METIU 16:3 - ANU LUGOD N. T. (BSI)

³ Odokkc ro:ycmvlo ludo, ‘Silo: bottcn csar sarycpc, kapila:nc do:mvrtc lv:dag odokkc mvrdung.’ Nolu do:mvrtcm ka:begnamdcmpc lulenlua:la lubila:dag, ckvdaggom ayirlok anggodkvdv:dcm lulen-lua:la lubila:mang.

METIU 16:3 ပူးပေါင်းရင်းမြစ်များ

LU:KKC 12:56

C:i agom lc:sula lunckvdvnga! Nolu mo:pvsokkcmlang do:mvrtokkcm kangge:la kapc idagji lukurra lubijo:dag; cmpige:la nolu kapila silo-mclokc ayircm kapc idagji lubila:man?

LU:KKC 13:15

Odo Ru:tumbv bvm lubito, “C:i agom lc:sula lunckvdvnga! Noluk appvng ager germa:pc yodla du:nanc longcdo ncsin doko kungka:lokkcm vbogo:romna: gadong gure:ycm rvnkolokkcm sarma:lang, odokkc cdcmbulum asscm tv:moma:lang?

METIU 11:5

miglunckvdv:dc ka:begdungku odokkc lambcgvla:ma:pc ngedgo:nckvdv:dc gvla:dungku, ngero:-ro:namkvdv:dc narcngkangku odokkc ru:benckvdv:dc tadbegamkangku, sinckvdv:dcm turabmodungku, odokkc opankvdv:dcm tadponc lutaddcm lubidung.

LU:KKC 11:44

Yowc: Yowa! Nolu mc:dvrpcnamc, kapila:nc nolu ka:begma:nam aggompc idag, odokkc tani:kvdv:dc cdcm kinma:pc odok tayc:do lambcm gvdag.”

METIU 23:13

“Ckvdaggom nolukkcpc mc:dvrpcnamc, poyirna odokkc Parisi:kvdvng, agom lc:sula lunc mc:jola kinnc tani:kvdvngc! Lcga:dc nolu taycng amo:tok migom du:tcng mo:pvdcm tani:kvdv:dokkcm mokapdag;

METIU 22:18

Ckvdaggom Jisubv, buluk ka:lv:ma:la lunamdcm kinsula, luto, “Kapila:nu ngom luka:la kangkvdang, nolu agom lc:sil lunc kumnckvdvngc?

METIU 15:7

Nolu kcvgpc asin mcngunc kvdvngc! Isaia:bv Ru:ncpvnckc agomcm lungordodcm airu:pc luto noluk agomcm, cdvlo bv lungorkaji!

METIU 7:5

Nolu agom lc:sula lunnc, nok amikdok vsvng sv:po:dcm la:pakpo:tok, odokkc odopak no aiyo:pc ka:begycpc nok bvrodok amikdo du:nc vsvng sv:po:dcm la:pakpc.

METIU 4:23

Odokkc Bv Galil among appv:do gvgo:to, buluk kumko okumkvdv:do Ru:ncpvnckc taycngamong migom donamdok tadponc lutaddcm lugo:bito odokkc tani:kvdv:dok appvng Kinam ramnamcm odokkc appvng mosimola:ma:namcm aimotoku.

HIBRIUKVDVNG 5:14

Tornc apin donamdc bottcnc sv:titsunc kvdv:dokkcpc, kapcnc cdc sc:kobulukkc ainclokkc aima:ncdcm kangkinnapc ycbu:-yerungcm tadyitgvyittagnc.