METIU 27:35 - ANU LUGOD N. T. (BSI)

³⁵ Odokkc bulu cdvlo Bvk Kurusdo moketonc, bulu Bvk gcnam bomnamkvdv:dcm sc:ko pa:ycji cmna ige:la orpansuto;

METIU 27:35 ပူးပေါင်းရင်းမြစ်များ

LU:KKC 23:34

Odo Jisubv luto, “Abba, bulum mc:yinsutoka; kapila:nc okkom idu:song bulu kinmang.” Odokkc bulu Bvk gcnam attarkvdv:dcm orpansupc cmna ko:riycm crto.

JO:N 20:20

Bv cdcm lunamc, Bvk alag kvdv:dcmnang angketdcm lcng kanto. Odo agom tadjvgla gvmvnnc tani:kvdv:dc Ru:tummc ka:begnammc mc:pokang.

JO:N 20:25

Cdcmpila agom tadjvgla gvmvnnc tani:kvdv:dok akonc bvm lubito, “Ngolu Ru:tummc ka:to.” Ckvdaggom bv bulum luto, “Bvk lakpodok gojal pvdkodcm ka:ma:sisscm, odokkc ngok lakke:ycm gojal pvtkodo suda:ma:sisscm odokkc ngok alagcm Bvk angketdok suda:la ka:ma:sisscm, ngo mc:jvgma:yc.”

JO:N 20:27

Odo Bv Tomamc luto, “Nok lakke:dcm suda:toka, odokkc ngok alagcm ka:toka; odokkc nok lakke:dcm sadlentokuka, odokkc nok alakdcm ngok angketsok pika:tok; mc:jvg kama:ncpc iyoka, cmpige:la mc:jvgtoka.”

AGER KVDVNG 2:23

Ncrkvgpc tarung ru:namdcmpc topaklvgto odokkc Ru:ncpvnckc kinpo:namdcmpc, nolu Kuruslo pvtjonto odokkc lujvgluro kinma:nc tani:kvdv:dok alakki moketo.

AGER KVDVNG 4:10

cdcm nolu appvngc kinka:langka, odokkc Israeldok tani: appv:dc, jc Najaretolok Jisukc aminkokki, sc:kom nolu kuruslo pvtketonc, sc:kom Ru:ncpvncbv sikolokkcm la:sa:tokunc, bvkkokki sc tani:sc noluk kcra:so aiyo:pc dagdung.