METIU 24:36 - ANU LUGOD N. T. (BSI)

³⁶ “Ckvdaggom cdc longcdok ayirdcm sc:kosin kinma:yc, taycngamo:to Ru:ncpvnckc lutad lunckvdv:dcsinci, cdcmanggom Awodc:sin, cmpige:la Abudok atcro:dc.

METIU 24:36 ပူးပေါင်းရင်းမြစ်များ

MARKKC 13:32

“Cmpige:la cdc longcdcm cdcmanggom cdc ayirdcm sc:kosin kinmang, taycng amo:tok lutad lunckvdv:dc:sinci, cdcmanggom Awodc:sin, cmpige:la Abudcwong.

AGER KVDVNG 1:7

Bv bulum luto, “Nolukkcpc cdc oko ayirdc cdcmanggom oko po:lodcm Abudc ru:la lc:tagnc Bvk avkc ilanggvlangki cdcm kinpcnammang.

METIU 24:44

Cdcmpidag nolusin mosv:sula du:pa:ru:yc; Kapila:nc tani:kc Awodc noluk gvyckupc cmna mc:ma:do ayirardo gvycku.

2 PITOR 3:10

Cmpige:la Ru:tumkc longcdc dopsongkoncmpc pvnga:yc, odokkc odo taycngkvdv:tc bottcru:pc bc:la gvpagamyc, odokkc ncrkvgpc du:nckvdv:dc vmvlo jitpakyc, odokkc mo:pvsc:lang sok gernam agerkvdv:scm rompagamyc.

1 TISSALONIANG 5:2

Kapila:nc nolu av avkvdv:dc kinsudag aiyo:pc jc Ru:tumkc longcdc pvngayc yummcm dopsongko gva:nammcmpc.

LUNGOR LUNAM 16:15

(“Ka:toka, ngo dopsongkoncmpc gvdoku! Sc:kobv darra toya:la du:nc akirba:d pa:nc, Bvk gcnam attarkvdv:dcm gctvla odomvlo jen bv pvtsula gvma:ycpc odokkc ka:de:pc ka:begma:ycpc!”)

METIU 24:42

“Toya:la du:tok cdcmpidag, kapila:nc nolu kinmang oko longcdo noluk Ru:tumdc gvyckuji.

METIU 25:13

“Darra toya:la du:lang cdcmpidag, kapila:nc nolu Longcdcm cdcmanggom ayirdcmsin kinmang.

LUNGOR LUNAM 3:3

Mc:pa:toka cdcmpcmvlo no okodcm torvgsutonc odokkc tattonc; cdcm gagla du:toka, odokkc mc:dvrra asinc mc:latsutoka. No kinsuma:mvlo, ngo dopsongkoncmpc gvyc, odokkc no kinma:yc oko ayirdo ngo nokkolo:pc gvycji.