METIU 25:30 - ANU LUGOD N. T. (BSI)

³⁰ Odokkc arc kama:nc pagbodcm mo:rongkc Kcmmolo crpakyc; olo tani:kvdv:dc kaptaksuyc odokkc buluk a:yckvdv:dcm dokcrcbamsuyc.’

METIU 25:30 ပူးပေါင်းရင်းမြစ်များ

METIU 8:12

cdcmpidodcm migomdungko amo:sok awoommangkvdv:dcm mo:rongkc kcmmojv:jvngkolo crpakyc; olo tani:kvdv:dc kaptaksuyc odokkc buluk a:yckvdv:dcm dokcrcbsuycku.”

METIU 22:13

Odo migomdc mibo bonc tani: kvdv:dcm luto, ‘Bvm alc alagdcm yc:tok, odokkc clc morongkc kcmmolo crrennvgta:ka; olo tani:kvdv:dc kaptaksuyc odokkc a:yckvdv:dcm dokcrcbamsuycpc.’

METIU 13:50

odokkc bulu bottapakpc dordopc parnam vmvlo cra:lvgycku; odo tani:kvdv:dc kabtagsuyc odokkc buluk a:yckvdv:dcm dokcrcpsuyc.

JU:D 1:13

siycnglok bottcru:nc asi lu:nc, buluk avkc anyingcm pimpudcm tayc:pc lu:sa:monnc; dcnggo:nc takarc odokki lcgangc bclc ui aru:bcm lo:dvlongkvlo:pc mc:danna lc:tagji.

TITUS 3:14

Odokkc ngoluk tani:kvdv:dcm bulu avkvdv:dcm ainc ager gernamdo gerdopc dungkaisumolang, mcna:pc manam atvlo idum gvdumsunam pa:dopc, odokkc arc kama:dopc ima:dopc.

JO:N 15:6

“Tani: akonc ngokkolo du:ma:mvlo, bvm rcngke:ko papaknammcmpc papakdag odokkc sanpakdag; odokkc rcngke:kvdv:dcm sokumsudag, vmvlo cra:lvgla rompakdag.

LU:KKC 13:28

Odokkc noluk a:yckvdv:dcm dokcrcbamsuyc cdvlo nolu Abrahamkc, Isahakkc, Jakobkc odokkc Ru:ncpvnckc migom doko mo:pvdok lungor lunc appv:dc Ru:ncpvncmc ka:begyc odokkc nolu av avkvdv:dcm nv:lenlvgdopc ka:dodcm nolu kabyc.

METIU 24:51

odokkc bvm agom lc:sula lcngge:la lunckvdv:dok dungkolo lc:yc; odo tani:kvdv:dc kaptaksuycku odokkc buluk a:yckvdv:dcm dokcrcbamsuycku.

METIU 13:42

odokkc bulum bottapakpc romnam vmvlo cra:lvgycku; odo tani:kvdv:dc kabyc odokkc buluk a:yckvdv:dc dokcrcpsuyc.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”

2 PITOR 2:17

Cdcbulu asi kama:nc jiliyc odokkc bottcnc csarc sargo:bomnam tapamc: bulukkcpc kcvgkc kcmmojvng cmnc uiaru:bcm modanna toka:la lc:tag.

METIU 5:13

“Nolu mo:pvsok allo; cmpige:la alodok ti:namdc yogmvlo kapc odok alo ti:namdcm pa:la:yckun? Cdc atv attar lcga:pcsin aikuma:bong mo:rongolo yoppakpcnamma:mvlo odokkc tani:yc alcki sanggcmpc iyc.

METIU 3:10

Su:paksinci vsvng appvrkvdv:do vgv:dcm tvgabla lc:tung; ainc a:yc e:ma:nc vsvng appv:dcm cdcmpidag tc:tapdo odokkc vmvlo cra:lvgla rompakdo.