METIU 25:35 - ANU LUGOD N. T. (BSI)

³⁵ Kapila:nc ngo kcno:dagai odokkc nolu ngom tv:nam asscm bito, ngo mibopc gvdungai odokkc nolu ngom goga:to,

METIU 25:35 ပူးပေါင်းရင်းမြစ်များ

HIBRIUKVDVNG 13:16

Ainc agercm gerpc mc:yamc:sayok odokkc nolukkc okko du:ji cdcm bisupc, kapcnc cdcmpinc palvgnam kvdv:dc Ru:ncpvncmc mc:lvgsumodag.

JAKOB 1:27

Ru:ncpvnckc odokkc Abudok kcra:lo narc:nc odokkc imur siyarma:nc dormodc sc: anc abu kama:nckvdv:dcm buluk du:g gvddom kangkapc gvnamc odokkc tumbonc:ng kvdv:dcm buluk du:ggvddom, odokkc rcngamsokkc akonc narc:pc:sc:pc du:sunamdc.

ROMANKVDVNG 12:13

Ru:nckc ager gernc tani:kvdv:dok kama:nammcm bidumsulangka, mibo bonamcm botvla du:langka.

ROMANKVDVNG 12:20

Ma: cddo:mang, “nok mirudc kcno:dagmvlo, bvm tv:namko bitoka; kapila:nc no cdcmpc imvlo bvk tukkudok ugla du:nc vrga:nc mcrudcm gingkumsula lc:yc.”

HIBRIUKVDVNG 6:10

Kapcnc Ru:ncpvncbv cdcmpinc aro kama:ncmang noluk agercmnang aipc mc:namdc okodcm nolu Bvk lcga:pc aipc kumnc tani:kvdv:dcm lcngkantoji, kapc nolu su:paksin idoji.

PILEMON 1:7

Kapila:nc nokkolokkcm ngo bojcrungko mc:pom odokkc du:po dungancm nok aipc mc:namdokkcm pa:to, ngok bvrra, kapila:nc nokkokki aipc kumnc tani:kvdv:dcm mc:pomoto.

1 TIMOTI: 5:10

odokkc bv ainc ager lcgangc aipc aidag cmna lunampc ipc lagiyc, kapc akonc ommangcm usa:basa:toji, mibo-bonamcm lcngkantoji, aipc kumnc tani:kvdv:dok allcm vrbitoji, odokkc appvng agerlo aincm ipc avdc tolvgsutoji.

IPESIANG KVDVNG 4:28

Dopso:dcm dopso:moyobongka, cmpige:la cdcmyam bvm agercm germotoka, bvk alakdokki ainc agerko imola, odomvlo jen bv cdc sc:kobulu modagji bisula:ycpc.

ROMANKVDVNG 16:23

Gaiubv, sc:kobv ngom odokkc rcngam appvngcm mibo boncdc, nolum kumtadsudung. Irastubv, nogor murkong mosv:ya:ncdc, odokkc ngoluk bvro Kuartubv, nolum kumtadsudag.

AGER KVDVNG 16:15

Odokkc bvm cdvlo baptismo bitoji, bvk crang appv:dokki lckopc, bv ngolum kumna luto, scmpc lula, “Nolu ngom Ru:tummc mc:jvgla mc:ncko cmna mc:tomvlo, ngok okumpc gvla du:ta:ka.” Odokkc bv ngolum airu:pc lutvto.

AGER KVDVNG 11:29

Odokkc agom tadjvgla gvmvnnckvdv:dc, appvngc av avkc ilang gvla:nammcmpc, Judia:dok du:nc bvrrang kvdv:do:pc dogangcm bisupc cmna ru:sula mclvgto;

AGER KVDVNG 10:31

‘Korneliua, nok kumnamdcm tadtobong odokkc Ru:ncpvnckc kcra:do nok aya:la ammem binam kvdv:dcm mc:pa:bitubong.

AGER KVDVNG 4:32

Cdcmpidodcm cdc mc:jvgnc kvdv:dok ajon jonsunamdc asin atcrongkopc odokkc yalo atcrongkopc idagai, odokkc sc:kosin lumangai sc:koi atvko pa:toji cdc bvk avkc cmna, cmpige:la bulukkc appvng attarcmci lcko-lakkopc lc:dagai.

JO:N 13:29

Akke mc:to jc, lcga:dc Judangkc murkong sogcndc du:la:yam, Jisubv bvm ludungai, “Donam tv:namdok lcgangc okkom rcpcnammcnc rcta:ka;” cdcmanggom jc bv o:kaiko opankvdv:dcm bipa:do.

LU:KKC 11:41

Cmpige:la ara:bok atvkvdv:dok lcgangc kogo:ncm binamcm bido; odokkc ka:toka appvng atvdci noluk lcgangc narc:dag.

MARKKC 14:7

Kapila:nc nolu lo:dcm opan tani:kvdv:dcm du:bosuycpc, odokkc nolu okodcmci ilv:dagnc, nolu bulum ainc agercm gerbila:dag; cmpige:la nolu lo:dcm ngom pa:ma:yc.

METIU 26:11

Kapila:nc bv ngom kangkannc atvko ngom ibito. Kapila:nc nolu lo:dvscm opan-ki:pankvdv:dcm pa:tvyc, cmpige:la nolu lo:dvscm ngom pa:tvma:yc.

METIU 25:40

Odokkc cdc Migomdc bulum lubiyc, ‘Aroru:pc, ngo nolum lubidung, nolu sc ngok ame:yarnc bvrokvdv:sok akoi cdcmpc itomvlo, nolu cdcm ngommvn iton.’