METIU 28:9 - ANU LUGOD N. T. (BSI)

⁹ Odokkc ka:toka, Jisubv bulum rvgsuto odokkc luto, “Ayc:!” Nolu aika:lang odokkc bulu gva:la Bvk allcm pigapto odokkc kumto Bvm.

METIU 28:9 ပူးပေါင်းရင်းမြစ်များ

METIU 14:33

Odokkc ollu:dok du:nckvdv:dc Bvm kumto, scmpc lula, “Aroru:pc no Ru:ncpvnckc Awodc.”

METIU 23:7

Odokkc rckokokolo kumrvgsunamcm, odokkc tani:kvdv:dcm robbi: cmkosulv:dag.

METIU 28:10

Odo Jisubv bulum luto, “Pcsoma:pcka; gvkang odokkc ngok bvrokvdv:dcm lubita:ka Galilpc gvdopc, odokkc olo bulu ngom ka:begycpc.”

METIU 28:17

Odokkc bulu Bvm ka:begto odokkc Bvm kumto; ckvdaggom akke mc:mokang.

METIU 28:8

Cdcmpila bulu lomdanna gvkangku agodokkc pcsola odokkc airu:pc mc:pola, odokkc Bvk agom tadjvgla gvmvnnc tani:kvdv:dcm lubikakupc dugla gvkangku.

LU:KKC 1:28

Odokkc bvkkolo:pc bv gvangge:la luto, “C:i, airu:pc ayang abonamma, Ru:tumbv nok lcdulo dung!”

LU:KKC 24:52

Odokkc bulu Jerusalempc airu:pc mc:pola gvlattoku,

LU:KKC 7:38

Kamponc vlvng ctungkolo yonsunam namponc tulangcm boma:to, odokkc Bvk lamkubo bv dagge:la, kabla: kabla, Bvk alcdcm bvk miksidokki jubommokang, odokkc cdcmbulum bvk tukkudok dumvddokki nodpu:bito, odokkc Bvk alcdcm dosukbito, odokkc namponc tula:dokki cdcm yonbito.

JO:N 12:3

Meri:bv airu:pc arc kanc namponc tulangko adcrkopc la:to odokkc Jisukc alcdo yonnvgto odokkc Bvk alcdcm bvk dumvddokki tidpu:bitoku; odokkc cdc okumdc tula:dok arrc nambungkang.

JO:N 20:19

Odo longcdok yumcayirdo, kvnvd longcdok a:pongarnc longcdo, agom tadjvgla gvmvnnc tani:kvdv:dc yabgo kvdv:dcm mokabamsula dungai bulu okolo dungaji, Jiwu kvdv:dcm pcsola, Jisubv gva:la buluk ara:do dagkang odokkc bulum luto, “Nolukkolo mc:po mcnga:nc dungka:langka.”

JO:N 20:28

Tomabv Bvm lubito, “Ngok Ru:tumclang ngok Ru:ncpvnna!”

2 KORINTIANGKVDVNG 13:11

Lungapdoso, bvrokvdvnga, cdcbong. Noluk lambckvdvdcm mosv:toka, ngok lunamkvdv:scm tadgapla ansutoka, akonc akoncm tadmvnsutoka, mcnganna du:la:daglangka, odokkc aya:nclang mcngannclok Ru:ncpvncbv noluk lcdulo du:ycpc.

LUNGOR LUNAM 3:9

Ka:toka, ngo cdc kumko okumkvdv:dcm Satankcpc imoyc sc:kobv ludagji jc bulu Jiwu cmna lusudag cmpige:la Jiwumang, cmpige:la lume:ycm ludag–ka:toka, ngo bulum gva:moyc odokkc nok alc kcra:lo lcbvngcm tuma:moyc, odokkc kintoka jc ngo aipc mc:to.