METIU 24:5 - ANU LUGOD N. T. (BSI)

⁵ Kapila:nc ngok amin-minsula bojcrungc gvyc, scmpc lula, ‘Ngo:na Kristobv,’ odokkc bulu bojcrungko gvmurla gvyodboyc.

METIU 24:5 ပူးပေါင်းရင်းမြစ်များ

METIU 24:11

Odokkc bojcrungko Ru:nckc agomcm lume:pc lungornc lenna odokkc bojcrungko gvmurla gvyodboyc.

METIU 24:24

Kapila:nc lume:lunc Kristo odokkc Ru:ncpvnckc agom lume: lungornc tani:yc lenyc odokkc bottcru:nc kanggodcmbulum odokkc mcngapla:ma:nam agercmbulum lcngkanyc, cdcmpc gvmurra gvyodbopc cmna, pagmvlo, agom tadjvgla gvmvnnc balenna lc:namkvdv:dcmci.

JO:N 5:43

Ngok Abukc aminnok ngo gvdung, odokkc nolu ngom torvgsumang; sc:koiycdan avkc aminno gvmvlo, bvm nolu torvgsuycpc.

JO:N 8:24

Ngo nolum lubidung noluk pa:pkvdv:dokki nolu siycku, kapila:nc ngo Bv cmna mc:jvgma:sisscm noluk pa:pkvdv:do nolu siycku.”

JO:N 8:28

Cdcmpila Jisubv luto, “Nolu cdvlo Tani:kc Awodcm la:sa:ycnc odo nolu ngo:jc Bv cmna kinycpc, odokkc ngo avkc inagvnanckokki okkomsin imang cmna cmpige:la Abudok luyirkammcmpc ludo.

1 JO:N 2:18

Ommangkvdvnga, sc du:tcrnam ayirdc; odokkc nolu kapc tattonc jc Kristo birudi: gvdobong, cdcmpila su:pak bojcrungko Kristo birudi:yc lenka:bong; cdcmpige:la ngolu kindag jc sidc du:tcr ayircbong.

1 JO:N 2:22

Sc:kobv:n lume:luncdc sc:kobv Jisubv Kristobv:mang cmna lupakma:ncdc:ma:mvlo? Cdcna Kristobirudi:dc, sc:kobv Abudcmnang Awodcm lupakdagji.

1 JO:N 4:3

odokkc appvng yallo okodc Jisumc lude:sumaji Ru:ncpvnckcmang. Cdcna Kristomc Kristobirudi:ncdok yalodo, okodok agomcm nolu tattojc cdc gvdungaboi, odokkc su:pak cdc rcngamso gvgongciamdu:bong.

LUNGOR LUNAM 13:8

odokkc sc:kobulu mo:pvso du:nc dagnc appv:dc cdcm kumyc cd palvgnam Awome:rdok turnc potindo rcngamscm mosa:ma:dapc sckkc sckkc amincm adtonc.