METIU 21:46 - ANU LUGOD N. T. (BSI)

⁴⁶ Ckvdaggom cdvlo bulu Bvm ycnggapc cmna anka:la ka:tonc, bulu yadkumsunc tani:kvdv:dcm pcsokang, kapila:nc bulu Bvm Ru:nckc agom lungorbincko cmna mc:jvgdagai.

METIU 21:46 ပူးပေါင်းရင်းမြစ်များ

METIU 21:11

Odo yadkunsunc tani:kcrc:dc luto, “Galilolok Najaretdokkc Ru:nckc agom lungorbinc Jisubv sc:na.”

METIU 21:26

Cmpige:la tani:kvdv:dokkc cmna, ‘ngolu lumvlo,’ ngolu yadkumsunc tani:kvdv:scm pcsodag; kapila:nc appvng taddag Jo:nbv:jc Ru:ncpvnckc agom lungor lunckai cmna.”

METIU 21:45

Dormoager igur-gvgurnc kvdv:dclang Parisi:kvdv:dc cdc kvkanbinam do:yv:dcm cdvlo tattonc, bulu mcngkinsuto Bv:jc buluk agomcm ludung cmna.

METIU 22:1

Lckoda Jisubv bulum kvkanbinam do:yingki agomcm lubito, scmpc lula.

MARKKC 11:18

Odokkc kumnam ager gernckvdv:dok bottarya:nckvdv:dc odokkc ainc agom luyirnckvdv:dc cdcm tatto odokkc Bvm mokenanc lambcko mago:to; kapila:nc bulu Bvm pcsokang, kapila:nc yadkumsunc tani:appv:dc Bvk luyirnamdcm mc:la mcngapla:ma:pc ikang.

LU:KKC 7:16

Odo appvngc pcssamkang; odokkc bulu Ru:ncpvncmc aipai cmto, scmpc lula, “Bottcru:nc lungorluncko ngoluk ara:so lenkang!” Odokkc “Ru:ncpvncbv Bvk tani:kvdv:dcm kangkapc gvito!”

LU:KKC 7:39

Cdcmpidodcm sc:ko Parisi:dc gogkaji Bvm cdcm ka:la, bv avdc lusuto, “Sc tani:sc lungor luncka:mvlo, sc nc:sc kapinc nc:ngkoji kinya:pc sc:ko Bvm upkvdu:ji, kapila:nc bv pa:pkancko.”

JO:N 7:30

Cdcmpila bulu Bvm ycnggabpc cmna mago:to; ckvdaggom sc:kosin Bvm alagki gakkvtomang, kapila:nc Bvk ayirdc pvnga:mangada.

JO:N 7:7

Mo:pvsc nolum tayumla:mang, cmpige:la sidc ngom tayumdag kapila:nc ngo sok agomcm lukanbidung jc sok agerkvdv:dc aimang.

AGER KVDVNG 2:22

“Israelsok tani:kvdvnga, sc agom kvdv:scm tadtoka: Najaretdok Jisubv, Ru:ncpvnckokki nolukkolo du:jonsumoto bottcru:nc ager germola odokkc mcngapla:ma:nam agercmlang odokkc kanggod kvdv:dokki okodcm noluk ara:lo Ru:ncpvncbv Bvkkokki gertoji, nolusin avyc kindagnc cdc Jisudcm.