METIU 23:13 - ANU LUGOD N. T. (BSI)

¹³ “Ckvdaggom nolukkcpc mc:dvrpcnamc, poyirna odokkc Parisi:kvdvng, agom lc:sula lunc mc:jola kinnc tani:kvdvngc! Lcga:dc nolu taycng amo:tok migom du:tcng mo:pvdcm tani:kvdv:dokkcm mokapdag;

METIU 23:13 ပူးပေါင်းရင်းမြစ်များ

LU:KKC 11:52

“Yowc: yowa nolu lujvgluro kinna lunckvdvnga mc:dvrpcnamc! Kapila:nc nolu kinnamlok sabi:dcm la:pakto; nolu av avkvdv:dc gva:mang cmpige:la cdc sc:kobulu gva:dagji bulum motumdag.”

METIU 23:29

“Hai Hai nolu mc:tapsula sipcnc, Porainc odokkc Parisi:kvdvnga, agom lc:sula kumnc kvdvnga! Kapila:nc nolu Ru:ncpvnckc agom luno:nc tani:kvdv:dok ago kvdvd:dcm moto! Odokkc dormokanckvdv:dok mc:pa:la du:pc cmna monam kunta kvdv:dcm kangkanpc moru:moba:lvgjo:do.

METIU 23:27

“Hai Hai nolu mc:tapsula sipcnammc, poyirnc odokkc Parisi:kvdvnga, agom lcsuge:la kumnckvdvnga! Kapila:nc nolu kampopc yonnam aggompc innc, okodc ru:yidok ka:pc kangkano:dagnc, ckvdaggom odobuluk arangkvdv:dc sinc tani:kv dv:dok alongc bi:la dung odokkc odok appvng narc:ma:nc.

METIU 23:23

“Nolu mc:tapsupcnammc, poyirnc kvdvng odokkc Parisi:kvdvngc, agom lc:sila lunckvdvnga! Kapila:nc nolu podunangc odokkc jalugc odokkc jira lokkcmsin vyvngdok amanpc ako bido, odokkc Ru:ncpvnckc lujvglurodok i:dya:nc agomkvdv:dcm mc:yamc:sato, aro kcbangcla ayang abbom odokkc mc:jvgcm; cdcmbulum nolu ipcnammci akekvdv:dcmsin mcpagma:pc.

AGER KVDVNG 8:1

Odokkc Soulbv bvk sinamdcm tolvgkka odokkc odo longcdo bottcru:nc ipusire:ycm Jerusalem mondoli:do irobbomkang; odokkc bulu appv:dc Judiangclang Samariangdo dugpitsukang, mclvgla ager gerta:ka cmnam kvdv:dcmbulum lutcngo:ma:pc.

2 TIMOTI 4:15

Bvm no avyc ansuka:sulangka, kapcnc kvnggv:pc ngoluk lutaddcm lutumto.

2 TIMOTI 3:8

Kapc Janne:bv:lang Jambre:bv Mose:mc birudi:pc ikaji, cdcmv:pc sc tani:kvdv:sc:sin arodcm birudi:pc idag, asin aima:si:ma:nc tani:kvdv:dc odokkc mc:jvgcm lume:pc lunc tani:yc;

AGER KVDVNG 13:8

Cmpige:la montorong inc Elima:bv (kapcnc cdc amindok lukur agomdcai) bulum lcdulo dagtumto, among akonlok migom doncdcm mc:jvglokkcm lutumpc.

AGER KVDVNG 5:40

Cdcmpila bulu bvk luyirdcm tatto, odokkc bulu mclvgla ager gerdopc mclvgnam tani:kvdv:dcm gogangkunamc, bulu bulum dcmto odokkc Jisukc aminnok agom luma:dopc sa:jcmna luto, odokkc bulum mclvgtoku.

AGER KVDVNG 5:28

“Ngolu sanggabbomdanna lutungai odo amindok luyiryok cmna, ckvdaggom sc Jerusalemso nolu noluk luyirkokki lugongamto odokkc nolu cdc tani:dok i:dok palvgcmc ngolukkolo lvgpcmna idu:n.”

JO:N 9:34

Bulu bvm lubito, “No papi:loksin papi:pc onamc, odokkc noi ngolum luyirpcnncn?” Odokkc bulu bvm nv:lenlvgto.

JO:N 9:24

Cdcmpila lckoda bulu miglunc tani:dcm gogto, odokkc bvm luto, “Ru:ncpvncmc aipai cmtok; ngolu kindag jc sc tani:sc pa:pkannc.”

JO:N 9:22

Bvk anc-abudc cdcmpc luto kapila:nc bulu Jiwukvdv:dcm pcsodagai, kapila:nc Jiwukvdv:dc odo ru:sutagai sc:kaiyc Bvm Kristobv cmna luycnc, bvm kumko okumdokkc mcn nenlvgyc.

METIU 23:25

“Hai Hai nolu mc:tapsupcnammc, poyirnclang Parisi:kvdvnga, agom lc:sila lu:nckvdvnga! Agom kinnckvdvnga! Kapila:nc nolu ko:pdok odokkc arcm bati:dok ru:yikvdv:dcm bc:pu:do, cmpige:la odok arangkvdv:dc samjcmna murko: la:namc odokkc yawo:pc ka:bomc:bonammc bi:la dung.

METIU 3:7

Ckvdaggom bv ka:namc Parisi:kvdv: dokkcla: Sadduki: kvdv:dokkc bojcrungko baptismo langkapc gvdo, bv bulum luto, “Nolu airu:pc aima:nc tabv ope:yc! Sc:ko nolum a:pcnc bottcru:nc aglvngdokkc duggcdopc lutadno:ton?

METIU 23:16

“Hai Hai nolu mc:tapsupcnammc, migluge:la lambc lcngkannc kvdvnga, sc:kobulu ludonc, ‘sc:koiyyc kumko okumdcm lutinsula pesuycmvlo, cdc okosinmang; ckvdaggom sc:kaiyc kumko okumdo avndcm gagla pesuycnc, bv bvk pesunamdcmpc ipa:ru:yc.’ Bv da:r dogcsunnc.