47 Aropakpc, ngo nolum lubidung bvk attar appv:dcm bvkkolo togc:lvgyc.
Cdc ager gerya:ncdc aipai pa:nc sc:kom bvk ru:tumdc cdcmpc ila du:dopc bvk gvdokudo pa:yckuji.
Ckvdaggom cdc aima:nc pagbodc av avdc lusuyc, ‘Ngok ru:tumdc pvngkuma:da,’
Bvk ru:tumdc bvm luto, ‘no adjiodo:sin mc:dap darapto, ngo nom bojcru:lokkcp togc:lvgyc; nok ru:tumkc mc:podo mc:pomvntoka.’
Bvk ru:tumdc bvm luto, ‘Aroru:pc aipc ito, ainc odokkc mc:dap-darapnc ager gerya:na; no adjio:doksin mc:dapdarapto, ngo nom bojcru:lokkcpc tolvgyc; nok ru:tumkc mc:pokolo mc:pomvntoka.’
Cdc ager gerya:nc kvdv:dc gernc pu:nc sc:kobulum ru:tumdc cdvlo Bv gvlatyckuji darra du:dopc gvpa:suyckuji; aropakpc, ngo nolum lubidung, bv av avycm mosv:suyc odokkc doko tcbuldo teda:ma:yc, odokkc bv gvlangkula bulum donam tv:namcm sagbiycku.
Aropakpc ngo nolum lubidung, bvk mitcmircm appvngcm bvm togc:lvgyc.
Odo bv bvm luto, ‘Aincko ito, ainc ager gerya:nc! Kapila:nc no aipc adjioloksin mc:dap-darapncko, no nogor vyvngkolok migom doncpc iycpc.’
Sc:koiyc ngok mcngkam agercm germvlo, bv ngok lcdulo gvmvnru:pa:yc, odokkc ngo okolo du:ycji, odo ngok ager gerya:nckvdv:dc:sin; sc:koiyc ngok agercm germvlo, Abubv bvm mcngcyc.
jodi ngolu oijoto, ngolusin Bvk lcdulo migomcm domvnyc; jodi ngolu Bvm lupaksuyc, Bv:sin ngolum lupaksuyc;
Odokkc cdvlo cdc Me:r soben kanggabncdok bottarya:ncdc lcngkansuycnc nolu cdvlosin yogma:nc amin gvnc dumlupdcm pa:yc.
Sc:kobv mopvycnc bvkkc sc pangkonsunamscm pa:mvnyc, odokkc Ngo Bvk Ru:ncpvncpc odokkc bv ngok awopc badyc.
Sc:kobv mopvdonc, ngo bvm ngok migom dungkodo du:mvndopc du:mvnmoyc, kapc ngo avycsin mopvtoji odokkc ngok Abudokki bvk migom dungkodo teddoji.