METIU 9:35 - ANU LUGOD N. T. (BSI)

³⁵ Odokkc Jisubv appvng nogorlo:pci gvgo:to odokkc dolungkvdv:do, odok buluk kumko okumkvdv:do luyirto odokkc Ru:ncpvnckc migom dokodok tadponc lutaddcm lugo:bito, odokkc appvng kinam ramnamcm odokkc appvng mosimola:ma:namcm aimotoku.

METIU 9:35 ပူးပေါင်းရင်းမြစ်များ

AGER KVDVNG 10:38

kapc Najaretdok Jisumc vrtoji Angunnc Yalodokki odokkc ilang-gvlangkokki; kapc gvgongkaji ainc ager gergo:la odokkc csa:molangkula uipa:nam appv:dcm, kapila:nc Ru:ncpvncbv bvk lcdulo dunggai.

MARKKC 6:56

Odokkc Bv okoloi gva:tonc, do:lungkvdv:do, nogorkvdv:do, cdcmanggom do:lung pomkonkvdv:do, bulu ramnc kinncm attar koko amo:lo:bulu jonga:bombito, odokkc Bvk gcnam attar tu:bvdogci gakkvpc cmna Bvm kumna luto; odo cdvkonc gakkvtonc cdc appv:dc csangamkangku.

METIU 11:5

miglunckvdv:dc ka:begdungku odokkc lambcgvla:ma:pc ngedgo:nckvdv:dc gvla:dungku, ngero:-ro:namkvdv:dc narcngkangku odokkc ru:benckvdv:dc tadbegamkangku, sinckvdv:dcm turabmodungku, odokkc opankvdv:dcm tadponc lutaddcm lubidung.

LU:KKC 13:22

Bv Bvk lambcdok gvtvla tawonloklang luyirra do:lung do:lu:lok gvkang, odokkc Jerusalempc gvka:la gvla.

AGER KVDVNG 2:22

“Israelsok tani:kvdvnga, sc agom kvdv:scm tadtoka: Najaretdok Jisubv, Ru:ncpvnckokki nolukkolo du:jonsumoto bottcru:nc ager germola odokkc mcngapla:ma:nam agercmlang odokkc kanggod kvdv:dokki okodcm noluk ara:lo Ru:ncpvncbv Bvkkokki gertoji, nolusin avyc kindagnc cdc Jisudcm.

MARKKC 6:6

Odokkc Bv buluk mc:jvma:namkokki mcngapla:tomang. Odokkc Bv do:lungkvdv:do luyir luyirla gvbomkang.

METIU 11:1

Odokkc cdvlo Jisubv vyvngkola:anyi agom tadjvgla gvmvnnc tani:kvdv:dcm luyir lungaptonc, bv odokkc poyirkapc odokkc lutadkapc buluk nogorkvdv:do:pc gvkang.

METIU 10:1

Odokkc Bvkkolo:pc Bvk agomtadjvgla gvmvnnc tani: vyingkolang anyidc gva:to odokkc ilang-gvlangcm narc:ma:nc yalo kvdv:dcmyam bottcya:dopc bito, cdcmbulum mcnpakla:dopc, odokkc appvng kinamramnam odokkc mosimola:ma:namcm csa:mola:dukupc.

MARKKC 1:14

Jo:nmc ycnggabdak lcdudo, Jisubv Galilpc gvtoku, Ru:ncpvnckc tadponc lutaddcm luyir luyirla, odokkc scmpc lula,