METIU 26:52 - ANU LUGOD N. T. (BSI)

⁵² Odo Jisubv bvm luto, “Nok madsvgdcm odok lcngkodo lc:tokuk; kapila:nc sc:kobulu madsvgcm bomdonc cdc appv:dc madsvgvngki singapycpc.

METIU 26:52 ပူးပေါင်းရင်းမြစ်များ

LUNGOR LUNAM 13:10

Akonc jodi yc:bomkupcnammc, bv yc:bomkunamlo:pc gvdag, jodi sc:kaiyc madsvgdokki papakdo, madsvgru:dokki bvm papakpcnamc.

ROMANKVDVNG 12:19

Mc:bomsunakvdvnga, cdvlosin av avyc palvgcm lvgyoka, cmpige:la cdcm Ru:ncpvnckc aglv:lo:pc mcpaklangka; kapila:nc cdcm adla lc:tag, “Palvg lvgnamdc ngokkc, ngo lvgycku, Ru:tumbv ludag.”

1 PITOR 3:9

Aima:nc ager gernam lcgangc aima:nc agercm germvnsuyoka cdcmanggom ge:la lunam lcgangc ge:namcm; cmpige:la cdcmyam akirba:d bitoka, kapcnc odok lcga:pc nolum gogto, jen nolu akirba:dko pa:ycpc.

LUNGOR LUNAM 16:6

Kapcnc tani:kvdv:dc aipc kumnc tani:kvdv:dok i:ycm odokk lungor lunckvdv:dokkcm bidmoto, odokkc no bulum i:ycm tv:dopc bito. Cdc buluk pa:pcnammc!”

1 TISSALONIANG 5:15

Ka:langka jc nolukkolok sc:kosin aima:pc inamlok aimangcm ikutsuyoka, cmpige:la lo:dcm aincm akoncm akonc imvnsupc cmna malangka odokkc appv:lo:pc.

METIU 5:39

Cmpige:la ngo nolum ludung, Aima:ncdcm nv:tumyoka. Ckvdaggom sc:kaiyc nolum lagbvkkc migmodok piycmvlo, bvm akondcmsin tokanbilang;