METIU 16:28 - ANU LUGOD N. T. (BSI)

²⁸ Aropakpc, ngo nolum lubidung, sc akke dagla dung sc:kobulu sinamcm pangkvma:ycnc bulu Tani:kc Awodcm Bvk migom doko mo:pvdo ka:begma:sisscm.”

METIU 16:28 ပူးပေါင်းရင်းမြစ်များ

METIU 10:23

Cdvlo nolum bulu tawon abangkolo ipusire:ycnc, akondo:pc duggcla gvlang; kapila:nc aropakpc, ngo nolum ludung, Israel tawon appv:do:pc nolu gvngabma:yc, tani: Awodc gvlatdokudo:pc.

METIU 16:13

Odokkc cdvlo Jisubv Kaesarea Pilipi: jilado:pc gvtonc, Bvk agom tadjvgla gvmvnnc tani:kvdv:dcm tawuto, “Tani:lok awodcm tani:kvdv:dc okko cmdang?”

METIU 24:3

Olib Adido cdcmpila tednamc, atckpc agom tadjvgla gvmvnnc tani:kvdv:dc Bvkkolo:pc gva:to, scmpc lula, “Ngolum luteipcn, cdvlo cdcmpc sc iycn, odokkc nok gvlatkunamdok odokkc du:tcr dungapsok anindok kanggoddc okop iycn?”

METIU 24:34

Aropakpc, ngo nolum lubidung sc ayirsok tani:kvdv:sc yogma:yc sc atv appv:sc lenma:sisscm.

METIU 24:42

“Toya:la du:tok cdcmpidag, kapila:nc nolu kinmang oko longcdo noluk Ru:tumdc gvyckuji.

METIU 26:64

Jisubv bvm luto, “No:na cdcmpc lutonc. Ckvdaggom ngo nom ludung, su:pakkolokkc nolu tani:kc Awodcm Ru:ncpvnckc lagbvgpc tedla du:dopc ka:begyc, odokkc taycngamo:tok mukkangki gvidokupc.!”

METIU 8:20

Odo Jisubv bvm luto, “Mensarung kvdv:dokkc dungko arungc dung, odokkc do:mvrtok pcttangkvdv:dokkc asubc dung; ckvdaggom tani:kc Awodokkc Bvk mittukdcm lcngko kamang.”

MARKKC 13:26

Odokkc odo bulu Tani:kc Awodcm mukkangkvdv:dokki bottaru:nc mcnggcsunamki odokkc amin gvla gvidokupc ka:begyc.

MARKKC 8:38

Kapila:nc sc:kobvi sc aminc:ng lango:nc odokkc pa:binc ope:kvdv:sok ara:lo ngomlang ngok agom lcgangc anyi:ycnc, bvmsin tani:kc Awodc anyi:ycku, cdvlo Bvk Abukc ka:de:pc angunnc taycng lutad lunckvdv:dokki gvyckuji.”

MARKKC 9:1

Odokkc Bv bulum luto, “Aropakpc, Ngo nolum lubidung, sc akke dagla dung bulu Ru:nckc migom dokodcm tornampc gvkunamcm ka:ma:dapc sinamcm sikuma:yc.”

LU:KKC 18:8

Ngo nolum lubidung Bv bulum imurnclokkcm mcna:pc moturyc. Ckvdaggom, cdvlo tani:kc awodc gviyckunc, Bv mo:pvso mc:jvgcm pa:yckusong?”

LU:KKC 2:26

Odokkc Angunnc Yalodokki bvm lcngkantungai jc Ru:tumkc Kristomc ka:ma:sisscm bv sinamcm sima:yc.

LU:KKC 9:27

Cmpige:la ngo nolum aroru:pc lubidung, sc akke dagla dung sc:kobulu Ru:ncpvnckc migom doko amo:dcm ka:begma:sisscm sima:yc.”

JO:N 21:22

Jisubv bvm lubito, “Cdcm mc:mvlo bv dungka:lang ngok gvlatkuma:sisscm, cdc nokkcpc kapc idang? Ngok lcdulo gvmvntok!”

JO:N 8:51

Aroru:pc, aroru:pc, ngo nolum lubidung, sc:koiyc ngok agomdcm tadmvlo, bv cdvlosin sinamcm ka:pa:suma:yc.”

JO:N 8:52

Jiwukvdv:dc Bvm luto, “Ngolu su:pak kindu:bong nokkolo uiko dung, Abrahambv sikang, lungor lunckvdv:dcmpc; odokkc nolu ludag, ‘Tani:akonc ngok agomcm tadmvlo bv cdvlosin sima:yc.’

AGER KVDVNG 1:11

“Galildok Tani:kvdvnga, nolu kapila tayc:to:pc ka:sa:tvla du:n? Cdc Jisumc, sc:kom nolukkolokkcm taycngpc gvbokangkunc, cdcmv:pc lckoda gvlatycku nolu kapc tayc:pc dc:dokupc Bvm ka:tonc.”

1 KORINTIANG KVDVNG 15:23

Cmpige:la appvngcm bvkkc bvkkc lukamdcmpc:--Kristobv e:pongarnc a:yckvdv:dokkc, odokkc Bvk gvdokudodo cdc sc:kobulu Kristokcpc inckvdv:dc.

1 TISSALONIANG 1:10

Turra du:nc odokkc aro Ru:ncpvnckolok agerko gerpc, odokkc tayc:tokkcm Bvk Awodok lcgangc toya:la du:pc, sc:kom Bv sikolokkcm turmotokuji, Jisumc sc:kobv a:pcnc palvg lvgnamdokkcm ngolum mopvtyckuji.

HIBRIUKVDVNG 2:9

Cmpige:la ngolu Jisumc ka:do, sc:kobv adjioko taycng lutad lunckvdv:dcm adjiya:motungai, amin gvnamclang mcnggcma:namkokki migom dumlubcm molvgto sinam du:g kostom gvnamkokki, odomvlo jen Ru:ncpvnckc ayangkokki bv appvngkc lcgangc sinamcm sikvycpc.

JAKOB 5:7

Menrasula du:toka, cdcmpidag, bvrokvdvnga, Ru:tumkc gvdoku longcdo:pc. Ka:toka, mo:pvsokkcm airu:pc arckanc a:ycm pa:yc cmna arvg inckvdv:dc, cdc opongarnc odokkc lcddarkc pcdo:dc oma:sisscm menrasula toya:la du:dopc toya:la du:do.

2 PITOR 1:16

Kapcnc ngolu airu:pc kinna:pa:la mc:lennam kangkvma:nam do:yvngcm tadla gvmangai. Cdvlo ngolu nolum kinmotoji cdc ilanggvla:dcm odokkc Ru:tum Jisu Kristokc gvkunamdcm, cmpige:la ngolu amikki Bvk miga:dcm kanggod ka:nai.

1 JO:N 2:28

Odokkc su:pak, ameo:nc ommangkvdvnga, Bvk dungkolo du:mvntoka, odomvlo jen cdvlo Bv lcngkansuycnc ngolukkc ncrkvgpc mcnga:nammc du:ycpc odokkc Bvkkolokkc ngetsuk suma:ycpc Bvk gvdokudo anyv:sula.