METIU 23:34 - ANU LUGOD N. T. (BSI)

³⁴ Cdcmpidag ngo nolukkolo:pc Ru:ncpvnckc agom lungornc tani:kvdv:dcm odokkc kinnc tani:kvdv:dcm odokkc poyirnckvdv:dcm mclvgdo, akedcm nolu mokela odokkc kuruslo pvtketo, odokkc akkem nolu kumko okum okumlo somotangki dcmyc odokkc irvsinyom tawon tawonlo iyc.

METIU 23:34 ပူးပေါင်းရင်းမြစ်များ

METIU 10:23

Cdvlo nolum bulu tawon abangkolo ipusire:ycnc, akondo:pc duggcla gvlang; kapila:nc aropakpc, ngo nolum ludung, Israel tawon appv:do:pc nolu gvngabma:yc, tani: Awodc gvlatdokudo:pc.

METIU 13:52

Odokkc Bv bulum lubito, “Cdcmpidag porainc appv:dc sc:kom taycng among migomdok mo:pv lcga:pc luyir-gvyirtagnc bv okum ru:tum akoncmpc innc sc:ko bvk murkongkvdv:ngcm annomsin odokkc akkomsin bomnendag. Odokkc Bv bulum lubito, sc:ko okumru:tumdc avkc kumsu:dokkcm annomlang aku attarcm la:lendagnc, cdcmpc taycng among migom mo:pvdok ri:tomnam tani:pc inc porainc appv:dc idag.”

METIU 23:31

Cdcmpc nolu avkc ipa:ma:namdcm avyc lubisudung, nolujc sc:kobulu Ru:nckc agom lungornckvdv:dcm mokekanc odokbuluk ommangai cmnamdcm.

LU:KKC 24:47

odokkc tani: rcngam appv:so pa:plokkcm mc:yinsukunammcm lutadam bipcnammc, Jerusalemdokkc lurobbomna.

JO:N 16:2

Bulu nolum kumko okumnokkcm mcnnenlvgyc; ncrkvgpc, ayirdc pvnga:du:bong cdvlo sc:kobv nolum mokeycnc bv Ru:ncpvncmc agerko gerbidung cmna mc:yc.

JO:N 20:21

Jisubv lckoda bulum luto, “Nolukkolo mc:pomcnganc dungka:langka. Abubv kapc ngom mclvgtonc, cdcmv:pc ngo:sin nolum mclvgdung.”

AGER KVDVNG 1:8

Cmpige:la nolu tornamcm pa:ycpc Angunnc Yalodc cdvlo noluk tayc:lo:p pvnga:ycji, odokkc nolu ngok lukanbincpc ilangka Jerusalemdo odokkc Judiang appv:do odokkc Samariangdo odokkc mo:pvsok du:tcrpc.”

AGER KVDVNG 11:27

Cdcmpidodcm odo longckvdv:do Lungor Lunckvdv:dc Jerusalemdokkc Antiokpc gvngapkang.

AGER KVDVNG 12:2

Bv Jakobmc madsvgki moketo Jo:nkc bvrodcm;

AGER KVDVNG 13:1

Cdcmpidodcm Antiokdok du:nc mondoli:do lungor lunnclang poyirnc dungai, Barnaba:bv, Simionbv sc:kom Niger cmna gogdagaji, Sirene:dok Lusiubv, Mana-en-bv Herodkc mo:tak appi:lok migom kcbang bangko okumdok amikonc, odokkc Soulbv.

AGER KVDVNG 14:19

Cmpige:la Jiwukvdv:dc odopc Antiokdokkclang Ikoniumdokkc gvto; odokkc tani:kvdv:dcm luwurlvgla, Poulmc bulu vlvngkokki crtapto odokkc bvm nogordok ru:yipc solennvgto, bv sika:bong cmna mc:la.

AGER KVDVNG 15:32

Odokkc Juda:lang Sila:bv, sc:kobulu av:kvdv:dci lungor lunna:nc, bvrokvdv:dcm bojcrungko agomki luyircm luto odokkc bulum kvnggv:moto.

AGER KVDVNG 5:40

Cdcmpila bulu bvk luyirdcm tatto, odokkc bulu mclvgla ager gerdopc mclvgnam tani:kvdv:dcm gogangkunamc, bulu bulum dcmto odokkc Jisukc aminnok agom luma:dopc sa:jcmna luto, odokkc bulum mclvgtoku.

1 KORINTIANG KVDVNG 2:6

Ckvdaggom sv:batsunckvdv:dok ara:do ngolu kinnam pa:namcm cdcmanggom sc rcngam ayirsok migomdonckvdv:dc, sc:kobulu siycrung cmna pelvgnammcji.

1 KORINTIANG KVDVNG 3:10

Ngom Ru:ncpvnckc ayangabbom bikamdcmpc, aipc kangkanpc mojo:nc okum monncmpc ngo mosangkoko mogablvgto, odokkc akon tani:konc odok taycdo mosetdung. Appvng tani:ycm bvkkc bvkkc monamcm ka:sv:sumotoka.

KOLOSIANG 1:28

Bvm ngolu lutadgo:bido, appvng tani:ycm lutadno:bila odokkc taycng among kinnam appvngki taniycm luyirbila, jen Kristokolo appvng tani:ycm jv:dopc mca:lvgyc.

1 TISSALONIANG 2:16

odokkc Ru:ncpvncmc mc:nyi:motoji odokkc appvng tani:ycm motumtoji ngolum Angu tani:kvdv:dcm lumoma:dopc jc bulu turdopc–cdcmpc kapc buluk pa:pkvdv:dcm kvnamdcm pv:modopc. Cmpige:la Ru:ncpvnckc aglv:la mokenamdc lcddarpc pvngangkang!

HIBRIUKVDVNG 11:37

Bulum vlvngki crketo, bulum tu:nyikopc rvdtu:to, bulum matsvgki paketo; bulu bera sobennok odokkc soben asigcm gcla gvgo:to, okkosin kama:pc gvgo:to, asincm mc:dvrra du:gcm gvmoto,

LUNGOR LUNAM 11:10

odokkc cdc sc:kobulu mo:pvso du:dagji bulukkolo mc:poyc odokkc so:man-yvrmanyc odokkc amancm bika:mvnsuyc, lcga:dc cdc lungor lunc anyidc mo:pvsok cdc du:nc-dagnc kvdv:do:pc mogvtmomadai.