METIU 7:21 - ANU LUGOD N. T. (BSI)

²¹ “Ngom ‘Ru:tuma, Ru:tuma,’ cmnc appv:dci taycngamong migom dokodo:pc gvangkuma:yc, cmpige:la sc:kobvi taycng amo:tok du:nc ngok Abukc mcngkamdcmpc agercm gerycnc bv:ong gva:ycku.

METIU 7:21 ပူးပေါင်းရင်းမြစ်များ

ROMANKVDVNG 2:13

Kapcnc cdc lujvglurodcm tadncdc:mang Ru:ncpvnckc kcra:lo sc:kobv dormokadagji, cmpige:la lujvglurodcm tadla ager gerncdcmc arodag cmna ludag.

LU:KKC 6:46

“Kapila nolu ngom ‘Ru:tuma, Ru:tuma,’ cmna gogdon, odokkc ngo okodcm lulvgdoji cdcm ima:pc?

JAKOB 1:22

Cmpige:la agom lukamdcmpc incpc ilangka, odokkc tadla du:no:pc ima:pcka, nolu avycm avyc yadsula.

LU:KKC 11:28

Cmpige:la Bv luto, “Ckvdaggom sc:kobulu Ru:ncpvnckc agomcm taddagnc odokkc cdcmbulum lukamdcmpci idagnc bulumvn gernc-pu:ncn.”

TITUS 1:16

Bulu Ru:ncpvncmc kindag cmna lukansudag, cmpige:la bulu bvm buluk agerkvdv:dokki lupaksudag; bulum kvnggv:pc tayumpcnamc, agom lukam tadma:nc, atv ainc agerlokkcpcsin aima:nc.

HIBRIUKVDVNG 4:6

Cdcmpinamc cdcmpila akelokkcpc odo gva:pcnam dungkang, odokkc cdc sc:kobulu po:pcbong tadponc lutaddcm torvgsutonc agom lukam tadma:namdokki gva:la:tomang, lckoda Bv anguru:nc longcko lc:to,

JO:N 6:40

Kapila:nc sc ngok Abukc mcngkamdc jc sc:kobvi Awodcm ka:doji odokkc mc:jvgdoji Bvm bvkkolo turyarla turnamdcm pa:yc; odokkc bvm ngo du:tcr longcdo sosa:ycku.

LUNGOR LUNAM 3:5

Sc:kobv mopvycnc kampopc attarcm gcyc, odokkc ngo bvk amincm turnc kvdv:dok potindokkcm notpakma:yc; ngo bvk amincm ngok Abukc kcra:do odokkc bvk taycng among lutad lunckvdv:do lukanbiycku.

1 PITOR 4:2

lcdukc ayir appv:dcm adin amvrdo cdvlosin tani: mc:bo-ka:bokima:bong cmpige:la Ru:ncpvnckc mcngkamki turpc cmna.

HIBRIUKVDVNG 13:21

nolum appvng ainc attarkokki mosv:dag jc nolu Bvk mcngkamcm iyc-gvycpc, noluk ara:lo gerla jc okodc bvkkcpc kapc ka:podagji, Jisu Kristokokki; sckkcpc bv amin gvnamc lo:dv-longkvlokkcpc gvpcnammcji. Amen.

METIU 12:50

Kapila:nc sc:koi ngok taycng among abukc mcngkamdcmpc idogvdonc bvci ngok bvrro, odokkc bvrmc, odokkc annc.”

LUNGOR LUNAM 22:14

Cdc sc:kobulu migom gcnam attar kvdv:dcm nvpu:sula du:dagji bulu akirba:d pa:nc ja:te bulukkc turnam vsv:dokkcm pa:la:nam ilang gvlang pa:ycpc odokkc bulu nogordo:pc yabgokvdv:dok gva:laycpc.

JO:N 3:5

Jisubv lubito “Aro-aroru:pc, ngo nolum lubidung, akoncm asiloklang Yalodokki okuma:sisscm, bv Ru:ncpvnckc migom doko mo:pvdo:pc gva:a:ma:yc.

METIU 18:3

Odokkc luto, “Aroru:pc, ngo nolum lubidung, nolu asin mc:latsulangkula ko:waokvdv:dcmpc ima:mvlo, nolu kapcsin taycng among migom mongkvdo:pc gvangkuma:yc.

JO:N 7:17

tani: akolokkc bvk mcngkamcm ipc cmna mc:mvlo bv kinyc luyirdc Ru:ncpvnckolokkcyc: ma: ngo avkc lulang-gvlangkokki ludu:yc.

ROMANKVDVNG 12:2

Sc mo:pvsok ikam gvkampc imvn-gvmvnyoka, cmpige:la noluk asinkvdv:dcm anupc mc:la du:nam dagnamcm ila:gvla angupc itoka, odomvlo nolu Ru:ncpvnckc mcngkamdc okkoji cdcm lcngkanbidopc, okodc aidagji odokkc torvgsupcnammcji odokkc aiyo:pc aidagji.

MARKKC 3:35

Sc:kobvi Ru:ncpvnckc mcngkamdcmpc iycnc bv ngok bvrrangc, odokkc bvrmc, odokkc annc.”

1 TISSALONIANG 5:18

Kapila:nc cdcna Ru:ncpvnckc noluk lcgangc Kristo Jisukolo mcngkamc.

IPESIANG KVDVNG 6:6

amigc ka:la du:namkokki gernamo:mang, tani:ycm aipc mc:monammcmpc, cmpige:la Kristokc ager gerya:ncpc, asinkokki Ru:ncpvnckc mcngkampc agercm gerla.

1 PITOR 2:15

Kapcnc cdc Ru:ncpvnckc mcngkampc jc ainc agercm gerla:gerla: okkomsin kinma:pc tani:kvdv:dc kinma:nammcm aso:pc du:moycpc.

METIU 25:21

Bvk ru:tumdc bvm luto, ‘no adjiodo:sin mc:dap darapto, ngo nom bojcru:lokkcp togc:lvgyc; nok ru:tumkc mc:podo mc:pomvntoka.’

1 TISSALONIANG 4:3

Kapila:nc sc Ru:ncpvnckc mcngkamdc, noluk angunna gvnamdc; jc nolu aima:pc, mc:boka:bonamlokkc (nc:ng milbong ka:bomc:bonammc) gc:rlangka;

KOLOSIANG 4:12

Ipapra:bv sc:kobv nolukkologvng akoncji, Kristo Jisukc pagbo akoncji, nolum kumtadsudag, lo:dv:scm airu:pc bvk kumkolo mc:pa:la, jc nolu kinncpa:ncpc du:ycpc odokkc Ru:ncpvnckc appvng mcnggodlo pv:namkopc arro cmna mc:la.

LU:KKC 13:25

Cdvlo cdc okum ru:tumdc darobycji odokkc yabgodcm mokapycji nolu mo:ro:do dagla du:yc odok yabgodcm ranku:yc, scmpc lula, ‘Ru:tuma, ngolum moge:po:bitei.’ Bv nolum lubiyc, ‘Ngo kinmang nolu okolokkci gvdu:song.’

AGER KVDVNG 14:22

agom tadjvgla gvmvnnc kvdv:dok yalokvdv:dcm kvnggv:mola, bulum mc:jvgnamlo du:tvdopc luyir luyirla, odokkc kvnggv:pc mc:namsagnamkipak ngolu Ru:ncpvnckc migom doko mo:pvdo:pc gva:rungkupcnammc cmna.

LU:KKC 18:25

Kapila:nc mircmnc tani:akonc Ru:ncpvnckc migom doko do gvangkunam dcmyam u:tgure: adorkonc pcsiarungkolo gvkurnam dci gvkur poya:ycpc.”

MARKKC 9:47

Odokkc nok amigc nom pa:bcm imoycmvlo, cdcm karpaksutoka; Ru:ncpvnckc migom doko mo:pvdo:pc amik apirongko kage:la gva:namdc aiya:dag amik pirnyiko kage:la uiamo:pc cra:lvgkosunamdcmyam,

METIU 19:24

Lckoda ngo nolum lubidung, u:t gure: lokkcpci pcsiaru:dok gvkurnamdc gvkurla:ycpc mircmnc tani:akonc Ru:ncpvnckc migom du:tcng mo:pvdo gva:namdcmyam.”

METIU 18:35

“Cdcmv:pc ngok taycng amongtok Abubv appvngcm iyc, nolu bvrrom noluk asinbokkc mc:yinsuma:mvlo.”

JO:N 15:23

Sc:kobv ngom tayumdagnc ngok Abubv:sin tayumdag.

METIU 26:42

Lckoda, Bv gc:rkang odokkc kumto; “Ngok Abu, cdcm ngok tv:ma:takam gc:rma:mvlo, nok mcngkamdcmpci ika:langka.”

METIU 16:17

Odokkc Jisubv bvm luto, “No aipai pa:nc, Simon Bar-Jonanga! Kapila:nc i:adinki cdcm nom lukanbimang, cmpige:la taycngamo:tok ngok Abubvc: lumoto.

LUNGOR LUNAM 2:27

odokkc bv bulum migompc ila migom doyc mcngannc yogvr dangi:ycm bomna, kapc cdvlo amongki monam attar inyop inyoppc omvgdagji, kapc ngo avycsinci Abukolokkcm pa:toji,

JO:N 14:7

No ngom kinya:mvlo, no ngok Abudcmsin kinya:pc; su:pakkolokkc nolu Bvm kindagbong odokkc Bvm ka:tobo:sin.”

JO:N 5:17

Ckvdaggom Jisubv bulum luto, “Ngok Abubv su:paksin gertvla dung, odokkc ngo ager gerla dung.”

METIU 26:39

Odokkc adjioko gvbadla Bv pogbumna kumto, “Ngok Abu, cdcm ila:ycmvlo, sc bati:scm ngokkolokkcm la:paktei; cmpidaggom, ngok mcngkamdcmpcmang, cmpige:la nok mcngkamdcmpc.”

METIU 18:10

“Ka:sulangka sc adji:onckvdv:sok akosinci tayumyok;

METIU 18:19

“Ngo nolum lckoda ludung, noluk anyikonc tani:amo:so atvko konamcm lckopc mc:la koycnc, cdcm taycng amo:tok du:nc ngok Abubv konamdcmv:pc ibiyc.

METIU 25:10

Odokkc bulu rckapc gcnamc, magbodc pvnga:dobong, odokkc sc:kobulu mosv:sula dungganc bvk lcdulo gvmvnkang mida:dok dokotvngkopc; odokkc yabgodcm mokapto.