METIU 18:3 - ANU LUGOD N. T. (BSI)

³ Odokkc luto, “Aroru:pc, ngo nolum lubidung, nolu asin mc:latsulangkula ko:waokvdv:dcmpc ima:mvlo, nolu kapcsin taycng among migom mongkvdo:pc gvangkuma:yc.

METIU 18:3 ပူးပေါင်းရင်းမြစ်များ

1 PITOR 2:2

Anupc onam Kowawcmpc, angunpc narc:nc gakvrdcm asinang olangka, jc cdcmpc ila nolu moturnamdo:pc sv:sa:ycpc;

METIU 19:14

cmpige:la Jisubv luto, “Ko:kangkvdv:dcm ngokkoso:pc gva:motoka, odokkc bulum lutumyok; kapila:nc bulukkcmpc inckvdv:dok lcgangcmvn taycng among migomdok dungko mo:pvdc.”

1 KORINTIANG KVDVNG 14:20

Bvrrangkvdvnga, noluk asinc ko:ka:pc iyoka; aima:nc agerlo onam kowawpc ilang, cmpige:la mc:namsagnamlo sv:titsunncmpc itoka.

JO:N 3:5

Jisubv lubito “Aro-aroru:pc, ngo nolum lubidung, akoncm asiloklang Yalodokki okuma:sisscm, bv Ru:ncpvnckc migom doko mo:pvdo:pc gva:a:ma:yc.

JO:N 3:3

Jisubv bvm lubito, “Aro-aroru:pc, ngo nolum lubidung, akoncm anupc otenkuma:-sisscm, bv Ru:ncpvnckc migom doko mo:pvdcm ka:begma:yc.”

LU:KKC 13:24

Odo Bv bulum lubito, “Ponme:nc lambcdok gva:pc cmna kvnggv:pc gvke:-gvye:la gva:toka; kapila:nc bojcrungc, ngo nolum lubidung, gva:pc cmna mayc cmpige:la gva:la:ma:yc.

AGER KVDVNG 3:19

Asinc cdcmpila mc:dvrra mc:latsutokuk, odokkc lckoda gvlattokuka, noluk pa:pkvdv:dcmjen motidamdopc, cdc anumonam ayirdc:jen Ru:tumkolokkc a:ycpc,

AGER KVDVNG 28:27

Kapcnc sc tani:kvdv:sok asinkvdv:dc tunggo-beggoma:pc sv:sangkang, odokkc buluk yerungkvdv:dc tadpc tada:mang, odokkc buluk amikkvdv:dcm bulu migjcmammoto; Ckvma:mvlo buluk amikkvdv:dokki kangkinamyc, odokkc buluk yerung kvdv:dokki tadyc, odokkc buluk asinkvdv:dokki mcngkinyc, odokkc ngokkolo:pc gvlatycku bulum csa:modokupc.’

JO:N 1:51

Odokkc bvm bv lubito, “Aro-aroru:pc, Ngo nolum lubidung, nolu taycng amo:tcm betkela, moge:dopc ka:begyc, odokkc Ru:ncpvnckc lutad lunckvdv:dcm Tani: Awodok tayc:lo gvigvsa:dopc ka:begyc.”

METIU 5:20

Kapila:nc ngo nolum lubidung, noluk Ru:ncpvncmc kumgotdc potin adnckvdv:dcmla, Parisi:kvdv:dcmyam, aiya:ma:mvlo, nolu cdvlosin taycngamong migom dungkodo:pc gva:lankuma:yc.

LU:KKC 22:32

cmpige:la ngo nok lcgangc kumdung nok mc:jvgdc:jen yogma:pcka; odokkc cdvlo no gvlatyckunc nok bvrokvdv:dcm tormolangka.”

MARKKC 4:12

Odomvlo bulu aroru:pc ka:yc ckvdaggom mcngkima:yc, odokkc aroru:pc tadycpc ckvdaggom tadkinma:yc; ckvma:mvlo bulu gvlatycku, odokkc mc:yinsuycku.”

2 PITOR 1:11

Cdcmpila nolum kvnggv:pc mircmpc biycpc nolukkcpc cdc lo:dvlongkvpc du:nc migomdokodo:pc gva:namdo ngoluk Ru:tumbv odokkc Moturnc Jisu Kristobv.

AGER KVDVNG 14:22

agom tadjvgla gvmvnnc kvdv:dok yalokvdv:dcm kvnggv:mola, bulum mc:jvgnamlo du:tvdopc luyir luyirla, odokkc kvnggv:pc mc:namsagnamkipak ngolu Ru:ncpvnckc migom doko mo:pvdo:pc gva:rungkupcnammc cmna.

METIU 19:23

Odo Jisubv Bvk agom tadjvgla gvmvnnc tani:kvdv:dcm luto, “Aropakpc ngo nolum lubidung, mircmnc tani:akolokkcpc taycng among migom du:tcng mo:pvpc gvangpc gvla:ma:ycku.

METIU 13:15

kapila:nc sc tani:kvdv:sok asinkvdv:sc buttumkang, odokkc buluk yerungkvdv:dc tadpc ru:bedag, odokkc buluk amikkvdv:dcm bulu migjcmamto, ckvma:mvlo bulu amikkvdv:dokki bulu ka:begpcnamai, odokkc buluk yerungkvdv:dokki tadbegpcnamai, odokkc buluk asinkvdv:dokki tadkin pcnamai, odokkc bulum csa:modokupc ngokkolo:pc gvlatyangkupc.’

METIU 6:16

“Odokkc cdvlo nolu menna doma:pc du:donc, nappangcm napvnarc:ma:pc kangkosuyoka, agom lc:sula lunckvdv:dcmpc, kapila:nc bulu dumsi migmom ka:nyi:modag buluk menna du:namdcm tani:kvdv:dc ka:begycpc cmna. Aropakpc, ngo nolum lubidung, buluk amancm bulu pa:toibong.

METIU 6:5

“Odokkc cdvlo nolu kumdonc, nolu agom lc:sila lunckvdv:dcmpc iyorungka; kapila:nc bulu kumko okum okumno odokkc nogorlok lambckvdv:dok r:uyi ru:yilo dagsa:la kumnamcm kumnv:dag, bulum tani:kvdv:dc ka:ycpc cmna. Aropakpc, ngo nolum ludung, buluk amancm bulu pa:toibong.

METIU 6:2

“Cdcmpidag nolu cdclo ammem atvko cmpc biycnc, noluk kcra:lo oko dumdumcmsin mango:yoka, agom lc:sila lunckvdv:dc kumko okumno odokkc nogorlok lambc lambclo, tani:kvdvngc bulum luyitycpc cmna kumgo:dag. Aropakpc, ngo nolum lubidung, bulu buluk amancm pa:toibong.

METIU 5:18

Kapila:nc aroru:pc, ngo nolum lubidung, taycng amo:tc odokkc mo:pvsc yogpakma:sisscm, i: abvg akosin, lujvglurodokkc lukamdcmpc ingapmma:-sisscm yogma:yc.

METIU 18:2

Odokkc ko:koncm Bvkkolo:pc gogangge:la, Bv bvm buluk ara:do du:moto,

METIU 18:4

Sc:kobvi sc ko:scmpc avyc asin adji:suycnc, bv taycng among migom mo:pvdok battarya:ncpc iycku.