METIU 20:21 - ANU LUGOD N. T. (BSI)

²¹ Odokkc Bv bvm tauto, “No okoko madu:n?” Bv Bvm lubito “Lulvgteipcn sc ngok awo anyiscm, nok lagbvgpc akonc odokkc lakkepc akonc teddopc, nok migom du:tcng mo:pvdo.”

METIU 20:21 ပူးပေါင်းရင်းမြစ်များ

METIU 18:1

Odo ayirdo agom tadjvgla gvmvnnc tani:kvdv:dc Jisukolo:pc scmpc lula gva:to, “Ru:ncpvnckc taycng among migom mongkvdo sc:karbv bottaya:ncn?”

METIU 19:28

Jisubv odo bulum lubito, “Aroru:pc, ngo nolum lubidung, anu mo:pvdo, cdvlo tani:kc Awodc Bvk amin gvnc migom dungkodo du:ycnc nolu sc:kobulu ngok lcdu lcdulo gvmvnnc kvdv:dc:sin vyvngkolang anyilok tedkolo tedmvnycku, Israeldok vyvngkolang anyi opvndok kcbangcm ba:langkula.

METIU 20:22

Cmpige:la Jisubv lubito, “No okkom kodu:song no kinmang. Oko tv:nancdo ngo tv:ycnc cdcm nolu tv:nala:pcyc?”

METIU 20:32

Odokkc Jisubv du:tedto odokkc bulum gogto, scmpc lula, “Ngo noluk lcga:pc okkom iteika cmna mc:dang?”

MARKKC 10:51

Odokkc Jisubv bvm luto, “Ngo nom o:ko iteika cmna no mc:dang?” Odo cdc miglunc tani:dc Bvm luto, “Ru:tuma, ngok ka:begcm ngom ka:pa:moteikuka.”

MARKKC 16:19

Cmpige:la Ru:tum Jisubv, bulum Bv lungapdodcm taycng amo:c bompakkangku, odokkc Ru:ncsa:nckc lagbvgpc tedkang.

MARKKC 6:22

Kapila:nc cdvlo Herodia:kc omcdc songkapc gvlentonc, bv Herodmc odokkc bvk mibokvdv:dcm mc:pomoto; odokkc migom ko:ncdcm luto, “No okkomci madonc ngokkolok matoka, odokkc ngo cdcm biyc.”

LU:KKC 18:41

“Ngo nom okkom ibiteika cmna mc:dang?” Bv luto, “Ru:tuma, ngok ka:begma:namcm ngom ka:begmoteikuk.”

LU:KKC 19:11

Bulu cdc agomkvdv:dcm tadla du:dodcm, Bv kvkanbila kvnam do:yngko kvbipc kvrobbomkang, kapila:nc Bv Jerusalem aninpc dungai, odokkc lcga:dc bulu mc:dungai Ru:ncpvnckc migom donam mo:pvdc oddung lendungaboi.

LU:KKC 22:24

Sc:komc bulukkolok bottarya:nc cmna luycn cmna buluk ara:lo lukerluyermvnsunamko lenkang.

JO:N 15:7

Nolu ngok dungkolo du:mvnmvlo, odokkc ngok gomung kvdv:dc nolukkolo du:mvnmvlo, nolu okkomci madoji kotoka, odo cdcm noluk lcgangc ibiycpc.

AGER KVDVNG 1:6

Cdcmpila cdvlo bulu lckopc gvkumsutonc, bulu Bvm tawuto, “Ru:tuma suk ayirv:soi no Israeldok migom dokodcm la:lenbiyckun?”

ROMANKVDVNG 12:10

akoncm akonc bvrrangpc aipc mc:mvnsula; mcngcnanamcm mc:dom akoncm akonc mc:badlangka.

ROMANKVDVNG 8:34

Cdc Ru:ncpvnc bv:na sc:kobv aidag cmna lunamdc; sc:kon aimang cmna lupcncdc? Cdc Kristo Jisubv, sc:kobv sika:ji, c:v, sc:kom sikolokkcm turmotokuji, sc:kobv Ru:ncpvnckc lagbvg alakpc du:ji, sc:kobv ncrkvgpc ngoluk lcgangc kumbila du:nc?

KOLOSIANG 3:1

Cdcmpcmvlo nolum Kristokc turkolo turmotoku, taycng amo:to du:nc attarkvdv:dcm matoka, okolo Kristobv, Ru:ncpvnckc lagbvg alagpc du:ji.