METIU 5:20 - ANU LUGOD N. T. (BSI)

²⁰ Kapila:nc ngo nolum lubidung, noluk Ru:ncpvncmc kumgotdc potin adnckvdv:dcmla, Parisi:kvdv:dcmyam, aiya:ma:mvlo, nolu cdvlosin taycngamong migom dungkodo:pc gva:lankuma:yc.

METIU 5:20 ပူးပေါင်းရင်းမြစ်များ

PILIPIANG KVDVNG 3:9

Cdcmpc ipc cmna jc ngo Kristomc avpc pa:pc odokkc bvkkolo pa:supc, ngok avkc dormo kanamkokkimang, lujvg-lurodokki, cmpige:la jc okodc Kristokolo mc:jvgnamkokkipak, Ru:ncpvnckolokkc dormokanamdc cdc mc:jvglo togcsudag.

HIBRIUKVDVNG 12:14

Appvng tani:kokki mc:nganna du:pc kvnggv:pc ilang sa:langka, odokkc angunnam lcgangc okodc:ma:mvloi sc:kosin Ru:tummc ka:begma:yc.

2 KORINTIANGKVDVNG 5:17

Cdcmpidag, jodi sc:kaiyc Kristokolo du:nc bv anupc ru:namc; akudc katoma:bong, ka:toka, anudc a:du:bong.

METIU 7:21

“Ngom ‘Ru:tuma, Ru:tuma,’ cmnc appv:dci taycngamong migom dokodo:pc gvangkuma:yc, cmpige:la sc:kobvi taycng amo:tok du:nc ngok Abukc mcngkamdcmpc agercm gerycnc bv:ong gva:ycku.

LUNGOR LUNAM 21:27

Cmpige:la atv narc:ma:nc odopc gva:ma:yc, cdcmanggom sc:kobv tayumpcnam agercm gerdagji akoncsin cdcmanggom lume: agomcm ludagji, cmpige:la cdc sc:kobuluk amincm Awome:rdok turnckvdv:dok potindo adtu:nc cddo:bulu gva:yc.

LU:KKC 18:17

Aropakpc, ngo nolum lubidung, sc:kobvi Ru:ncpvnckc migom doko mo:pvdcm kowawkoncmpc torvgsuma:ycnc odo gva:ma:yc.”

LU:KKC 12:1

Odo cdcmpc idodcmci, cddv lvngkokojc: tani:yc yadkumsuka:nc jc bulu akonc akoncm sa:tupsa:somvnsukang, Bvk agom tadjvgla gvmvnnc tani:kvdv:dcm lusa:danna Bv lurobbomkang, Parisi:kvdv:dok komira:dcm ansulangka, okodc lc:sula aima:pc ager inamgvnamcji.

LU:KKC 11:44

Yowc: Yowa! Nolu mc:dvrpcnamc, kapila:nc nolu ka:begma:nam aggompc idag, odokkc tani:kvdv:dc cdcm kinma:pc odok tayc:do lambcm gvdag.”

MARKKC 10:25

U:t gure:yc pcsi aru:lok gvko:pci gvko:poya:dag mircmnc tani:akonc Ru:ncsa:nckc migom dokodo gva:namdcmpcyam.”

MARKKC 10:15

Aropakpc, ngo nolum lubidung, sc:kobvi ko:kangcmpc ima:ycnc Ru:ncsa:nckc migomdokodo:pc gva:langkuma:yc.”

METIU 18:5

“Sc:kobvi scmpinc ko:ako ngok aminno torvgsuycnc bv ngommci torvgsutobong.

METIU 3:10

Su:paksinci vsvng appvrkvdv:do vgv:dcm tvgabla lc:tung; ainc a:yc e:ma:nc vsvng appv:dcm cdcmpidag tc:tapdo odokkc vmvlo cra:lvgla rompakdo.

METIU 16:12

Odo bulu mcngkinto Bv:jc bulum pita:lok komircm lumang cmna, ckvdaggom Parisi:kvdv:doklang Sadduki:kvdv:dok luyirnam kvdv:dcmmvnc: ludang.

2 KORINTIANGKVDVNG 3:9

Kapila:nc aimang cmna mokenamdok adla lc:namdc jodi unjvgdagamvlo, dormokanck agomdok adla lc:namdc bojcru:yangko unjvgya:yc.