METIU 16:27 - ANU LUGOD N. T. (BSI)

²⁷ Kapil:nc tani:kc Awodc Bvk Abukc aipaidokki Bvk taycng among lutad lunc tani:kvdv:dokki gvkupcnamc, odokkc odo Bv appv:tani:ycm sc:kobv oko okkom ikanc odok bikupcnamcm biycku.

METIU 16:27 ပူးပေါင်းရင်းမြစ်များ

METIU 13:41

Tani: Awodc Ru:nckc lutad lunckvdv:dcm mclvgyc, odokkc bulu Bvk migom mo:pv appvng du:tc:lokkcm appvng imur lcgangcm odokkc aima:nc ager gernckvdv:dcm langkumsuyc,

METIU 13:49

Cdcmv:pc mo:pvsok gvngapdo anindo iyc. Ru:nckc taycng agom lutad lunc tani:kvdv:dc gviyc odokkc dormokanc kvdv:dokkcm aima:nc tani:kvdv:dcm languyc;

METIU 24:30

odo tani:kc Awodok kanggodc taycng amo:to lenyc, odokkc mo:pvso tani: appvng opvnkvdv:dc kaptakri:taksuyc, odokkc bulu tani:kc Awodcm do:mvrtok mukkang tayc:lo tornamki odokkc bottcru:nc migangki gvdokupc ka:begyc.

METIU 25:31

“Cdvlo tani:kc awodc Bvk migangki, odokkc appvng taycng among lutad lunckvdv:dokki gvyckunc odo Bv Bvk migangki migom dungkodo du:ycku.

METIU 26:64

Jisubv bvm luto, “No:na cdcmpc lutonc. Ckvdaggom ngo nom ludung, su:pakkolokkc nolu tani:kc Awodcm Ru:ncpvnckc lagbvgpc tedla du:dopc ka:begyc, odokkc taycngamo:tok mukkangki gvidokupc.!”

METIU 8:20

Odo Jisubv bvm luto, “Mensarung kvdv:dokkc dungko arungc dung, odokkc do:mvrtok pcttangkvdv:dokkc asubc dung; ckvdaggom tani:kc Awodokkc Bvk mittukdcm lcngko kamang.”

MARKKC 14:62

Odokkc Jisubv luto, “Ngowvng; odokkc nolu tani:kc Awodcm bottap mcngcsunamdok tayc:do teddopc ka:begyc, odokkc taycng do:mvrtok mukkangkokki gvdokupc ka:begyc.”

MARKKC 8:38

Kapila:nc sc:kobvi sc aminc:ng lango:nc odokkc pa:binc ope:kvdv:sok ara:lo ngomlang ngok agom lcgangc anyi:ycnc, bvmsin tani:kc Awodc anyi:ycku, cdvlo Bvk Abukc ka:de:pc angunnc taycng lutad lunckvdv:dokki gvyckuji.”

LU:KKC 21:27

Odokkc odo Tani:kc awodcm mukkang atakkolo ilanggvlang tornamki odokkc bottcru:nc amin gvnamki gvidokupc ka:begycku.

LU:KKC 22:69

Cmpige:la su:pakkolokkc tani:kc Awodc Ru:ncpvnckc ilang gvla:namdok lagbvg alagdo tedyc.”

LU:KKC 9:26

Kapilanc sc:kobvi ngomna: odokkc ngok agomkvdv:dcm lubisupcnam anyi:ycnc, bvmsin tani:kc Awodc cdvlo Bvk amingvnamki gvyckuji odokkc Abukclang angunnc taycng among agom lutadnc kvdv:dok amin gvnamki gvyckuji anyi:ycku.

JO:N 21:22

Jisubv bvm lubito, “Cdcm mc:mvlo bv dungka:lang ngok gvlatkuma:sisscm, cdc nokkcpc kapc idang? Ngok lcdulo gvmvntok!”

JO:N 21:23

Bvrrang kvdv:dok ara:lo cdc agomdc cdc ngombungkang jc cdc agom tadjvgla gvmvnna gvnc tani:dc sima:yc; cmpige:la Jisubv bvm lumangai jc bv sipcma:namc, cmpige:la, “Cdc ngok mc:namkomvlo bv ngo gvkuma:sisscm du:mvlo, cdc nokkcpc okopc iycn?”

AGER KVDVNG 1:11

“Galildok Tani:kvdvnga, nolu kapila tayc:to:pc ka:sa:tvla du:n? Cdc Jisumc, sc:kom nolukkolokkcm taycngpc gvbokangkunc, cdcmv:pc lckoda gvlatycku nolu kapc tayc:pc dc:dokupc Bvm ka:tonc.”

ROMANKVDVNG 14:12

Cdcmpidag ngolukkolok appvngc av avkc inamgvnamlok kvnamcm Ru:ncpvncmc kvbipa:ycku.

ROMANKVDVNG 2:6

Kapila:nc Bv tani: appvngcm Bvk ager gerkamdcmpc bipcnammcm biyc:

1 KORINTIANG KVDVNG 15:23

Cmpige:la appvngcm bvkkc bvkkc lukamdcmpc:--Kristobv e:pongarnc a:yckvdv:dokkc, odokkc Bvk gvdokudodo cdc sc:kobulu Kristokcpc inckvdv:dc.

1 KORINTIANG KVDVNG 3:13

vsvngkokki, sannc ncsinkokki, amrongkokki momvlo– tani: appv:dok agerkvdv:dcm ka:begamycku; kapila:nc cdc Longcdc cdcm lenapmoycku, kapila:nc cdcm vmvkokki romnenamycku, odokkc vmvdc ukka:la ka:ycku kapinc agercm sc:ko sc:ko gerkaji.

1 KORINTIANG KVDVNG 8:8

Donamc ngolum Ru:ncpnckolo aidag cmna lubima:yc. Ngolu aima:ya:ncpc imang ngolu jodi doma:mvlo, odokkc aiya:ncpc imang ngolu jodi domvlo.

2 KORINTIANGKVDVNG 5:10

Kapila:nc ngolu Kristokc kcbang bangko tedkodo appvngc aincmnang aimangcm pa:ycpc, bv okkom amvrki ikaji cdcmpc.

IPESIANG KVDVNG 6:8

Kinna jc okodcmci aincm atvko akonc idoji, bv Ru:tumkolok cdcmvng pa:yc, bv pagbodaggom cdcmanggom avkc mcngkampc du:daggom.

KOLOSIANG 3:25

Kapcnc imur ager gerncdcm bvk germurdok lcgang palvgcm lvgycku, odokkc odo mc:nam mc:mang kama:yc.

1 TISSALONIANG 1:10

Turra du:nc odokkc aro Ru:ncpvnckolok agerko gerpc, odokkc tayc:tokkcm Bvk Awodok lcgangc toya:la du:pc, sc:kom Bv sikolokkcm turmotokuji, Jisumc sc:kobv a:pcnc palvg lvgnamdokkcm ngolum mopvtyckuji.

1 TISSALONIANG 4:16

Kapcnc Ru:tumbv avdc taycng amongtokkc bottcpc lulvgnamko lula togycku, taycng lutad lunc bottarya:nc kvdv:dokki gognamki, odokkc Ru:ncpvnckc tu:lu: mudnam bc:namdokki. Odokkc Kristokolo sinckvdv:dc darobpo:danna darobycku;

JAKOB 5:7

Menrasula du:toka, cdcmpidag, bvrokvdvnga, Ru:tumkc gvdoku longcdo:pc. Ka:toka, mo:pvsokkcm airu:pc arckanc a:ycm pa:yc cmna arvg inckvdv:dc, cdc opongarnc odokkc lcddarkc pcdo:dc oma:sisscm menrasula toya:la du:dopc toya:la du:do.

1 PITOR 1:17

Odokkc jodi nolu Bvk Abukopc gogyc sc:kobv bvkkc bvkkc inamdcmpc akonongcm ka:ma:pc kcbangcm ba:donc, noluk amikc amo:lo yc:bomkosula du:do ayir appv:do pcsokono asinc gcla du:langka.

1 JO:N 2:28

Odokkc su:pak, ameo:nc ommangkvdvnga, Bvk dungkolo du:mvntoka, odomvlo jen cdvlo Bv lcngkansuycnc ngolukkc ncrkvgpc mcnga:nammc du:ycpc odokkc Bvkkolokkc ngetsuk suma:ycpc Bvk gvdokudo anyv:sula.

JU:D 1:14

Cdc odogbulungvngkai jc Inosbv Adamkolokkc kvnvd opvndo scmpc lula, lungorlubika, “Ka:toka, Ru:tumbv Bvk appvng kvla kvngapla:ma:nam kokki kcbangcm bangkakupc gvka,

LUNGOR LUNAM 1:7

Ka:toka, Bv mukka:lo gvdoku odokkc appvng amigc Bvm ka:begyc, Bvm pvtkenc appv:dc; odokkc mo:pvso appvng opvnc Bvk lcgang v:tombangki:la kabycku. Cdc cdcmv:pc iyc. Amen.

LUNGOR LUNAM 2:23

Odokkc mondoli: appvngkvdv:dc kinyc jc ngo Bv sc:kobv mc:namclang asinangcm mago:dagji, odokkc ngo noluk appvngcm ako akko:pc noluk ager gernamdcmpc pa:pcnamdcmpc biyc.

LUNGOR LUNAM 20:12

Odokkc ngo adji:nclang bottcncm, sinckvdv:dcm ka:begto, migom tedko kcra:do, odokkc potinkvdv:dcm tamge:dopc. Potin borkonkoda tamge:to, okodc turnckvdv:dok potindc:ji. Odokkc cdc sinckvdv:dcm kcbangcm ba:to okodcm potindo attagji, okodcm bulu gerkaji.