METIU 28:18 - ANU LUGOD N. T. (BSI)

¹⁸ Odokkc Jisubv gva:la bulum luto, “Appvng ilang-gvlangcm taycngamo:to odokkc tani:amo:so ngom bitung.

METIU 28:18 ပူးပေါင်းရင်းမြစ်များ

JO:N 3:35

Abudc Awodcm aipc mc:dag, odokkc appvng attarcm Bvk alaglo bito.

1 PITOR 3:22

Jisu Kristokc sikolokkc turkunammcmpc sc:kobv tayc:pc gvkangkuji odokkc taycng among lutad lunckvdv:dokki Ru:ncpvnckc lagbvk alakpc tedkang, ilang gvlangnc, odokkc tornamc Bvkkcpc ikang.

METIU 11:27

“Appvng attcm ngok Ba:bukokki ngokkolo:pc bitag; odokkc sc:kosin Ba:budcm kinmang Awodc:ma:mvlo odokkc akoncm sc:kom Awodc bvm lcngkanpc cmna balenna bama:mvlo.

HIBRIUKVDVNG 2:8

Bvk alckvdv:do du:dopc appvngcm lc:la.” Su:pak appvngcm Bvk kcvgpc lcngge:la, Bv okkomsin Bvkkolokc Bvk mcngkamlok angupc lc:tomang. Kapc cdc cdcmpc idagnc, ngolu ckvdaggom appvngcm bvk mcngkampc du:namcm ka:begmang.

1 KORINTIANG KVDVNG 15:27

“Kapila:nc Ru:ncpvncbv appvng attarcm Bvk alc kcvgbo du:dopc lc:yc” Cmpige:la cdvlo cdc ludagnc, “Appvng attarc Bvk kcvgpc du:dag,” cdc cmmumpci kinnamc jc Bv langutag sc:kobv Bvk alc kcvgbo appvng attarcm mcdoji.

JO:N 17:2

no Bvm rcngamsok appvng ru:namlok tayc:lo ila:sa:langcm kapc bitoji, turyarla turla du:namdcm bipc cmna cdc appv:dcm no Bvm bitoji.

JO:N 13:3

Jisubv, Abudc Bvk alagdo appvngcm bitung cmna kinna:yam, odokkc Bv:jc Ru:ncpvnckotokkc gvnnc odokkc Ru:ncpvnckoto:pc gvdagku cmna,

HIBRIUKVDVNG 1:2

cmpige:la sc du:tcr longckvdv:so Bv ngolum Awo akokokki luto, sc:kom Bv appvng attarlo pangkonsuncpc tolvgtoji, sckkokki Bv Mo:pvscm ru:toji.

KOLOSIANG 2:10

Odokkc nolu Bvkkolo turnamlok pv:namdo gva:to, sc:kobv appvng lujvglurolok mittukdc:ji odokkc migomdoncdc:ji.

LU:KKC 10:22

“Appvng attarcm ngom bitung ngok Ba:bukokki; odokkc Abudc:ma:mvlo sc:kosin Awodcm kinmang, cdcmpcmanggom Abudc sc:kosong Awodcma:mvlo odokkc sc:komci lcngkanlv:dagnc Awodc bvm lcngkan dag.”

LUNGOR LUNAM 19:16

Bvk migom gcnam rvbvdo odokkc bvk ki:ru:do bvkkc arrvgnammc aminc dung, Migomkvdv:lok migomc odokkc Ru:tum kvdv:lok ru:tumc.

ROMANKVDVNG 14:9

Kapila:nc odok lcgangci Kristobv sikang odokkc lckoda turkangku, odomvlojen Bv sinc kvdv:doklang turnckvdvng anyipaklok Ru:tumpc ila:dopc cmna.

LUNGOR LUNAM 17:14

bulu Awo me:r sobendcm mimagcm moyc, odokkc cdc Awome:rdc bulum mopvyc, kapcnc Bv Ru:tum kvdv:dok Ru:tumc odokkc Migomkvdv:dok Migomc; odokkc cdc bvk lcdulo du:mvnnckvdv:dcm ballena la:namc odokkc mc:jvg jvrvgnc cmna gognamc.”

LUNGOR LUNAM 11:15

Odo kvnvd taycng among lutad luncdc bvk tu:lu:dcm mullvgto, odokkc taycngto bottcru:nc gomugcbulu bcngkang, scmpc lula, “Mo:pvsok migom doko amongkvdv:dc ngoluk Ru:tumkc odokkc Bvk Kristokc migom dokopc iyc, odokkc Bv lo:dv longkvpc migomcm doyc.”

METIU 26:64

Jisubv bvm luto, “No:na cdcmpc lutonc. Ckvdaggom ngo nom ludung, su:pakkolokkc nolu tani:kc Awodcm Ru:ncpvnckc lagbvgpc tedla du:dopc ka:begyc, odokkc taycngamo:tok mukkangki gvidokupc.!”

AGER KVDVNG 2:36

“Israelkc ope: appv:dcm aroru:pc kinmotoka jc Runcpvncbv Bvm Ru:tumpclang Kristopc imoto, cdc Jisumc sc:kom nolu kuruslo pvtketoji.”

AGER KVDVNG 10:36

Israelkvdv:pc oko agomcm mclvgtagji nolu kindag, Jisukokki mcngannok tadponc do:yv:dcm lutad lugo:bila (Bv appv:lok Ru:tumc,)

METIU 16:28

Aropakpc, ngo nolum lubidung, sc akke dagla dung sc:kobulu sinamcm pangkvma:ycnc bulu Tani:kc Awodcm Bvk migom doko mo:pvdo ka:begma:sisscm.”

JO:N 3:31

Sc:kobv tayc:tokkc gvidonc Bv appvngcm bottcya:nc; sc:kobv mo:pvsokkcji bv mo:pvsokkc, odokkc mo:pvsok agomcm bv ludag; sc:kobv taycng amo:tokkc gvincnc bv appvngcm bottcya:nc.