METIU 24:31 - ANU LUGOD N. T. (BSI)

³¹ Odo Bvk lutad lunc tani:kvdv:dcm bottaru:pc bc:nc tu:lungki mulla gogyc, odokkc bulu Bvk balenna la:nam tani:kvdv:dcm appv:lokkcm gogkumsuyc, do:mvrtok among du:tcr akolokkc du:tcr akondo:pc.

METIU 24:31 ပူးပေါင်းရင်းမြစ်များ

METIU 13:41

Tani: Awodc Ru:nckc lutad lunckvdv:dcm mclvgyc, odokkc bulu Bvk migom mo:pv appvng du:tc:lokkcm appvng imur lcgangcm odokkc aima:nc ager gernckvdv:dcm langkumsuyc,

METIU 24:22

Odokkc cdc longc kvdv:dcm andc:momangamvlo, oko tani:taworcsin turma:ya:pc; ckvdaggom agom tadjvgla gvmvnnc bangula lc:nam kvdv:dok lcgangc cdc longckvdv:dcm andc:moyc.

METIU 24:24

Kapila:nc lume:lunc Kristo odokkc Ru:ncpvnckc agom lume: lungornc tani:yc lenyc odokkc bottcru:nc kanggodcmbulum odokkc mcngapla:ma:nam agercmbulum lcngkanyc, cdcmpc gvmurra gvyodbopc cmna, pagmvlo, agom tadjvgla gvmvnnc balenna lc:namkvdv:dcmci.

METIU 24:32

“Tajvg amv:dokkc odok luyirko tattok: odok rcngke:kvdv:dc rcmagla oiyin nginnendanbo:mvloi, nolu kindag dviyc aninka:bong.

METIU 25:31

“Cdvlo tani:kc awodc Bvk migangki, odokkc appvng taycng among lutad lunckvdv:dokki gvyckunc odo Bv Bvk migangki migom dungkodo du:ycku.

METIU 28:18

Odokkc Jisubv gva:la bulum luto, “Appvng ilang-gvlangcm taycngamo:to odokkc tani:amo:so ngom bitung.

MARKKC 13:27

Odokkc Bv taycng among lutad lunckvdv:dcm melenamlvgyc, odokkc rcngansok appv:lokkcm Bvk agom tadjvgla gvmvnnc tani: kvdv:dcm langkumsuycku, mo:pvsok du:tcr appv:-dokkcm taycng among du:tcrdo:pc.

LU:KKC 24:47

odokkc tani: rcngam appv:so pa:plokkcm mc:yinsukunammcm lutadam bipcnammc, Jerusalemdokkc lurobbomna.

JO:N 11:52

Odokkc opvndok lcgango:mang, cmpige:la mo:tc: mo:tc:lo Ru:ncpvnckc ommangkvdv:dc okolo gvpitsula du:nc cdcmbulum akkongkopc gvkumsumokupcnammc.

ROMANKVDVNG 10:18

Cmpige:la ngo tawudung bulu tattoma:lang? Aropakpci bulu tatto; kapila:nc “Gomugdc mo:pvsok appv:lo:pc gvlenkang, odokkc buluk agom kvdv:dc mo:pvsok du:tcrlo:pc.”

1 KORINTIANG KVDVNG 15:52

vgcmpc, amigc migyabla, lcddarkc tu:lu muddodo. Kapila:nc tu:lu:dc bc:yc, odokkc sinckvdv:dcm sikuma:dopc tursangammoycku, odokkc ngolu badyugsuyc.

IPESIANG KVDVNG 1:10

appvngcm Bvkkolo lckomopc cmna, attarkvdv:dcm taycng amongtokkc kvdv:dcm odokkc mo:pvsokkc kvdv:dcm.

1 TISSALONIANG 4:16

Kapcnc Ru:tumbv avdc taycng amongtokkc bottcpc lulvgnamko lula togycku, taycng lutad lunc bottarya:nc kvdv:dokki gognamki, odokkc Ru:ncpvnckc tu:lu: mudnam bc:namdokki. Odokkc Kristokolo sinckvdv:dc darobpo:danna darobycku;

2 TISSALONIANG 2:1

Su:pak ngoluk Ru:tum Jisu Kristokc gvkunamdok agomc odokkc ngoluk Bvm rvgsukapc gvkumsunamdok agomc, ngolu kumna ludung, bvrokvdvnga,

HIBRIUKVDVNG 12:19

odokkc tu:lu:munnamlok bc:namdc, odokkc gomukko sc:kokc agomkvdv:dc tadnckvdv:dcm kummodag jc oko lutadcmbulumsin bulum lupcnamma:bong.

LUNGOR LUNAM 1:20

Kapc cdc takar kvnvddok mcngapla:ma:nam agom kvnvddokkcpc okodcm no ngok lagbvg alakso ka:begtoji, odokkc kvnvd avn saki: tvgcla lc:nanckvdv:dcm, cdc takar kvnvddc mondoli: kvnvddok taycng among lutadnckvdv:dc odokkc cdc kvnvd saki: tvgc:dc:bulu mondoli: kvnvddc.

LUNGOR LUNAM 11:15

Odo kvnvd taycng among lutad luncdc bvk tu:lu:dcm mullvgto, odokkc taycngto bottcru:nc gomugcbulu bcngkang, scmpc lula, “Mo:pvsok migom doko amongkvdv:dc ngoluk Ru:tumkc odokkc Bvk Kristokc migom dokopc iyc, odokkc Bv lo:dv longkvpc migomcm doyc.”

LUNGOR LUNAM 7:1

Odok lcdupc ngo taycng among lutad lunc appi:ko mo:pvsok sungken appi:do dagla du:dopc ka:begto, mo:pvsok csar appv:dcm gagtumla du:dopc, odomvlo jen oko csarcsin mo:pvso yuma:ncmc cdcmanggom siycngc cdcmanggom atv vsvng amvng yutapla yupc.

LUNGOR LUNAM 8:2

Odo ngo kvnvd taycng among lutad lunckvdv:dcm ka:begto sc:kobulu Ru:ncpvnckc kcra:do dagla du:dagji, odokkc tu:lung kvnvdko bulum bitungai.