbo:dcm mc:lvgsumopcikc cmna.

2 KORINTIANGKVDVNG 10:8

Kapila:nc cdcmv:pc idaggom adji:oko bottapc lusudo ngoluk airu:pc ilang-gvlangcm, okodcm Ru:tumbv mosa:nadopc bitoji odokkc mopenma:pc, ngo ngom anyi:sumoma:yc.

2 KORINTIANGKVDVNG 3:12

Ngolukkc cdcmpinc mc:tinko du:namc, ngolu airu:pc asin pvtado, Mose:kcmpcmang,

2 KORINTIANGKVDVNG 4:10

lo:dvscm amvrso Jisukc sinamdcm jonggo:bomdung, odomvlo Jisukc turra du:namdc:sin ngolukkolo ngoluk amvrkvdv:so ka:begycpc.

2 KORINTIANGKVDVNG 5:15

Odokkc Bv appvngkc lcgangc sikang, jc cdc sc:kobulu turycji buluk avkc lcganc cdvlosin turma:bong cmpige:la Bvk lcgangc sc:kobv buluk lcgangc sikaji odokkc turmotokuji.

2 KORINTIANGKVDVNG 7:14

Kapila:nc jodi ngo bvm nolukkolo lubonko lubito, ngom anyi:dopc imangai; cmpige:la nolum lunam appv:dc kapc arodagaji, cdcmpc ngoluk bottapc lusunamdc Titukc kcra:do aropc lcngkanto.

2 KORINTIANGKVDVNG 7:4

Ngokkc bottcru:nc bottcpc mc:sunammc nolukkolo dung; ngo mc:po mcnganc bi:dung. Ngolum ipusire: idag appv:lo, ngolu mc:pobadsudung.

PILIPIANG KVDVNG 1:14

odokkc bvro appvngkvramdcmci Ru:tumkolo asinc kvnggvngammoto ngok makana:lo du:namkokki, odokkc pcsokonoma:pc Ru:ncpvnckc agomdcm bojcrungyangko kvnggv:yangkang.

PILIPIANG KVDVNG 2:17

Cddo:mang ngom noluk mc:jvgdo tolvgla palvgnamdo palvgdaggom, ngo noluk appvngkc lcdulo mc:podag.

KOLOSIANG 1:24

Su:pak ngok ipusire: pa:namlo ngo noluk lcgangc mc:pobadusudo, odokkc ngok adinno ngo Kristokc du:g gvnamdo okodc pv:ramdoji pv:modo Bvk amvrdok lcgangc,

1 TISSALONIANG 5:23

Mcngannclok Ru:ncpvncbv avdc nolum appvngcm lckko:pc narc:moteika; odokkc noluk yalodc odokkc atma:dc odokkc amvrdcm lujckko kama:dopc anpola du:dopc Ru:tum Jisu Kristokc gvdokudo:pc lcngkanlangka.

1 PITOR 4:16

ckvdaggom akonc jodi du:g gvdo Kristankoncmpc du:gcm gvmotoka, bvm anyv:sumopcnammang, cmpige:la odo amindokki bvm Ru:ncpvnckc amincm gvmotoka.

1 JO:N 2:28

Odokkc su:pak, ameo:nc ommangkvdvnga, Bvk dungkolo du:mvntoka, odomvlo jen cdvlo Bv lcngkansuycnc ngolukkc ncrkvgpc mcnga:nammc du:ycpc odokkc Bvkkolokkc ngetsuk suma:ycpc Bvk gvdokudo anyv:sula.