PILIPIANG KVDVNG 1:10 - ANU LUGOD N. T. (BSI)

¹⁰ Odomvlo jen nolu okodc appvngcm aiya:dagji aidag cmna luycpc, odokkc Kristokc longcdok lcgangc angunna odokkc aimang cmna lukosuma:pc du:ycpc.

PILIPIANG KVDVNG 1:10 ပူးပေါင်းရင်းမြစ်များ

ROMANKVDVNG 12:2

Sc mo:pvsok ikam gvkampc imvn-gvmvnyoka, cmpige:la noluk asinkvdv:dcm anupc mc:la du:nam dagnamcm ila:gvla angupc itoka, odomvlo nolu Ru:ncpvnckc mcngkamdc okkoji cdcm lcngkanbidopc, okodc aidagji odokkc torvgsupcnammcji odokkc aiyo:pc aidagji.

1 TISSALONIANG 3:13

odomvlo jc Bv noluk asinkvdv:dcm lujckko kama:dopc angunno ngoluk Ru:ncpvnckc odokkc Abukc kcra:lo, ngoluk Ru:tum Jisukc Bvk aipc kumnc tani: appv:dokkc gvdokudo.

1 TISSALONIANG 5:23

Mcngannclok Ru:ncpvncbv avdc nolum appvngcm lckko:pc narc:moteika; odokkc noluk yalodc odokkc atma:dc odokkc amvrdcm lujckko kama:dopc anpola du:dopc Ru:tum Jisu Kristokc gvdokudo:pc lcngkanlangka.

ROMANKVDVNG 2:18

odokkc aipakpc aidagji cdcm aidag cmna tolvgyc, lcga:dc nolum lujvglurodo luyirtag,

IPESIANG KVDVNG 5:10

odokkc okodc Ru:tummc aipc mc:lvgsumodagji kinpc cmna itoka.

1 JO:N 4:1

Aipc mc:bomsunam kvdvnga, appvng yallom mc:jvgyok, cmpige:la yalokvdv:dcm anka:la ka:langka Ru:ncpvnckcji: bvkkcma:ji; kapcnc bojcrung lume:pc lungor-lunnc mo:pvsc gvlenamka:bong.

PILIPIANG KVDVNG 1:6

Odokkc ngo kindagrung jc sc:kobv ainc agerko gerrobtonc noluk ara:lo cdcm Jisu Kristokc longcdo ingapla boma:ycku.

1 TISSALONIANG 5:21

okodc aidagji kvnggv:pc gagla du:lang,

1 KORINTIANG KVDVNG 1:8

sc:kobv du:tcrdungapdo:pc ngoluk Ru:tum Jisu Kristokc longcdo.

LUNGOR LUNAM 2:2

Ngo nok agerkvdv:dcm kindag, nok du:g-gvla ager gernamdcm odokkc nok sagtumsula dungge:la mentumsunamdcm, odokkc kapc no aima:nc tani:kvdv:dcm ka:la:ma:ji cmpige:la ankvla ka:to sc:kobulu avkvdv:dc mclvgla ager germonammc cmna lusudagai cmpige:la gerncmang, odokkc bulum lume:luncpc pa:to;

IPESIANG KVDVNG 5:27

Jen Bv avdc mondoli:dcm avdo:pc ungjerdopc bisuycpc, atv aima:nc agomko cdcmanggom, saradnc intakko, cdcmanggom cdcmpinc atv attarc, jc bv:jen anguycpc odokkc atv narc:ma:nam kama:pc.

JO:N 1:47

Jisubv Natanaelmc Bvkkolo:pc gva:dopc ka:to, odokkc bvm luto, “Ka:toka, Israel akonc aropcma:nckonc, sckkolo atv yadnam panam kama:nc.”

METIU 16:23

Ckvdaggom Bv gvkutsuto odokkc Pitormc luto, “Ngok lamkupc gvkang, Satana! No ngokkcpc invgsikorncko; kapila:nc no Ru:nc pvnckcpc imang, cmpige:la tani:kvdv:dokkcpc idag.”

2 KORINTIANGKVDVNG 1:12

Kapila:nc ngoluk lubosula lusunamdc scmpc, ngoluk mc:namsagnamdok lukanbinamdc jc mo:pvso ilang gvla lcngkanto, odokkc nolum odokkcsin bojcyangko, angun ngunnamki odokkc Ru:nckc dormo kancpc asin ansvngki, mo:pvsok kinnam pa:namkimang cmpige:la Ru:ncpvnckc ayangkokki.

ROMANKVDVNG 12:9

Aipc mc:namc mc:jup mcngkaplangkangka; tayumlang okodc aima:nc agercji, gagla du:lang okodc aidagji;

ROMANKVDVNG 8:7

Kapila:nc adinamvrdo mcnga:nc asindc Ru:ncpvnckokki mirupc inamc; cdc Ru:ncpvnckc lujvglurodok lukamdcmpc tadmang, ncrkvgpc cdc tadla:mang;

METIU 26:33

Pitorbv Bvm taddopc lubisuto, “Bulu appvngc nom mcpakdaggom, ngo cdvlosin mcma:yc.”

PILIPIANG KVDVNG 1:16

Lcdukcdc cdcm aipc mc:la:yam idag, ngom so tadponc lutaddcm lurasudopc cmna lc:tag;

IPESIANG KVDVNG 6:24

Ayangc appvngkolo dungka:langka sc:kobulu cdvlosin yogma:nc aipcmc:namki ngoluk Ru:ncpvncmc aipc mc:dagji.

IPESIANG KVDVNG 4:15

Cdcmyam, arodcm aipc mc:la lula, ngolu Bvkkcpc appvng agerlo bottcpcnamc sc:kobv mittukdc:ji.

GALATIANG KVDVNG 5:11

Cmpige:la ngo idaggom, bvrokvdvnga, gadpuknamdcm su:paksin lutadbidu:mvlo, kapila ngo su:paksinci ipusire:kosuycn? Odo agomdo Kurusdok lcsudla otapbonc sv:tu:dcm la:paktobong.

2 KORINTIANGKVDVNG 8:8

Ngo scm lulvgla lunampc lumang, cmpige:la amikc asinc kvnggv:nammcm la:lenna lcngkanpc jc noluk aipc mc:namkvdv:dc:sin arorung.

2 KORINTIANGKVDVNG 6:3

Ngolu sck lambclo:sin mokomnammcm lc:mang, odomvlojen oko imurkosin ngoluk ager gernamdo pa:ma:ycpc.

2 KORINTIANGKVDVNG 2:17

Kapila:nc ngolu, bojcrungkcmpc, Ru:ncpvnckc agomcm tvryot tvrmatmoncpc imang; cmpige:la mc:jupmcngkappcnc tani:ycmpc innc, Ru:ncpvnckc togc:lvgnamcmpc innc, Ru:ncpvnckc kangkolo ngolu Kristokokki agom ludo.

1 KORINTIANG KVDVNG 10:32

Jiwukvdv:dcmba Girikkvdv:dcm oko aima:p mcnamcmsin mcngkosuyok cdcmanggom Ru:ncpvnckc mondoli:dcm,

1 KORINTIANG KVDVNG 8:13

Cdcmpidag, donamdc jodi ngok bvrokc imur lcga:pc ido, ngo cdvlosin adincm doma:yc, ckvma:mvlo ngo ngok bvrodcm domurmoncpc idag.

ROMANKVDVNG 16:17

Ngo nolum kumna ludung, bvrokvdvnga, cdc sc:kobulu agomcm luyot-lumatla odokkc aima:pc imodagnc bulum kanggablang, nolum lubinam ncrkvg agom kvdv:dcm nolum lu:latpc luyirnamkvdv:dokkcm; bulum mcpaklang.

ROMANKVDVNG 7:22

Kapila:nc ngo Ru:ncpvnckc lujvglurodo mc:po mcngando, ngok aipc arangkc amibokki,

ROMANKVDVNG 7:16

Su:pak ngo okodcm mama:nc cdcm imvlo, ngo tolvgsudo jc lujvglurodc aidag.

AGER KVDVNG 24:16

Cdcmpila ngo lo:dvscm Ru:ncpvnckc lcgangc tani:lo:pc narcngo:nc mc:nam sagnamcm mc:pc mc:dvrro mc:do.

JO:N 3:20

Kapila:nc sc:kobv aima:nc agercm gerycnc pvangcm tayumdag, odokkc pva:do:pc gva:mang, ckvma:mvlo bvk ager gernamkvdv:dc lenabyc.

PILIPIANG KVDVNG 2:16

Odomvlo jen Kristokc longcdo ngo cmmumpc du:g gvtomang cdcmanggom cmmumpc agercm gertomang.