METIU 5:11 - ANU LUGOD N. T. (BSI)

¹¹ “Nolum aipc luitpcnamc cdclo tani:kvdvngc nolum ngok lcgangc luka:la luycnc, ipusire:la iycnc odokkc lume:pc appvng aima:nc agomcm jc:la luycnc odo.

METIU 5:11 ပူးပေါင်းရင်းမြစ်များ

1 PITOR 4:14

Nolum jodi Kristokc amindok lcgangc aima:pc ge:la luyc, nolu akirba:d pa:nc, lcga:dc amin gvnc yalodc odokkc Ru:ncpvnckcdc nokkolo du:do.

LU:KKC 21:17

noluk appvngcm ngok amin lcgangc tayumyc.

MARKKC 13:13

Odokkc nolum appvngc tayumyc ngok lcgangc. Ckvdaggom sc:kobvi mentumsula du:ycnc bv turyc.

METIU 24:9

“Odo bulu nolum mc:dvr-mc:so:dopc imoyc, odokkc mokeyc; odokkc ngok amindok lcgangc appvng opvnc nolum tayumyc.

LU:KKC 6:22

“Tani:kvdv:dc cdvlo nolum tayumycji nolu gernc-pu:nc, odokkc bulu cdvlo nolum angupc du:moycji odokkc nolum aima:pc luycji, odokkc nolum amincm aisi:ma:nc cmna minycji, Tani:kc Awodok lcgangc!

1 PITOR 2:23

Cdvlo Bvm aima:pc lutoji, Bv tu:latsula aima:pc lutomang; cdvlo Bv ipusire:ko pa:toji, Bv pcsodopc momvgmangai, cmpige:la Bvm Bv mc:jvgto sc:kobv aipc kcbangcm ba:toji.

JO:N 15:21

Ckvdaggom bulu cdc appv:dcm ngok lcgangong iyc, lcga:dc bulu sc:ko ngom mclvgtagji kinmang.

METIU 10:22

Odokkc nolum ngok amin lcgangc tayumyc. Ckvdaggom sc:kobv du:tcrdo:pc du:jcmna du:ycnc bvm moturyc.

METIU 10:39

Sc:kobv turnamdcm pa:dagnc bv cdcm yogmoyc, odokkc sc:kobv ngok lcgangc turnamcm yogmoycnc bv cdcm pa:yc.

LUNGOR LUNAM 2:3

ngo kindag no aso:pc dunggcla odokkc ngok amin lcgangc asinc mcnga:tvla du:namdcm mentumsula dung, odokkc no gerdvr-gersongmang.

METIU 19:29

Odokkc sc:ko sc:kobvi okumkvdv:dcm mctonc cdcmanggom bvrrangcm cdcmanggom bvrmangcm cdcmmangcm abbom cdcmanggom anncm cdcmanggom ommangcm cdcmanggom amongcm, ngok amin lcgang, cdcmyam lvngkokopc, pa:ycku odokkc lo:dvscm turra dungkunam turnamdcm pa:ycku.

2 KORINTIANGKVDVNG 4:11

Kapila:nc cdvlo ngolu turra du:donc ngolu lo:dcm sinamlo jen Jisukc turnamdc ngoluk sipcnc adinso lenycpc.

1 KORINTIANG KVDVNG 4:10

Ngolu Kristokc lcgangc monba:ba:nc, cmpige:la nolu Kristokolo kinncpa:nc. Ngolu ilang gvla:ma:nc ckvdaggom nolu ilang-gvla:nc. Nolum mcnggcla du:namc, cmpige:la ngolum amin aima:pc gvmonammc.

ROMANKVDVNG 8:36

Cdcm adla lc:namdcmpc, “Nok lcga:pc ngolum longgcm longgcm mokenampc idung; ngolum pakenam bera sobenpc tolvgtag.”

LU:KKC 21:12

Ckvdaggom sc appv:sok po:pc bulu nolum alagcm pigabla nolum irvsinyyom ingapyc, nolum kumko okumkvdv:do togcngamlvgla odokkc makanang kvdv:do, odokkc nolum migomkvdv:dok kangkolo soangbomyc odokkc amo:ru:tum kvdv:dok kcra:lo ngok amin lcgangc.

LU:KKC 9:24

Kapila:nc sc:kobvi bvk turnamdcm motursuycnc bv yogmoyc; odokkc sc:kobvi ngok lcga:pc bvk turnamcm yogmoycnc, bv cdcm motursuyc.

MARKKC 8:35

Kapila:nc sc:kobvi bvk turnamcm pa:la dung cmna mc:ycnc bv cdcm yogmoyc; odokkc sc:kobvi bvk turnamcm ngok lcga:pc tolvgycnc odokkc tadponc lutaddok lcga:pc mclvgycnc cdcm moturyc.

METIU 10:25

Agom tadjvgla gvmvnnc tani:dokkcpc bvk luyirncdcmpc inamdci pv:dag, odokkc pagbodc bvk ru:tumdcmpc inamdci pv:sepv:yedag. Bulu okum cra:dok ru:tumdcmci Belsobub cmyc, cddvk abayangko lubarla bulu cra:dok luggcm gcync!

AGER KVDVNG 9:16

kapila:nc ngok lcgangc bv cddvkopc ipusire:ycm pa:pcnammcji bvm lcngkanyc.”

MARKKC 13:9

“Cmpige:la nolu avkvdv:dc ansulangka; kapila:nc bulu nolum kcba:lo tolvgyc; odokkc nolum kumko okumkvdv:do dcmyc; odokkc nolu amo: ru:tumnoklang migomkvdv:dok kcra:lo dakkansuyc ngok lcgangc, buluk kcra:lo lukansubidopc.

METIU 27:39

Odokkc sc:kobulu odok gvpatla gvdaganc Bvm yvrka:to,

MARKKC 4:17

Odokkc bulukkc ayvkc appvrc kasumang; cmpige:la asudowongko du:dag; odokkc, cdvloi asin mc:dvrmc:songc cdcmanggom ipusire:yc lenycnc agomdok lcgangc, oddung bulu avkc kumnamcm mcpakdag.

METIU 10:18

Odokkc ngok lcgangc bulu nolum amo:ru:tumkvdv:do:pc odokkc buluk migomkvdv:do:pc soa:bomyc, buluk kcra:lo odokkc angu tani:kvdv:dok kcra:lo lubisudopc.

JO:N 9:28

Odo bulu bvm scmpc lula, aima:pc ge:to, “No:na bvk agom tadjvgla gvmvnncnc, cmpige:la ngolu Mose:kc agom tadjvgla gvmvnnc.

PILIPIANG KVDVNG 1:29

Kapila:nc cdcm nolum bitung jc Kristokc lcgang Bvm mc:jvgo:pcnammang cmpige:la Bvk lcgangc du:gcm gvpcnammc.