6 “Iki:kvdv:dcm okko angundagnc cdcm biyoka, odokkc e:g kcra:lo noluk mukuta: doksori:ycm cryilvgyoka, ckvma:mvulo bulu lctvkokki cdcm bulum sanggc:yc odokkc nolum gampc cmna duga:yc.
Odokkc Bv lubito, “Ko:kangkvdv:dok pitangcm langge:la ikikvdv:dcm crbinamdc ainc agommang.”
Odokkc odo bojcrungc mcpagamyc, odokkc akoncm akonc miru alaglo tolvgmvnsuyc, odokkc, akoncm akonc tayummvnsuyc.
Nolu agom lc:sula lunnc, nok amikdok vsvng sv:po:dcm la:pakpo:tok, odokkc odopak no aiyo:pc ka:begycpc nok bvrodok amikdo du:nc vsvng sv:po:dcm la:pakpc.
lckko lckko:lo mo:dopc gvddcm, a:nclok pcsopcnamlo, rodkudnclok pcsopcnamlo, ngok avkc tani:kvdv:dokkc pcsopcnamc, Angu Tani:kvdv:dok pcsopcnamc, nogorlo pcsopcnamc, yumra:lo pcsopcnamc, siycnglo pcsopcnamc, lume: lunc bvrokvdv:dokkc pcsopcnamc;
Iki:kvdv:dcm ansu-kasutoka, aima:nc ager gernckvdv:dcm ansula ka:toka, adin amvrdcm mopanmoransunc kvdv:dcm ansuka:sutoka.
cddvko bojcya:pc palvgcm pa:pcnamcm sc:kobv Ru:ncpvnckc Awodcm mc:yamc:sancdc, odokkc lugoddok i:dcm narc:ma:pc imoncdc okodokki bvm narc:motagaji, odokkc aya:nc Yalodcm ipusire:ncdcm?
buluk avkc mcngkamkokki Ru:ncpvnckc Awodcm Kurusdo pvtkelvgla odokkc Bvm luka:la lunampc luto.
Cdc bulukkcpc cdcmpc ikang cdc aro lukanna lunamdcmpc, iki:dc bvk avkc badlennamdcm tu:latsula dosudakku, odokkc e:gcm vrpu:namdcm bvm bukatlo yonbut-yonyatsumokupc vrnamc.
Mo:rongkc kvdv:dc iki: kvdv:dc odokkc morunc kvdv:dc odokkc ami nc:ng lango:nckvdv:dc odokkc monam moimang kumgo:nc kvdv:dc, odokkc appv:dc sc:kobulu lume:lunamc ludagji odokkc aipc mc:dagji cdcbulu.