METIU 26:64 - ANU LUGOD N. T. (BSI)

⁶⁴ Jisubv bvm luto, “No:na cdcmpc lutonc. Ckvdaggom ngo nom ludung, su:pakkolokkc nolu tani:kc Awodcm Ru:ncpvnckc lagbvgpc tedla du:dopc ka:begyc, odokkc taycngamo:tok mukkangki gvidokupc.!”

METIU 26:64 ပူးပေါင်းရင်းမြစ်များ

METIU 16:27

Kapil:nc tani:kc Awodc Bvk Abukc aipaidokki Bvk taycng among lutad lunc tani:kvdv:dokki gvkupcnamc, odokkc odo Bv appv:tani:ycm sc:kobv oko okkom ikanc odok bikupcnamcm biycku.

METIU 16:28

Aropakpc, ngo nolum lubidung, sc akke dagla dung sc:kobulu sinamcm pangkvma:ycnc bulu Tani:kc Awodcm Bvk migom doko mo:pvdo ka:begma:sisscm.”

METIU 22:44

‘Ru:tumbv ngok Ru:tummc luto, Ngok lagbvkkc alagdo tettok, nok mirukvdv:dcm ngok alc kcvgso lc:ma:sisscm?’

METIU 24:30

odo tani:kc Awodok kanggodc taycng amo:to lenyc, odokkc mo:pvso tani: appvng opvnkvdv:dc kaptakri:taksuyc, odokkc bulu tani:kc Awodcm do:mvrtok mukkang tayc:lo tornamki odokkc bottcru:nc migangki gvdokupc ka:begyc.

METIU 25:31

“Cdvlo tani:kc awodc Bvk migangki, odokkc appvng taycng among lutad lunckvdv:dokki gvyckunc odo Bv Bvk migangki migom dungkodo du:ycku.

METIU 26:25

Judasbv, sc:ko Bvm miru alaglo tolvgtonc, luto, “Cdc ngo:yc, Ru:tuma?” Bv bvm luto, “No lugapto.”

METIU 27:11

Odokkc Jisubv amo:ru:tumdok kcra:lo dagto; odokkc amo:ru:tumdc Bvm tawuto, “No Jiwudi: kvdv:dok Migomdci?” Jisubv luto, “No:na cdcmpc ludagnc.”

METIU 28:18

Odokkc Jisubv gva:la bulum luto, “Appvng ilang-gvlangcm taycngamo:to odokkc tani:amo:so ngom bitung.

METIU 8:20

Odo Jisubv bvm luto, “Mensarung kvdv:dokkc dungko arungc dung, odokkc do:mvrtok pcttangkvdv:dokkc asubc dung; ckvdaggom tani:kc Awodokkc Bvk mittukdcm lcngko kamang.”

MARKKC 14:62

Odokkc Jisubv luto, “Ngowvng; odokkc nolu tani:kc Awodcm bottap mcngcsunamdok tayc:do teddopc ka:begyc, odokkc taycng do:mvrtok mukkangkokki gvdokupc ka:begyc.”

LU:KKC 21:27

Odokkc odo Tani:kc awodcm mukkang atakkolo ilanggvlang tornamki odokkc bottcru:nc amin gvnamki gvidokupc ka:begycku.

LU:KKC 22:69

Cmpige:la su:pakkolokkc tani:kc Awodc Ru:ncpvnckc ilang gvla:namdok lagbvg alagdo tedyc.”

LU:KKC 22:70

Odokkc bulu appv:dc luto, “Nov:yc Ru:ncpvnckc Awodcn, cmpcmvlo?”

JO:N 18:37

Pilatbv Bvm luto, “Cdcmpcmvlo no migomci?” Jisubv lubito, “No:na ludagnc ngo:jc migomkonc cmna. Kapila:nc scmpc ngom onamai, odokkc sok lcgangcna ngo rcngamso:pc gvdu:nc, okodok lcgngc lukanko lubikapc. Sc:kobvi arodokkcnc ngok gomugcm taddag.”

AGER KVDVNG 1:11

“Galildok Tani:kvdvnga, nolu kapila tayc:to:pc ka:sa:tvla du:n? Cdc Jisumc, sc:kom nolukkolokkcm taycngpc gvbokangkunc, cdcmv:pc lckoda gvlatycku nolu kapc tayc:pc dc:dokupc Bvm ka:tonc.”

ROMANKVDVNG 14:10

Nolu kapila aidag-aimang cmna agomcm noluk bvrokvdv:dcm ludang? Cdcmanggom, nolu kapila noluk bvrodcm yoppakdon? Kapila:nc ngolu appvngc Ru:ncpvnckc kcbang bangkodo daga:paycku;

1 TISSALONIANG 4:16

Kapcnc Ru:tumbv avdc taycng amongtokkc bottcpc lulvgnamko lula togycku, taycng lutad lunc bottarya:nc kvdv:dokki gognamki, odokkc Ru:ncpvnckc tu:lu: mudnam bc:namdokki. Odokkc Kristokolo sinckvdv:dc darobpo:danna darobycku;

HIBRIUKVDVNG 1:3

Bv Ru:ncpvnckc amin gvnamdcm unkonsumodag odokkc Bvk mour tubjedardcmpc inam-sa:nam lcngkandag, mo:pv ap pv:scm agomdok ilang gvlangki jo:sa:la. Cdvlo Bv pa:pkvdv:dok lcgangc narcngmotonc, Bv taycng amo:to Mcngcru:namlok lagbvgpc tedkang.

HIBRIUKVDVNG 12:2

Jisukolo:pc ka:la ka:la, sc:kobv Bvk kcra:pc lc:nam mc:podok lcga:pc kurusdcm mentumsula mc:tapsuto, any:dcm mcge:la, odokkc Ru:ncpvnckc migom tedkodo lagbvgpc tedkang.

LUNGOR LUNAM 1:7

Ka:toka, Bv mukka:lo gvdoku odokkc appvng amigc Bvm ka:begyc, Bvm pvtkenc appv:dc; odokkc mo:pvso appvng opvnc Bvk lcgang v:tombangki:la kabycku. Cdc cdcmv:pc iyc. Amen.

LUNGOR LUNAM 20:11

Odo ngo bottapaknc kamponc migom dungkoko odokkc odo sc:ko teddagji Bvm ka:to; Bvk kangkodokkc mo:pvsc odokkc do:mvrtc dc:pakkang, odokkc buluk lcgangc oko dungkomsin pa:tomang.