PILEMON 1:14 - ANU LUGOD N. T. (BSI)

¹⁴ cmpige:la nok agom pa:ma:pc ngo okkomsin ige:mang cmna mc:to odomvlojen lukamdcmmarpc ima:ycpc cmpige:la nok avkc mc:lv:pc mc:namdcmpc idopc.

PILEMON 1:14 ပူးပေါင်းရင်းမြစ်များ

1 KORINTIANG KVDVNG 9:17

Kapila:nc ngo jodi cdcm ngok mcngkamkokki iyc, ngok amanc dung; cmpige:la ngok avkc ilvngkokki ima:mvlo, ngom bottapc gerpcnam agerkokki lulvgtag.

1 KORINTIANG KVDVNG 9:7

Sc:konu avkc murkongcm pidsula mimag monc agercm gerdon? Sc:ko angur ba:ri:ycm avyc a:ycm dosuma:pc idon. Sc:konu simvn kcrcngko odok gakvrko yumma:pc kanggabdonc?

2 KORINTIANGKVDVNG 1:24

Cdc cdcmang jc ngolu noluk mc:jvgdok tayc:do ru:tumpc imang; ngolu noluk lcdulo agercm gerto noluk mc:ponam lcganc, kapila noluk mc:jvglo nolu kvnggv:la dung.

2 KORINTIANGKVDVNG 8:12

Kapila:nc jodi mosv:sunamdc du:yc, cdcm torvgsula:nampc ido tani:akolokkc okko duji cdcmpc okko bvkkc kama:ji cdcmpcmang.

2 KORINTIANGKVDVNG 9:5

Cdmpidag ngo mc:to cdcm nolukkodo:pc gvdopc bvrokvdv:dcm lulvgpcnamc ngomyam gvpo:la, odokkc, odokkc mosv:no:la so amansok lcgangc mosv:toka noluk pesunamdcmpc, odomvlo jen cdcm mosv:sula:ycpc lulvgnamdcmpcmang cmpige:la bilv:la binam amancmpc.

2 KORINTIANGKVDVNG 9:7

Appvngc bvkkc bvkkc asindok mcngkamdcmpc bipcru:nammc, bipc:-bige:mang cmma:pc cdcmanggom bipa:ru:yc cmna:mang, kapila:nc Ru:ncpvncb mc:po mcnganna bincdcm aipc mc:dag.