METIU 5:14 - ANU LUGOD N. T. (BSI)

¹⁴ “Nolu mo:pvsok pvangc. Adi: taycngkolo du:nc nogorc lc:sisula:mang.

METIU 5:14 ပူးပေါင်းရင်းမြစ်များ

PILIPIANG KVDVNG 2:15

Jc nolu lugcng kama:pc iycpc odokkc imurkama:pc iycpc, Ru:ncpvnckc ommangkvdv:dc koiyyang kama:pc lukcrcp agomlunc odokkc gvmurra gvnc opvnkvdv:dok ara:lo saki:pc dordo, turnamsok agomdcm kvnggv:pc gagla du:la,

JO:N 8:12

Jisubv lckoda bulum luto, scmpc lula, “Ngo mo:pvsok pvangc; sc:kobv ngok lcdulo gvmvnycnc kcmolo gvgo:ma:yc, cmpige:la turra du:namsok pvangcm pa:yc.”

1 TISSALONIANG 5:5

Kapcnc nolu appvngc pva:lok ommangc odokkc longclok ommangc; ngolu yumclokkcmang cdcmanggom kcmolokkcmang.

JO:N 12:36

Nolukkolo pva:dc du:dauso, pva:dcm mc:jvgtoka, odomvlo nolugom pva:dok omma:pc iycpc.” Jisubv cdcm luge:la, Bv gvpakkang odokkc bulukkolokkc avdc gvsisukang.

2 KORINTIANGKVDVNG 6:14

Mc:jvgma:nckvdv:dokki ajoncm jonsula midangcm moyoka. Kapila:nc dormokancdokkclang aima:nc ager gerncdokkc jonsupcnamc okko du:n? Cdcmanggom pva:dokki kcmodokkc oko ajon jonsunammc du:n?

JO:N 5:35

Bv dorra du:nc unjvgnc saki:kai, odokkc nolu bvk pva:do asudowko mc:poko mc:lvgdagai.

LUNGOR LUNAM 1:20

Kapc cdc takar kvnvddok mcngapla:ma:nam agom kvnvddokkcpc okodcm no ngok lagbvg alakso ka:begtoji, odokkc kvnvd avn saki: tvgcla lc:nanckvdv:dcm, cdc takar kvnvddc mondoli: kvnvddok taycng among lutadnckvdv:dc odokkc cdc kvnvd saki: tvgc:dc:bulu mondoli: kvnvddc.

JO:N 9:5

Mo:pvso cddv:koi ngo du:ycji, ngo mo:pvsok pvangc.”

LUNGOR LUNAM 2:5

Mc:pa:langka cdcmpinamc no okolokkc kcdledka:ji, asinc mc:dvrra mc:latsutokuka odokkc agerdcm nok gerangarpo:la gernamdcm gertoka. Germa:mvlo, ngo nokkolo:pc gvyc odokkc nok saki: tvgcnancdcm odok tvkodokkc la:pakyc, no asinc mc:dvrra mc:latsukuma:mvlo.