METIU 6:19 - ANU LUGOD N. T. (BSI)

¹⁹ “Mo:pvso avkc lcgangc murkongcm lcngkumsuyoka, okolo tapumclang argomc dopakdagnc odokkc dopsongkvdv:dc:sin gvala dopso:dagnc,

METIU 6:19 ပူးပေါင်းရင်းမြစ်များ

METIU 19:21

Jisubv bvm luto, “No appv:lok aiyyampc cmna mc:dagmvlo, gvkang, oko okko du:nc kongapta:kuka odokkc opancm bitok, odokkc nokkc murkong kumsungc du:yckupc: odokkc gvtok, ngok lcdulo gvmvntok.”

METIU 6:20

Cmpige:la nok lcga:pc taycng amo:to murkongcm mckumtoka, okolo tapum manggom argomc domang odokkc okolo dopsongc gva:mang odokkc dopso:mang.

LU:KKC 12:21

“Cdcmpidag sc:kobv avkcpc murkong lcngkumsudonc, odokkc Ru:ncpvnckcpc mircmmang.”

LU:KKC 12:33

Noluk attar du:nc appvngcm kopagamtok, odokkc kogo:ncm binamkvdv:dcm bitoka, akuma:nc sogcncm nolu avkcm avyc mosv:sutoka, taycngamo:tok jidma:nc murkong lcngkumnancko, okolo oko dopsongcsin gva:ma:ji odokkc tabvncsin pvdmvgma:ji.

LU:KKC 12:39

Cmpige:la scm kintoka, okumdok ru:tumdc cdvlo dopsodc gva:ycji cmna kinya:mvlo, bv bvk okumdcm dopsomoma:yai.

LU:KKC 18:22

Odokkc cdvlo Jisubv cdcm tattoji, Bv bvm luto, “Ager abangko su:paggom no pv:ramdu:da, nokkc oko okko du:nc appv:dcm kopaktok odokkc opankvdv:dcm ortok, odokkc taycng amo:to nokkc murkongc du:yc; odokkc gvtok, ngok lcdu lcdulo.”

LU:KKC 18:24

Jisubv bvm kangge:la luto, “Cddvkojc tordagnc sc:kobulu:kkc mitcmircmc du:ji Ru:ncpvnckc migom dokodo gva:pc!

1 TIMOTI: 6:17

Cdc mircmnckvdv:dokkcpc sc mo:pvso, bulum bottcpc lubonsudopc luma:dopc lujcmtoka, cdcmanggom buluk mc:tindcm oddar cmnamma:nc mitcmircmma:lo mc:ma:pc cmpige:la Ru:ncpvnckolo sc:kobv mitcmircmru:pc ngolum appvngkokki du:podagpodopc moru:lvgtagnc.

HIBRIUKVDVNG 13:5

Noluk turnamdo murkongcm aipc mc:bola mc:yoka, odokkc nolukkc okko du:ji cdcmong mc:tv:sula du:langka; kapcnc Bv luto, “Ngo cdvlosin bila:ma:pc ima:yc cdcmanggom nolum mcma:yc.”