METIU 25:21 - ANU LUGOD N. T. (BSI)

²¹ Bvk ru:tumdc bvm luto, ‘no adjiodo:sin mc:dap darapto, ngo nom bojcru:lokkcp togc:lvgyc; nok ru:tumkc mc:podo mc:pomvntoka.’

METIU 25:21 ပူးပေါင်းရင်းမြစ်များ

METIU 24:45

“Sc:kon cmpcmvlo mc:dapnc odokkc kinnc ager gerya:ncdc, sc:kom bvk ru:tumdc bvk okumcra:d togc:lvgtonc, buluk apincm dodvdo bidopc?

METIU 24:47

Aropakpc, ngo nolum lubidung bvk attar appv:dcm bvkkolo togc:lvgyc.

METIU 25:23

Bvk ru:tumdc bvm luto, ‘Aroru:pc aipc ito, ainc odokkc mc:dap-darapnc ager gerya:na; no adjio:doksin mc:dapdarapto, ngo nom bojcru:lokkcpc tolvgyc; nok ru:tumkc mc:pokolo mc:pomvntoka.’

METIU 25:46

Odokkc bulu lo:dvscm du:tvnc dcmke-mokekodo:pc gvyc, cmpige:la dormokanc kvdv:dc lo:dvscm du:tvnc turnamdo:pc gvyc.”

LU:KKC 12:44

Aropakpc ngo nolum lubidung, bvk mitcmircm appvngcm bvm togc:lvgyc.

LU:KKC 16:10

“Sc:kobv adjio:nc agerlok aipc mcnggap-garapdagnc bojcpaknc agerloksin mcnggap-garapdag; odokkc sc:kobv adjio:nc agerlok yaddagnc bojcru:loksin yaddag.

JO:N 12:26

Sc:koiyc ngok mcngkam agercm germvlo, bv ngok lcdulo gvmvnru:pa:yc, odokkc ngo okolo du:ycji, odo ngok ager gerya:nckvdv:dc:sin; sc:koiyc ngok agercm germvlo, Abubv bvm mcngcyc.

JO:N 14:3

odokkc cdvlo ngo gvlangkula noluk lcgangc dungkoko mosv:yckumvlo, ngo lckoda gvlatycku odokkc ngo nolum ngokkolo:pc la:rvgsuycku, ngo okolo du:yckunc nolusin odo du:yckupc.

JO:N 17:24

“Abba, ngo mc:dag jc bulusin, sc:kobulum no ngom bitonc, ngokkolo du:ycpc okolo ngo du:ycji, ngok amin gvnamcm ka:dopc okodcm nok ayangki ngom bitonc ngok lcgangc rcngamscm ru:sa:ma:dapc.

ROMANKVDVNG 2:29

Bv Jiwuyc sc:kobv arang arangbokkcji, odokkc aroru:pc gadpuknamdc asin ara:bok agomcmvn, yalodokkc odokkc lukam lukamardcmpcmang. Bvk lubondc tani:kvdv:dokkcmang cmpige:la Ru:ncpvnckolokkc.

1 KORINTIANG KVDVNG 4:5

Cdcmpidag ayirdok po:pcbong kcba:ba:namcm, Ru:tumbv gvkuma:dapc lulenyoka, sc:kobv su:pak kcmolo lc:nam attarkvdv:dcm pva:lo:pc la:lenycji odokkc asinlok mc:nam sagnam kvdv:dcm lenabmoyckuji. Odo appvng tani:yc Ru:ncpvnckolokkcm aipai cmnam pa:suycku.

2 KORINTIANGKVDVNG 10:18

Kapila:nc cdc avdcm avyc bottapc lusuncdcmmang torvgsunamdc, cmpige:la Ru:tumbv aidag cmna lunamdcmmvn.

2 KORINTIANGKVDVNG 5:9

Cdcmpidag ngolu mcngkampc du:mvndaggom, ngolu cdcm ngoluk mcngkampc itu:bong Bvm aipc mc:lvgsumopc cmna.

PILIPIANG KVDVNG 1:23

Ngom anyidok ara:do ncrkeptag. Ngok mc:namdc gvpakkupc odokkc Kristokc lcdulo du:mvnkupc, kapcnc cdc airu:pc aiya:dag.

1 TIMOTI: 3:13

kapcnc cdc sc:kobulu dormoager gerncpc ila agercm gerdoji ainc aminko aipc du:namko bulukkcpc pa:dag odokkc bottcru:nc mc:tinko mc:jvgdo okodc Kristo Jisukolo mc:doji.

2 TIMOTI 2:12

jodi ngolu oijoto, ngolusin Bvk lcdulo migomcm domvnyc; jodi ngolu Bvm lupaksuyc, Bv:sin ngolum lupaksuyc;

HIBRIUKVDVNG 12:2

Jisukolo:pc ka:la ka:la, sc:kobv Bvk kcra:pc lc:nam mc:podok lcga:pc kurusdcm mentumsula mc:tapsuto, any:dcm mcge:la, odokkc Ru:ncpvnckc migom tedkodo lagbvgpc tedkang.

LUNGOR LUNAM 2:10

No oko ipusire:dcm adjio:komvlo pa:ycji pcsoyok. Ka:toka, uidc noluk akkem makana:lo lvgpc cmna idung, jc nolum anka:la ka:dopc cmna, odokkc lo:yvng longckopc nolu irvsinyom pa:ycpc. Sidodo:pc mc:jvg jvrvgla du:toka, odokkc ngo nolum turnamsok dumlubcm biyc.

LUNGOR LUNAM 21:7

Sc:kobv mopvycnc bvkkc sc pangkonsunamscm pa:mvnyc, odokkc Ngo Bvk Ru:ncpvncpc odokkc bv ngok awopc badyc.

LUNGOR LUNAM 3:21

Sc:kobv mopvdonc, ngo bvm ngok migom dungkodo du:mvndopc du:mvnmoyc, kapc ngo avycsin mopvtoji odokkc ngok Abudokki bvk migom dungkodo teddoji.

LUNGOR LUNAM 7:17

Kapcnc Me:r Awodc migom tedkodo ara:dokkcdc buluk kanggapncpc iyc, odokkc bv bulum luyirla cdc turra du:nc jili: asido:pc gvboyc; odokkc Ru:ncpvncbv appvng migscm buluk amigkvdv:dokkcm tidpagbiycku.”