METIU 5:30 - ANU LUGOD N. T. (BSI)

³⁰ Odokkc nok lagbvkkc alagdc nom pa:bcm imodagmvlo, cdcm tcgtu:sutoka; odokkc nok amvrdok abangko mcpaknamdci aiya:dag nok amvrappv:dc uiamo:pc gvnamdcmpcyam.

METIU 5:30 ပူးပေါင်းရင်းမြစ်များ

MARKKC 9:43

Odokkc nok alagc nom pa:bcm imoycmvlo, cdcm papansutoka;

METIU 5:29

Nok lagbvkkc amikdc pa:bcm imodagmvlo, cdcm karrensutok odokkc cdcm yoppaktoka; nok amvr appv:dcm uiamo:pc cra:lvgkosunamdcmpcyam amvrdok abangko mcpaknamdc aiya:dag.

1 PITOR 2:8

“Odokkc vlvng apvko okodc tani: kvdv:dcm lcsudsumoycnc, pvtan vlvngkonc jc okodc bulum oledmoycpc;” Kapcnc bulu lcsudsudag lcga:dc bulu agomdcm lukamdcmpc tadmang, kapc bulum ilangka cmna lutungaji.

1 KORINTIANG KVDVNG 8:13

Cdcmpidag, donamdc jodi ngok bvrokc imur lcga:pc ido, ngo cdvlosin adincm doma:yc, ckvma:mvlo ngo ngok bvrodcm domurmoncpc idag.

LU:KKC 17:2

Cdc bvkkcpc vlvngko lv:podo raglvgsuge:la siycng asilo oyutsunamdcmci aiya:ycpc, sc adjio:nckvdv:sok akoncm pa:bcm imonamdcmpcyam.

METIU 13:21

Cmpidaggom bvkkc avkc appvrdu:suma:la, ckvdaggom asudowko sagrasula du:do, odokkc cdvlo asin mc:dvrmc:songc cdcmanggom ipusire:yc lensa:ycji agom tadnam lcgangc, lomdanna bv sanpakdag.

LU:KKC 12:5

Cmpige:la ngo nolum lubipc sc:kobulum nolu pcsopcnamcji: bvm pcsolangka, sc:kobv mokege:la:sin, bvm uiamo:pc mclvgdagji; c: ngo nolum lubidung, Bvm pcsotoka!

GALATIANG KVDVNG 5:11

Cmpige:la ngo idaggom, bvrokvdvnga, gadpuknamdcm su:paksin lutadbidu:mvlo, kapila ngo su:paksinci ipusire:kosuycn? Odo agomdo Kurusdok lcsudla otapbonc sv:tu:dcm la:paktobong.

ROMANKVDVNG 9:33

Bulu lcsutsuko vlv:do lcsutsuto, cdcm adla lcngkamdcmpc, “Ka:tok, ngo Jiondo vlvngko lc:tung cdc tani:kvdv:dcm lcsutsumoyc, rakut vlvngko cdc bulum otapmoyc; odokkc sc:kobv Bvm mc:jvgycnc bvm anyi:sumoma:yc.”

METIU 26:31

Odo Jisubv bulum luto, “Siyumkc yumcscm nolu appvngc ngok lcga:pc invgsikor pa:yc; kapila:nc cdcm adla lc:tag, ‘Ngo mer-soben ka:sv:ncdcm dcmyc, odokkc me:r-soben kcrc:dc dugpidamsuyc.’

METIU 22:13

Odo migomdc mibo bonc tani: kvdv:dcm luto, ‘Bvm alc alagdcm yc:tok, odokkc clc morongkc kcmmolo crrennvgta:ka; olo tani:kvdv:dc kaptaksuyc odokkc a:yckvdv:dcm dokcrcbamsuycpc.’

METIU 25:20

Odokkc sc:kobv cdum anggoko torvgsukanc gva:to, cdum anggokoda boma:setla, scmpc lula, ‘Ru:tuma, no ngom cdum pvngoko bitungai; sc:na ngokkc cdum pvngokoda pa:tonc.’

METIU 16:23

Ckvdaggom Bv gvkutsuto odokkc Pitormc luto, “Ngok lamkupc gvkang, Satana! No ngokkcpc invgsikorncko; kapila:nc no Ru:nc pvnckcpc imang, cmpige:la tani:kvdv:dokkcpc idag.”

METIU 11:6

Odokkc sc:kobv ngok gvkolo gvnyi:ma:ycnc bv akirba:d pa:nc.”

METIU 5:22

Cmpige:la ngo nolum lubidung jc sc:kobvi avkc bvrodcm aglvng sa:ycnc bvmsin tadjvgtarrom kcba:lo tapcnampc ido; sc:kobvi avkc bvrodcm aisi:ma:nc cmna luycnc bvm bottaru:nc kcba:lo tadjvgtarrom tadpcnampc iyc.

METIU 17:27

Ckvdaggom, bulum imursuma:dopc siycngpc gvkang odokkc boroki:ko ku:ta:ka, odokkc ku:sangarpo:nam ongodcm sogaplang, odokkc odok nappa:dcm kingkamvlo no adoli: apirko pa:ycpc; cdcm la:lang odokkc bulum ngok lcga:pc odokkc nok lcga:pc bilang.”

METIU 18:8

“Odokkc nok alagdc:ma:mvlo nok alcdc nom pa:bcm imodagmvlo, cdcm papaksutoka odokkc cdcm crpaktok; nokkcpc lcbe:-be:la alag asongko kama:pc gva:namdci aidag alag so:nyiko manggom alc so:nyiko dungge:la cdvlosin midma:nc vmvlo cra:lvgkosunamdcmpcyam.