METIU 6:9 - ANU LUGOD N. T. (BSI)

⁹ Cdcmpidag scmpc kumtoka: Ngoluk taycng amo:tok du:nc Abba, Nokkc amincm kumnampc ika:langka.

METIU 6:9 ပူးပေါင်းရင်းမြစ်များ

LUNGOR LUNAM 4:11

“No arckancrungko, ngoluk Ru:tuma odokkc Ru:ncpvnc, amin gvnamclang mcnggcnammc, kapcnc no appvng attarcm ru:to, odokkc nok mcngkamki bulu du:dag odokkc ru:tungai.”

ROMANKVDVNG 8:15

Kapila:nc nolu pcsokupc cmna pagbolok yallom torvgsumangai, cmpige:la nolu awo:lok yalodcm torvgsuto. Cdvlo ngolu “Abba!” Cmna gogtoji;

GALATIANG KVDVNG 4:6

Odokkc nolu awa:pc inamc, Ru:ncpvncbv Bvk Awodok Yalodcm noluk alakkvdv:do:pc mca:lvgto, jc:la lula, “Abba! Ba:ba!”

LUNGOR LUNAM 5:12

scmpc bottapakpc lula: lula: “Me:r soben Awodc arc kadag okodcm palvgtoji, ilang-gvlangcm odokkc kanamsv:namcm odokkc kinnamcm odokkc torpc ila:nammcm odokkc mcnggcnammc odokkc amin gvnamclang akirba:d pa:pcnammc!”

METIU 7:11

Odomvlo nolu, sc:kobulu aisi:ma:ncnc, kapc ainc amancm noluk ommangkvdv:dcm bikindagnc, cdcmyam cddvko noluk taycng amo:tok Abukc ainc attarcm kanckvdv:dcm biycnc!

METIU 26:29

Ngo nolum lubidung ngo lckoda sc angur a:ycsokkcm tvngkuma:yc ngok Abukc migom du:tc:do noluk lcdulo anupc cdcm tv:doku longcdo:pc.”

METIU 23:9

Odokkc mo:pvso oko tani:ycmsin Abbo cmna gogyoka, kapila:nc nolukkc Abbo ako dung, sc:kobv taycngamo:to du:ji.

METIU 5:16

Noluk pvangcm tani: kvdv:dok kangkolo pva:motoka, odomvlo bulu noluk ainc agerkvdv:dcm ka:begycpc odokkc taycngamo:tok du:nc noluk Abumc bottaru:nc cmna kumycpc.

LU:KKC 15:18

Ngo darobla ngok ba:bukolo:pc gvycku, odokkc ngo bvm luyc, “Ba:ba, ngo taycng among lukamma:pclang nok lukamma:pc pa:bcm ito.

1 PITOR 1:17

Odokkc jodi nolu Bvk Abukopc gogyc sc:kobv bvkkc bvkkc inamdcmpc akonongcm ka:ma:pc kcbangcm ba:donc, noluk amikc amo:lo yc:bomkosula du:do ayir appv:do pcsokono asinc gcla du:langka.

1 TIMOTI: 6:16

sc:kobv atcro:do sima:nammc du:ji odokkc ka:rvgsula:ma:nam pva:lo du:doji, sc:kom oko tani:ycsin cdvlosin kangkvma:nc cdcmanggom ka:la:ma:nc. Bvkkolo:pc mcnggcnammc odokkc lo: dv-longkvpc migom donamc dungka:langka. Amen.

LU:KKC 15:21

“Odokkc awodc bvm luto, ‘Ba:ba, ngo taycngamong lukam tadma:pc odokkc nok lukampc tadtomang; ngom nok aowomna gogpcnamma:bong.’

LU:KKC 2:14

“Appvngcm Oudaryangkoto Ru:ncsa:nckc Aipaiyc, odokkc, tani:amo:so Bvk aipc mc:lvgsunam tani:kvd:dok ara:lo mc:pomcnganc!”

METIU 6:14

“Kapila:nc nolu tani:kvdv:dcm buluk imursiyarcm mcyinsumvlo, noluk taycng amo:tok Abubv:sin nolum mc:yinsuyc;

METIU 6:6

Cmpige:la cdvlo nolu kumdonc, noluk soyarlo:pc gva:lang odokkc yabgom mokapsulang odokkc noluk Abudcm kumnang sc:kobv kinmango:pc du:dagnc; odokkc noluk Abubv kinmango:pc ka:ncdc nolum amancm biycpc.

METIU 5:48

Nolu, cdcmpidag, appvngcm kinbvnpa:danyc, noluk taycng amongkc Abukc kinnbvnkammarcmpc.

GALATIANG KVDVNG 1:1

Poulbv mclvgla ager germonamko–tani:lokkcmang cdcmanggom tani:kokkimang, cmpige:la Jisu Kristokokki odokkc Abudc Ru:tumkokki, sc:kobv Bvm sikolokkom turmotokuji–

JO:N 20:17

Jisubv bvm luto, “ngom gagkvyok, kapila:nc su:paksin ngo Abukoto:pc pv:sangkuma:da; cmpige:la ngok bvrrang kvdvngolo:pc gvkangkuk odokkc bulum lulangka, ngo Abukoto:pc dc:sang dungkubong odokkc noluk Abukodo, ngok Ru:nc sa:nclang noluk Ru:ncsa:nc koto:pc.”

METIU 26:42

Lckoda, Bv gc:rkang odokkc kumto; “Ngok Abu, cdcm ngok tv:ma:takam gc:rma:mvlo, nok mcngkamdcmpci ika:langka.”

ROMANKVDVNG 1:7

Ro:mdo Ru:ncpvnckc aipc mc:nam appv:do:pc, sc:kobulum angunnc tani:pc gogtoji bulukkolo:pc: Ngoluk Abu Ru:ncpvnckolokkc nolukkolo:pc ayangc mc:po odokkc Ru:tum Jisu Kristokolokkc.

METIU 10:29

Paksurung pirnyikoncm amcr apiro:lok koma:lang? Odokkc odok apirkoncsin noluk Abukc mcngkamdcmpcma:mvlo amo: lo dc:yi:mang.