METIU 7:3 - ANU LUGOD N. T. (BSI)

³ No kapila nok bvrodok takotdcm ka:don, cmpige:la nok avkc amikdok du:nc vsvng sv:po:dcm ka:suma:pc?

METIU 7:3 ပူးပေါင်းရင်းမြစ်များ

GALATIANG KVDVNG 6:1

Bvrokvdvnga, tani: akonc jodi atv imurko iyc, nolu sc:kobulu yalodokki du:nc ainc asin gcla inamkokki yalokokki bvm motupa:do. Nolu avycm avyc ka:sutoka, ckvma:mvlo nolusin ankang ka:nampc iyc.

LU:KKC 18:11

Parisi:dc dagrobge:la avdc scmpc kumsuto, ‘Ru:ncpvnna, ngo nom aipai cmdung jc ngo amitani:ycmpc imang, yadla attar lango:binckvdv:dcmpc, kaboma:pc kcba:ba:nc, aminc:ng langgo:nc, odokkc sc migom murkong urkumsunc scmpcsinci imang.

METIU 7:4

Cdcmanggom, no kapc nok bvrodcm lulangkan, ‘nok takotdcm la:pakpo:biso cmna,’ nok avkc amikdo vsvng sv:pongko du:motu:la?

METIU 7:5

Nolu agom lc:sula lunnc, nok amikdok vsvng sv:po:dcm la:pakpo:tok, odokkc odopak no aiyo:pc ka:begycpc nok bvrodok amikdo du:nc vsvng sv:po:dcm la:pakpc.

ROMANKVDVNG 2:1

Cdcmpidag nolum mcma:yc, C:i taniya, no sc:kovcidaggom, cdvlo no sc:koiycm kcbangcm ba:doji; kapila:nc bvm kcbangcm ba:dodcm no avycm avyc aima:nc cmna lukesuto, kapila:nc, kcbang ba:nckvdv:dc, cdc agerv:dcm ila dung.