METIU 8:20 - ANU LUGOD N. T. (BSI)

²⁰ Odo Jisubv bvm luto, “Mensarung kvdv:dokkc dungko arungc dung, odokkc do:mvrtok pcttangkvdv:dokkc asubc dung; ckvdaggom tani:kc Awodokkc Bvk mittukdcm lcngko kamang.”

METIU 8:20 ပူးပေါင်းရင်းမြစ်များ

METIU 12:32

Odokkc sc:koi agom apirko tani: Awodok lukampc tadma:pc luycnc bvm mc:yinsuyc; ckvdaggom Angunnc Yalodok birudi:pc luncdcm mc:yinsuma:yc, su:pak du:do-ycdoscm cdcmanggom a:pcnc du:do-ycdokvdv:domsin.

METIU 12:40

Kapila:nc Jona:bv lowumkolang yumumko Timi: ongo aki: ara:do dungai, cdcmv:pc tani:lok Awodc mo:pv among ara:bo lowumkolang yumumko du:yc.

METIU 12:8

Kapila:nc tani: Awodc Yodnam longcdoksin Ru:tumc.”

METIU 13:37

Bv lubito, “Sc:kobv ainc amni:dcm pittonc Bv tani:kc Awodc;

METIU 16:13

Odokkc cdvlo Jisubv Kaesarea Pilipi: jilado:pc gvtonc, Bvk agom tadjvgla gvmvnnc tani:kvdv:dcm tawuto, “Tani:lok awodcm tani:kvdv:dc okko cmdang?”

METIU 16:27

Kapil:nc tani:kc Awodc Bvk Abukc aipaidokki Bvk taycng among lutad lunc tani:kvdv:dokki gvkupcnamc, odokkc odo Bv appv:tani:ycm sc:kobv oko okkom ikanc odok bikupcnamcm biycku.

METIU 17:9

Odokkc bulu adi:dokkc re:yidokudo, Jisubv bulum lulvgto, “sc:komsin cdc lcngkansunamdcm lubiyok, tani:kc Awodcm sikolokkcm turmokuma:dodo:pc.”

METIU 19:28

Jisubv odo bulum lubito, “Aroru:pc, ngo nolum lubidung, anu mo:pvdo, cdvlo tani:kc Awodc Bvk amin gvnc migom dungkodo du:ycnc nolu sc:kobulu ngok lcdu lcdulo gvmvnnc kvdv:dc:sin vyvngkolang anyilok tedkolo tedmvnycku, Israeldok vyvngkolang anyi opvndok kcbangcm ba:langkula.

MARKKC 8:38

Kapila:nc sc:kobvi sc aminc:ng lango:nc odokkc pa:binc ope:kvdv:sok ara:lo ngomlang ngok agom lcgangc anyi:ycnc, bvmsin tani:kc Awodc anyi:ycku, cdvlo Bvk Abukc ka:de:pc angunnc taycng lutad lunckvdv:dokki gvyckuji.”

LU:KKC 12:8

“Odokkc ngo nolum lubidung, tani: kvdv:dok kcra:lo ngom lukansunc appv:dcm, tani:kc Awodc:sin Ru:ncpvnckc taycng among lutad lunc kvdv:dok kcra:do lukansuyc;

LU:KKC 18:8

Ngo nolum lubidung Bv bulum imurnclokkcm mcna:pc moturyc. Ckvdaggom, cdvlo tani:kc awodc gviyckunc, Bv mo:pvso mc:jvgcm pa:yckusong?”

LU:KKC 2:12

Odokkc scmpc noluk lcga:pc kanggodko pa:ycpc: nolu kowao ako ko:bonanc nvscgkokki yedge:la so:bo ncsin kungkangkolo boyubla lc:namcm ka:begycpc.”

LU:KKC 2:16

Odokkc bulu lomlagpisakla gvkang, odokkc Meri:mclang Josepmc mabegto, odokkc so:bo ncsin kungka:do ko:ako boyubla lc:namdcm.

LU:KKC 2:7

Odokkc bvk pa:pongarnam awodcm oto odokkc kowao bonanc nvscgkokki bvm yetto, odokkc bvm so:bo ncsin kungkangkolo boyubto, Kapila:nc mibo dungko okumdo bulu:kkc dungko katomang.

LU:KKC 21:36

Ckvdaggom appvng ayirro ka:sula du:langka, nolujen cdc appv:dc lendodcm dugpvtsunanc tornamcm pa:dopc kumna du:langka, odokkc tani:kc Awodok kcra:lo dagkansula:dopc.”

LU:KKC 8:3

odokkc Joanna:bv, Kuja:kc nc:dc, Herodkc okum ka:sv:mosv:ncdc, odokkc Susanna:bv, odokkc bojcrungkoda akke, sc:kobulu buluk lcgangc buluk attarkokki ila:sa:la bikaji.

LU:KKC 9:58

Odokkc Jisubv Bvm luto, “Mensurung kvdv:dokkc dungko arungc dung, odokkc do:mvrtok pcttangkvdv:dokkcsin asubc dung; ckvdaggom tani:kc Awodokkc okolosin Bvk tukkudcm lcngko kamang.”

JO:N 1:51

Odokkc bvm bv lubito, “Aro-aroru:pc, Ngo nolum lubidung, nolu taycng amo:tcm betkela, moge:dopc ka:begyc, odokkc Ru:ncpvnckc lutad lunckvdv:dcm Tani: Awodok tayc:lo gvigvsa:dopc ka:begyc.”

JO:N 12:34

Yadkumsunc tani: kvdv:dc Bvm luto, “Lujvg lurodokkcm ngolu tatto jc Kristobv lo:dvpc du:do. No kapc lula:don tani:kc Awodcm la:sa:ru:payc? Sc:kon cdc tani:kc Awodc?”

JO:N 13:31

Bv cdvlo gvlenka:nc, Jisubv luto, “Su:pak tani:kc Awodcm amingvmoyc, odokkc Bvkkolo Ru:ncpvncbv amin gvkang;

JO:N 3:13

Sc:kosin taycng amo:pc gvsa:langkumang taycng amo:tokkc sc:kobv gvikaji: bv:ma:mvlo, tani:kc Awodc:ma:mvlo.

JO:N 3:14

Odokkc Mose:bv yumra:do tabvdcm darsa:to, cdcmv:pc tani:kc Awodcmsin la:sa:ru:pa:yc;

JO:N 6:27

Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”

JO:N 6:53

Jisubv bulum luto, “arorupc nolu tani:kc Awodok adindcm doma:sisscm odokkc Bvk i:dcm tv:ma:sisscm, nolukkc avkc turnamc kamang;

JO:N 6:62

Cmpcmlo tani:kc Awodcm Bv po:pc okolo dungaji dc:sa:dokupc ka:mvlo kapc iyya:n nolu?

AGER KVDVNG 7:56

odokkc luto, “Ka:toka, ngo taycng amo:tcm moge:dopc ka:begdung, odokkc tani:kc Awodcm Ru:ncpvnckc lagbvk alakpc dagla du:dopc.”

2 KORINTIANGKVDVNG 8:9

Kapcnc nolu ngoluk Ru:tum Jisu Kristokc ayangcm kindag, jc Bv jodi mircmdagagom, ckvdaggom noluk lcgangc Bv opanncmpc ikang, odomvlo jen Bvk opandokki nolu jen mircmncpc iycpc.