METIU 9:22 - ANU LUGOD N. T. (BSI)

²² Jisubv nge:latsuto, odokkc bvm ka:begla luto, “pcsoyoka, omcsa; nok mc:jvgdc nom aimotoku.” Odokkc oddung cdc nc:dcm aimotoku.

METIU 9:22 ပူးပေါင်းရင်းမြစ်များ

METIU 15:28

Odo Jisubv bvm lubito, “C:lo ambvra, nok mc:jvgdc bottcru:dag! Cdcm nok mcngkamv:dcmpc ika:langka.” Odokkc oddung bvk omcdcm csa:motoku.

METIU 17:18

Odokkc Jisubv uidcm morvdto, odo cdc uidc bvkkolokkc gvlenkang, odokkc cdc ko:dcm oddung aimotoku.

METIU 8:13

Odokkc cdc mimagmonc lvngkodok gvgcboncdcm Jisubv luto, “Gvkangkuka; no kapc mc:jvgla mc:tonc cdcmv:pc nokkc ika:langka.” Odokkc odo ludandodoi pagbodc csangkangku.

METIU 9:2

Odokkc ka:toka, bulu bvkkolo:pc alc alag cngunna:ma:pc kinc tani:ko gva:boto, bvk asubdo kcdla du:ncko; odokkc Jisubv buluk mc:jvgnamdcm kangge:la alc alag cngunma:pc kinc tani:dcm luto, “Pcsoyok, awosa; nok pa:pkvdv:dcm mc:yinamsubitobong.”

METIU 9:29

Odo Bv buluk amikkvdv:dcm ri:yitbito, scmpc lula, “Noluk mc:jvgnamdcmpc nolukkc cdcmpc ika:langka.” Odokkc buluk amikkvdv:dc darkang.

MARKKC 10:52

Odo Jisubv bvm luto, “Nok gvpckolok gvkang; nok mc:jvgnamdci nom csa:motoku.” Odokkc vgcmpc bv ka:begkangku odokkc Bvk lcdu lcdulo lambcdok gvmvnkang.

MARKKC 5:34

Odokkc Bv bvm luto, “Omcsa, nok mc:jvgnamdc nom csa:motoku. Mc:po:pc gvkangkuk, odokkc nok kinam csangkangkulangka.”

LU:KKC 17:19

Odokkc Bv bvm luto, “Darobtoka odokkc gvkangkuk; nok mc:jvgdc nom csa:motoku.”

LU:KKC 18:42

Odo Jisubv bvm luto, “No ka:pangkangkulangka; nok mc:jvgnamdc nom aimotoku.”

LU:KKC 7:50

Odokkc Bv nc:dcm luto, “Nok mc:jvgdc nom moturto; mc:po:pc gvkangkuk.”

LU:KKC 8:48

Odo Bv bvm luto, “Omma, nok mc:jvgdc nom csa:motoku; mc:po:pc gvkangkuka.”

JO:N 4:53

Cdc ayirardowai cdvlo Jisubv bvm lukaji abudc kindagai. “Nok awodc turyckupc.” Odokkc bvk cra:pagc.

AGER KVDVNG 14:9

Bv Poulmc lunamdcm tadto; odokkc Poulbv, bvm ka:jon joronna dungge:la bvkkc csangkunanc mc:jvgc dung cmna kangge:la, bottapakpc bc:dopc luto;

AGER KVDVNG 16:18

Odokkc cdcm bv bojcrung longcko lutvto. Cmpige:la Poulmc lugo-luroto, odokkc ngengkutsula yalodcm luto, “Ngo lurvdla ludung nom Jisu Kristokc aminno gvlentok.” Odokkc cdc odo ayirardo gvlenkang.

HIBRIUKVDVNG 4:2

Kapila:nc tadponc lutaddc ngolukkodo:pc pvngangkang kappar bulukkolo:pc pvngangkaji; cmpige:la cdc bulu oko lutaddcm bulu tadtonc bulum avkamotomang, kapila:nc cdc tadnckvdv:dcm mc:jvgkokki mcnga:tomang.