METIU 24:21 - ANU LUGOD N. T. (BSI)

²¹ Kapila:nc odo okolosinci dungko-ycko kama:nampc iycpc lendoa:dodokkc cdcmpc ikvmang mo:pvso su:paklo:pc, cdcmanggom cdvlosinci ikuma:ycbong.

METIU 24:21 ပူးပေါင်းရင်းမြစ်များ

LU:KKC 21:24

bulu madsvg tu:bvlo owa:yc, odokkc appvng opvnnok ara:lo yc:bomamkunampc iyc; odokkc Jerusalemdcm Ru:ncmc kinma:nc tani:kvdv:dokki sammvgyc, Ru:ncpvncmc kinma:nc tani:kvdv:dok ayirdc pvngapma:sisscm.

1 TISSALONIANG 2:16

odokkc Ru:ncpvncmc mc:nyi:motoji odokkc appvng tani:ycm motumtoji ngolum Angu tani:kvdv:dcm lumoma:dopc jc bulu turdopc–cdcmpc kapc buluk pa:pkvdv:dcm kvnamdcm pv:modopc. Cmpige:la Ru:ncpvnckc aglv:la mokenamdc lcddarpc pvngangkang!

METIU 24:29

“Vgcmpc dungko-ycko kamanggcdopc inam longckvdv:dok lcdudo do:nyc ka:lenma:yc, odokkc po:lotc lolatma:yc, takarkvdv:dc do:mvrtokkc kcdledamyc, odokkc do:mvrtok kvnggvngkvdv:dcm tornc atvkvdv:dcm mokugamyc;

MARKKC 13:9

“Cmpige:la nolu avkvdv:dc ansulangka; kapila:nc bulu nolum kcba:lo tolvgyc; odokkc nolum kumko okumkvdv:do dcmyc; odokkc nolu amo: ru:tumnoklang migomkvdv:dok kcra:lo dakkansuyc ngok lcgangc, buluk kcra:lo lukansubidopc.

METIU 24:20

Kumtoka noluk duggcnamdcmjen dvgvnno cdcmanggom ager germa:pc yodla du:nam longcdo:ma:ycpc.

LUNGOR LUNAM 7:14

Ngo bvm lubito, “Mcnggcnamma, no kindag.” Odokkc bv ngom luto. “Sc:bulu cdcbulu sc:kobulu cdc bottcru:nc du:g gvnamdokkc gvlennc kvdv:dc; buluk migom gcnam rvbvkvdv:dcm nvpu:to odokkc Me:r Awodok i:do cdcmbulum kampodopc imoto.

LUNGOR LUNAM 16:18

Odokkc odo mcrulok ruadc ladkankang, gomugcbulu, do:mvrtok mvr-mvraila mvrnamc, odokkc bottcru:nc tarcmo:tonc taniyc mo:pvso dunga:dodokkc cdcmpinnc cdvlosin tonkvmangai, cdcmpinc tarcmo:tonai.