METIU 8:32 - ANU LUGOD N. T. (BSI)

³² Odokkc Bv bulum luto, “Gvkang.” Cdcmpila bulu gvlenamla e:gkvdv:do:pc gvangamto; odokkc ka:toka, cdc kcrcng appv:dc dugla siyc:dok dagtu:la owudnc ragodo dugbologam sukang, odokkc siycng asido singabamkang.

METIU 8:32 ပူးပေါင်းရင်းမြစ်များ

MARKKC 5:13

Cdcmpila Bv bulum gva:moto odokkc aima:nc uikvdv:dc gvlenamkang, odokkc e:g kvdv:do angapkang; odokkc e:g kcrc:dc, lv:ying anyikvramkopc, siycng asidok ledyi:nc among ru:yido dugjvngamkang, odokkc siycng asido jvnga:la singapkang.

LUNGOR LUNAM 20:7

Odokkc cdvlo cdc lv:ying dv:takdc gvngapka:ji,

AGER KVDVNG 4:28

nok alagc odokkc nok mcngkampc iycpc cmna ru:no:tagaji.

AGER KVDVNG 2:23

Ncrkvgpc tarung ru:namdcmpc topaklvgto odokkc Ru:ncpvnckc kinpo:namdcmpc, nolu Kuruslo pvtjonto odokkc lujvgluro kinma:nc tani:kvdv:dok alakki moketo.

LU:KKC 8:33

Odo cdc uikvdv:dc cdc tani:dokkc gvlenamkang odokkc e:gkvdv:do gvangamkang, odokkc cdc kcrc:dc siycng pa:ta:dok owudnc ragodo:pc dugamla dugbologamsula singapkang.

METIU 8:31

Odokkc uikvdv:dc Bvm kumna luto, “Ngolum no mcpakmvlo, ngolum e:g kcrcngkolo:pc mclvgteipcn.”

METIU 8:33

Rakinckvdv:dc dugamamkangku, odokkc nogordo:pc gvangamlangkula bulu appv:dcm lungapbitoku, odokkc uipa:namdokkc kapika:nc cdcmsin lubitoku.