METIU 24:24 - ANU LUGOD N. T. (BSI)

²⁴ Kapila:nc lume:lunc Kristo odokkc Ru:ncpvnckc agom lume: lungornc tani:yc lenyc odokkc bottcru:nc kanggodcmbulum odokkc mcngapla:ma:nam agercmbulum lcngkanyc, cdcmpc gvmurra gvyodbopc cmna, pagmvlo, agom tadjvgla gvmvnnc balenna lc:namkvdv:dcmci.

METIU 24:24 ပူးပေါင်းရင်းမြစ်များ

METIU 22:14

“Kapila:nc bojcrungko goglvgtag, ckvdaggom asudongko balentag.”

METIU 24:11

Odokkc bojcrungko Ru:nckc agomcm lume:pc lungornc lenna odokkc bojcrungko gvmurla gvyodboyc.

METIU 24:22

Odokkc cdc longc kvdv:dcm andc:momangamvlo, oko tani:taworcsin turma:ya:pc; ckvdaggom agom tadjvgla gvmvnnc bangula lc:nam kvdv:dok lcgangc cdc longckvdv:dcm andc:moyc.

METIU 24:25

Ka:toka, ngo nolum po:pcbong luno:bitu:bong.

METIU 24:31

Odo Bvk lutad lunc tani:kvdv:dcm bottaru:pc bc:nc tu:lungki mulla gogyc, odokkc bulu Bvk balenna la:nam tani:kvdv:dcm appv:lokkcm gogkumsuyc, do:mvrtok among du:tcr akolokkc du:tcr akondo:pc.

METIU 24:5

Kapila:nc ngok amin-minsula bojcrungc gvyc, scmpc lula, ‘Ngo:na Kristobv,’ odokkc bulu bojcrungko gvmurla gvyodboyc.

METIU 7:15

“Lume:ycm lungorla lunc tani:kvdv:dcm ansuka:sulangka, sc:kobulu nolukkolo:pc bera soben galugcm gcge:la gva:dagnc cmpige:la asin ara:bo gamke:nc ra:m iki:ycnc.

MARKKC 13:22

Lume:lun Kristokvdv:dc odokkc lume:la lungor lunc tani:kvdv:dc lenyc odokkc mcngapla:ma:nam kanggodcm lcngkanyc, gvyodbola gvbopcmna, pagmvlo, cdc balennam kvdv:dcmsin.

LU:KKC 18:7

Odokkc Ru:ncpvncbv Bvk malennam kvdv:dcm, sc:kobulu Bvm longc-yumcpc kumna gognc kvdv:dcm motuma:yclang? Bv buluk lcgangc bojcpakko toya:la du:ma:yclang?

JO:N 4:48

Jisubv cdcmpila bvm luto, “Nolu kanggodkolang mcngapla:ma:nam agerko ka:ma:sisscm mc:jvgma:yc.”

JO:N 6:37

Abukc ngom binam appv:dc ngokkolo:pc gva:yc; odokkc ngokkolo:pc gva:ncdcm ngo cdvlosin mcnpakma:yc.

JO:N 6:39

odokkc scmpc Bvk mcngkamdc ngom sc:kobv mclvgtagnc, jc ngo cdc ngom binam appv:dcm akosin yogmopcma:nammc, cmpige:la du:tcr dungapdo la:sangam-kupcnammc.”

AGER KVDVNG 20:16

Kapila:nc Poulbv Ipesu:dcm mcge:la ko:la gvpc cmna mc:to, odomvloyam Asia:do ayircm gvdopc dungge:mang cmna; kapila:nc Jerusalemdo dungkupc lomdvlomra:la idungai, gvla:mvlo, yingo longc dopun-dojardo.

ROMANKVDVNG 12:18

Pagycmvlo, ila:ycmvlo, cdc nolukkolo noluk agompc idag, appvngkc lcdulo mc:posagpo:pc du:la:daglangka.

GALATIANG KVDVNG 4:15

Nolukkcmpc okodc aipc mc:lvgsunampc mcngka:n? Kapila:nc ngo nolum lukanbidung jc ila:mvlo, nolu amikkvdv:dcm karrenya:pc odokkc ngom biyya:pc.

2 TIMOTI 2:19

Cmpige:la Ru:ncpvnckc kvnggv:nc dunggabkodc du:dag, sc muhorscm bomna: “Ru:tumdc kindag cdc sc:kobulu Bvkkcji,” odokkc, “Kajc appvngc sc:ko Ru:tumkc amindcm mindagji aima:nc agerlokkc germa:pc du:la:jc.”

1 PITOR 1:5

Sc:kobv Ru:ncpvnckc ilang gvlangki ka:ridagrila lc:dagji mc:jvgki du:tcr ayirdo mopvko lcngkanpc cmna dung.

2 PITOR 3:17

Nolu cdcmpidag, aipc mc:bomsunamkvdvnga, scm kinpo:suge:la, ansutoka ckvma:mvlo lujvgluro kama:nc tani:kvdv:dok imurki gvyotboyc odokkc noluk avkc du:namdagnamdcm yogmoyc.

1 JO:N 2:18

Ommangkvdvnga, sc du:tcrnam ayirdc; odokkc nolu kapc tattonc jc Kristo birudi: gvdobong, cdcmpila su:pak bojcrungko Kristo birudi:yc lenka:bong; cdcmpige:la ngolu kindag jc sidc du:tcr ayircbong.

1 JO:N 2:22

Sc:kobv:n lume:luncdc sc:kobv Jisubv Kristobv:mang cmna lupakma:ncdc:ma:mvlo? Cdcna Kristobirudi:dc, sc:kobv Abudcmnang Awodcm lupakdagji.

1 JO:N 5:18

Ngolu kindag jc akonc Ru:ncpvnckolokkc lenncdci pa:bcm imang, cmpige:la sc:kobv Ru:ncpvnckolokkc lenncji Bvm gagla du:dag, odokkc aima:ncdc Bvm gakkvmang.

LUNGOR LUNAM 19:20

Odokkc cdc simvndcm ycnggapto, odokkc odok lcdulo cdc lume: lungor luncdcm sc:kobv odok kangkolo kanggod agercm gerkaji okodokki bv yattoji sc:kobulu simvndok tubjetdcm torvgsutoji odokkc cdc sc:kobulu odok monam moimangdcm kumdagji. Cdc anyidcm turpc turpc siycngcmpinc vmv-pa:ta:do cdc gondokki parnam vmvdo cryi:lvgto.