METIU 5:19 - ANU LUGOD N. T. (BSI)

¹⁹ Sc:kobvi cdcmpila sc lujvgla lunamkvdv:sok adjio:nc abangkogom tadma:ycnc odokkc tani:kvdv:dcm cdcmv:pc luyirycnc, cdcmv:pc bvm taycngamo:tok migom dungkodo adjiarya:nc cmycku, cmpige:la sc:kobv cdcmbulum luyirycnc taycng amo:tok migom dungkodok bottcru:nc cmna luycku.

METIU 5:19 ပူးပေါင်းရင်းမြစ်များ

METIU 11:11

“Aropakpc, ngo nolum lubidung, nc:ngkvdv:dok onamlok Jo:n Baptismo bincmc bottaya:nc akosin oma:da; ckvdaggom taycng amo:tok adjiyarya:ncdc bvmyam bottarya:nc.

METIU 19:28

Jisubv odo bulum lubito, “Aroru:pc, ngo nolum lubidung, anu mo:pvdo, cdvlo tani:kc Awodc Bvk amin gvnc migom dungkodo du:ycnc nolu sc:kobulu ngok lcdu lcdulo gvmvnnc kvdv:dc:sin vyvngkolang anyilok tedkolo tedmvnycku, Israeldok vyvngkolang anyi opvndok kcbangcm ba:langkula.

METIU 20:26

Cdc noluk ara:lo ima:jc; ckvdaggom sc:kobvi noluk ara:lo bottcncpc iycnc bv noluk pagbopc ipa:ru:yc,

METIU 28:20

nolum ngok lulvgnam appv:dcm luyirra bulum; odokkc ka:lang, ngo lo:dcm noluk lcdulo dung, sc ju:gsok du:nam longcdok dungapdodo:pc.”

LU:KKC 1:15

Kapila:nc bv Ru:tumkc kangkolo bottcpakyc, odokkc bv apongcmmanggom angur alang vrncm tv:ma:yc. Odokkc Bvk ancdok aki:ara:bo du:dodokkcboi Angunnc Yalodc bvkkolo bi:danna du:yc.

LU:KKC 11:42

“Ckvdaggom Parisi:kvdvnga nolu:kkcpc Pcsola mc:dvrla pcsopcnamc! Kapila:nc nolu poduna:lokkcmlang marsang lokkcmci gagyvngdok agagko bido, odokkc aropc inam gvnamcmnang Ru:ncpvnckc ayangcm cmmumcmpc mc:dag; cdcmbulum nolu ipcnammai, akekvdv:dcm cmmumpc mc:ma:pc.

LU:KKC 9:48

Odokkc bulum luto, “Sc:kobului ngok aminno sc kowawscm torvgsuycnc ngom torvgsudag, odokkc sc:kobvi ngom torvgsudagnc ngom mclvgncdcm torvgsudag; kapila:nc sc:kobv noluk ara:lo adjiyar-ya:ncnc cdc bottar-ya:ncdc.”

AGER KVDVNG 1:1

Adpo:nam potindo, O Tiopilu, ngo Jisukc gerbomnam odokkc luyirnam appv:dcm adto,

ROMANKVDVNG 3:8

Odokkc kapila aima:nc agercm ainc lendopc germa:nc? kapc tani: akke aima:pc lugcla ngolum lua:dang cdcmpc lula. Bulum kcba:ba:la mokenam kvdv:dc arodo.

ROMANKVDVNG 6:1

Cdcmpcmvlo ngolu pa:bcm itvla du:ycnci?

ROMANKVDVNG 6:15

Cmpcm okkon? Ngolu pa:bcm ipa:donci ngolu lujvg lurodok kcvgpc du:ma:la cmpige:la aya:dok kcvglo du:la? Kapcsin cdcmpc ima:pcka!

1 TIMOTI: 6:11

Cdcmpige:la kapc nokkcpc, Ru:ncpvnckc tani:pc ila, cdc appv:dcm mcpaktoka; dormokanamdcm ka:mi:toka, ainc ager gernam, mc:jvgc, aipc mc:namc, mcmangke:ke:pc du:tvnammc, asin aipc inam gvnamcm.

TITUS 3:8

Cdc lunamdc arorungc. Ngo nolum sc agomkvdv:scm mcma:pc gagla du:toka cmna asinbc mc:dag, odomvlo jen cdc sc:kobulu Ru:ncpvncmc mc:jvgdagnc ainc agercm avkvdv:dc gerpc ansuka:suycpc; cdcbulu anguru:pc aidag odok tani:kvdv:dokkcpc av kadag.

1 PITOR 5:4

Odokkc cdvlo cdc Me:r soben kanggabncdok bottarya:ncdc lcngkansuycnc nolu cdvlosin yogma:nc amin gvnc dumlupdcm pa:yc.

1 JO:N 3:4

Appvngc sc:koi pa:bcm idagji lujvgluro lukam tadma:nam imursiyar inc kado.

LUNGOR LUNAM 2:20

Cmpige:la sc nok birudi:pc ngokkc dung, jc no Jejebel nc:dcm mc:yinsuto, sc:kobv av avdc lungor lunnc cmna lusudagji odokkc ngok ager gerya:nc kvdv:dcm aisi:ma:nc agercm geryiddopc odokkc moimang kvdv:dok kcra:lo tvlvgnam donamcm dodopc luyirdung odokkc yaddag.