METIU 25:46 - ANU LUGOD N. T. (BSI)

⁴⁶ Odokkc bulu lo:dvscm du:tvnc dcmke-mokekodo:pc gvyc, cmpige:la dormokanc kvdv:dc lo:dvscm du:tvnc turnamdo:pc gvyc.”

METIU 25:46 ပူးပေါင်းရင်းမြစ်များ

JO:N 3:36

Sc:kobv Awodcm mc:jvgdagnc bvkkc turyartvla du:nam turnamdc dung; sc:kobv Awodok lunamdcm tadma:ycnc turnamcm ka:pa:ma:yc, cmpige:la bvkkolo Ru:ncpvnckc aglvngc du:yc.

JO:N 5:29

sc:kobulu ainc agercm gertonc, turkunam turnamlo:pc turycku, odokkc sc:kobulu aima:nc agercm gertonc, kcba: ba:nam lcga:pc turkunam lo:pc turycku.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”

LUNGOR LUNAM 20:15

odokkc jodi akonkc amincm turnckvdv:dok potindo pa:tomang, bvm siycngcmpinc vmv pa:ta:do cryi:lvgto.

2 TISSALONIANG 1:9

Bulu lo:dvlongkvpc singapkupcnam palvgdcm pakosuycku odokkc Bv ilang-gvla:namdok amin gvnamdokkc,

ROMANKVDVNG 6:23

Kapila:nc pa:bcm ila ircpa:namdc sinamc, cmpige:la Ru:ncpvnckc cpv:pc binam amandc ngoluk Ru:tum Kristo Jisukolo turyarla turnamdc.

ROMANKVDVNG 5:21

odomvlojen, pa:bc sinamlo migom doto ayangcsin dormo kanamki turyarla turnamdo Jisu Kristo ngoluk Ru:tumkokki migom doycpc cmna.

LUNGOR LUNAM 20:10

odokkc cdc uidc okodc bulum yattoji vmmclang gondog siycng pa:ta:do:pc cryi:lvgto okolo cdc simvndc:lang lume: lungor luncdc, odokkc bulum longgcm odokkc yummcm lo:dv longkvpc mogvtmomatto.

METIU 25:41

“Odokkc Bvk lakkekc du:nckvdv:dcm Bv luyc, ‘Gc:ramkang ngokkolokkc, nolu pelvgnamkvdvnga, uidcm odokkc bvk lutad lunckvdv:dok lcga:pc romla lc:nam cdvlosin midma:nc vmvdo:pc;

AGER KVDVNG 24:15

Ru:ncpvnckolo mc:tinna mc:la okodcm bulu avkvdv:dc:sin torvgsudo, jc ainclang aima:nclok anyipaklokkc sige:la turkunamko turycku.

1 JO:N 2:25

Odokkc cdcna okodcm Bv ngolum pesubitonc, lo:dvnscm du:tvnc turnamdc.

GALATIANG KVDVNG 6:8

Kapila:nc sc:kobv bvk avkc adin amvrdok lcgangc pidycnc adindokkcm aisi:ma:ncm gadycku; cmpige:la sc:kobv Yalodokkcpc pidycnc Yalodokkcm bv lo:dvpc turnamcm gadycku.

LU:KKC 16:26

Odokkc cdc appv:dcm mcge:la, ngolu:kkcla: nokkolok pongkokdc bottcru:nc arungko lc:tung nokkolo:pc sc:kobulu gvycnc gvla:ma:dopc cmna, odokkc sc:kosin odokkc ngolukkoso:pc gvla:ma:dopc.’

JO:N 17:2

no Bvm rcngamsok appvng ru:namlok tayc:lo ila:sa:langcm kapc bitoji, turyarla turla du:namdcm bipc cmna cdc appv:dcm no Bvm bitoji.

METIU 19:29

Odokkc sc:ko sc:kobvi okumkvdv:dcm mctonc cdcmanggom bvrrangcm cdcmanggom bvrmangcm cdcmmangcm abbom cdcmanggom anncm cdcmanggom ommangcm cdcmanggom amongcm, ngok amin lcgang, cdcmyam lvngkokopc, pa:ycku odokkc lo:dvscm turra dungkunam turnamdcm pa:ycku.

METIU 13:43

Odo dormokancdc Buluk Abukc migomdungko mo:pvdo do:nycmpc unyc. Sckkc yerung du:nc, bv tadtoka!

JU:D 1:21

nolu avyc Ru:ncpvnckc aipc mc:namlo du:sulangka; Ru:tum Jisu Kristokc lo:dcm du:tvnc turnamdcm pa:ma:dodo:pc toya:la du:langka.

METIU 19:16

Odokkc ka:toka tani:akonc bvkkolo:pc gva:to, scmpc lula, “Luyirna, turyarla du:nam turnamdcm pa:pc oko ainc ager dcm gerpcru:nammcn?”

METIU 25:45

Odo bulum Bv luyc, ‘Aropakpc, ngo nolum lubidung, sc adjio:nc kvdv:sok akoncm nolu imangarnammcmpc, nolu ngomsin itomang’

JO:N 4:14

cmpige:la sc:kobvi ngok binam asidcm tv:ycnc, cdvlosin tv:lvngkuma:ycbong; ngok bvm binam asidc bvkkolo jili:pc iyc turyarla turnamdok appv:dc bidlentvla du:yc.”

JO:N 5:24

Aroru:pc, aroru:pc, ngo nolum lubidung, sc:kobv ngok gomugcm tadge:la Bvm mc:jvgdagnc sc:kobv ngom mclvgtagnc, turyarla turnamc dung; bv kcbang bangkolo gvangkumang, cmpige:la sikolokkc turnamlo:pc gvbatsutokubong.

JO:N 6:27

Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”

JO:N 6:40

Kapila:nc sc ngok Abukc mcngkamdc jc sc:kobvi Awodcm ka:doji odokkc mc:jvgdoji Bvm bvkkolo turyarla turnamdcm pa:yc; odokkc bvm ngo du:tcr longcdo sosa:ycku.

AGER KVDVNG 13:46

Odokkc Paul bv:lang Barnaba:bv kvnggv:pc a:ng pvtala lubito, scmpc lula, “Ru:ncpvnckc agomdcm nolum lubipo:pcnammai. Nolu odokkcm nv:paksula:mvn, odokkc turyartvla turnamdcm turpc arckamang cmna asin kcbangcm ba:sula:mvn, ka:toka, ngolu Ru:ncmc kinma:nc Angu ope: kvdv:do:pc gvdag.

AGER KVDVNG 13:48

Odokkc cdvlo Ru:ncmc kinma:nc tani:kvdv:dc cdcm tattoji, bulu mc:pokang odokkc Ru:ncpvnckc agomdcm amincm gvmoto; odokkc cddv cddvkonc turyartvla turnamdokki vrnama:ji mc:jvgto.