METIU 24:14 - ANU LUGOD N. T. (BSI)

¹⁴ Odokkc sc migom du:tc:dok tadponc lutadscm mo:pv appv:so lungapbiyc, appvng opvnnok lukansubinampc; odokkc cdc gvtcr gvngapdc a:yc.

METIU 24:14 ပူးပေါင်းရင်းမြစ်များ

METIU 10:7

Odokkc nolu gvdodcm lutadlang, scmpc lula, ‘Taycng among R:ncpvnckc migomdokodc pvnga:danka:bong.’

METIU 18:19

“Ngo nolum lckoda ludung, noluk anyikonc tani:amo:so atvko konamcm lckopc mc:la koycnc, cdcm taycng amo:tok du:nc ngok Abubv konamdcmv:pc ibiyc.

METIU 24:3

Olib Adido cdcmpila tednamc, atckpc agom tadjvgla gvmvnnc tani:kvdv:dc Bvkkolo:pc gva:to, scmpc lula, “Ngolum luteipcn, cdvlo cdcmpc sc iycn, odokkc nok gvlatkunamdok odokkc du:tcr dungapsok anindok kanggoddc okop iycn?”

METIU 24:6

Odokkc nolu mimag momvnsunamcm odokkc mimag monamlok dc:nc lutadcm tadbegycpc; ka:langka nolum yallo dc:mopckc; Kapila:nc cdcmpc ipcnammc, ckvdaggom odosin gvngapdvdc a:ma:yc.

METIU 4:23

Odokkc Bv Galil among appv:do gvgo:to, buluk kumko okumkvdv:do Ru:ncpvnckc taycngamong migom donamdok tadponc lutaddcm lugo:bito odokkc tani:kvdv:dok appvng Kinam ramnamcm odokkc appvng mosimola:ma:namcm aimotoku.

METIU 9:35

Odokkc Jisubv appvng nogorlo:pci gvgo:to odokkc dolungkvdv:do, odok buluk kumko okumkvdv:do luyirto odokkc Ru:ncpvnckc migom dokodok tadponc lutaddcm lugo:bito, odokkc appvng kinam ramnamcm odokkc appvng mosimola:ma:namcm aimotoku.

MARKKC 13:10

Odokkc tadponc do:yv:dcm appvng opvnlo lungappo:pa:ru:yc.

LU:KKC 2:1

Odo ayirdo Kaesar Augustus kolokkc migom lulvgko lulennvgto jc mo:pvso appvngc amincm adgabampcnamc.

LU:KKC 24:47

odokkc tani: rcngam appv:so pa:plokkcm mc:yinsukunammcm lutadam bipcnammc, Jerusalemdokkc lurobbomna.

LU:KKC 4:5

Odokkc uidc Bvm gvbokang, odokkc migyaplo mo:pvsok migom doko appv:dcm lcngkanto,

AGER KVDVNG 1:2

cdvlo Bvm tayc:pc la:sa:tokunc odo longcdo:pc, Bv Agunnc Yalodokki lulvg luge:la Bv sc:kobulum balentagaji mclvgnam ager gernckvdv:dcm.

AGER KVDVNG 11:28

Odokkc odokbuluk Agabu cmnamkonc dagrobla Yalodokki luno:bito jc mo:pvso bottcru:pc dopa:tv:pa:ma:namko lenyc; odokkc cdcmpc Klaudiukc ayirdo ikang.

AGER KVDVNG 17:31

kapila:nc Bv mo:pvscm bvk mclvgnam tani: akokokki dormokokki kcbangcm bangkupc cmna longcko mctung, odokkc odokki Bv tani: appvngcm aroru:dcm lubitung bvm sikolokkcm darobmolangge:kula.”

AGER KVDVNG 17:6

Odokkc bulu bulum mabegla:ma:la:yam, bulu Jasonmc:lang bvrrangkvdv:dok akkem nogordok migomdonc kvdv:dok kcra:lo:pc tvglenamto, scmpc jc:la, “sctani:kvdv:sc sc:kobulu mo:pvscm kukup-kulab-modu:nc so:pcsin gvdung,

AGER KVDVNG 19:27

Odokkc sc ngoluk konam-rcnam soggongkcpc bidopc aima:nc aminc gvnamc kama:yc cmpige:la jc bottapaknc nc:ng ui Artemi:mcsinci okopcsin kvma:ycpc, odokkc bvm unjvgla dungkodcmci la:pakycpc, sc:kobvm Asia:dc:lang odokkc mo:pvsc kumdagji.”

AGER KVDVNG 20:25

Odokkc su:pck, ka:toka ngo kindag jc migom doko mo:pvdok agomdcm sc:ko noluk ara:lo lutadgo:bitonc ngok migmom lckoda ka:begkuma:ycbong.

ROMANKVDVNG 10:18

Cmpige:la ngo tawudung bulu tattoma:lang? Aropakpci bulu tatto; kapila:nc “Gomugdc mo:pvsok appv:lo:pc gvlenkang, odokkc buluk agom kvdv:dc mo:pvsok du:tcrlo:pc.”

KOLOSIANG 1:23

nolu mc:jvgla du:lvmvlo, du:tvla odokkc cngunma:pc du:la, tadponc lutaddok mc:tindokkc mcngcrma:pc nolu okodcm tadtoji, taycngamong kcyvgsok appvng ru:namcm okodcm lutadbitoji, odokkc okodokkcpc ngo, Poulbv, mclvgla ager gernc migom ager gerncpc ika:ji.

KOLOSIANG 1:6

Tadponc lutaddcm okodc nolukkolo:pc pvngangka:ji, kapc aroru:pc kapc aropakpci mo:pv appv:soi a:yc e:dung odokkc sv:bomna gvdung–cdcmv:pc noluk av-avkvdv:do, noluk taddo longcdokkc odokkc Ru:ncpvnckc aya:dcm tadkintoji arolo.

HIBRIUKVDVNG 1:6

Odokkc lckoda, cdvlo Bv opongarnamkvdv:dcm mo:pvso:pc gvboyckunc, Bv ludag, “Ru:ncpvnckc taycng lutad appv:dcm Bvm kummotoka.”

HIBRIUKVDVNG 2:5

Kapcnc cdc taycng lutad lunamkvdv:dc:mang jc Ru:ncpvncbv angkupcnc mo:pvdcm kcvgpc lc:namdc, okodok agomcm ngolu ludu:ji.

LUNGOR LUNAM 14:6

Odo ngo taycng among lutad lunc tani: akoda do:mvrpongkoktok dc:la gvdopc ka:to, lo:dv longkvpc du:nc tadponc lutadko bomna mo:pvsok cdc du:nckvdv:dcm lutadgo:bipc cmna, appvng ope:ycm odokkc opvncm odokkc agom lunncm odokkc tani:kvdv:dcm;

LUNGOR LUNAM 16:14

kapcnc bulu uilok yalokvdvngc, kanggodcm lcngkannc kvdvngc, sc:kobulu mo:dopc mo:pv appvng migom kvdv:do:pc gvdagji, bulum lckopc gvkumsumopc odo Ru:ncpvnckc Appvngcm ilang gvlanckc longcdo mimag momopc cmna.

LUNGOR LUNAM 3:10

No ngok aso:pc dunggcla mentumsunamcm gagla du:to, ngo nom kcbang ba:nam ayirdokkcm la:pakyc okodc mo:pv appv:so:pc pvnga:dagbo:ji, mo:pvso sc:kobulu du:nc cdcmbulum anka:la ka:pc.