METIU 16:24 - ANU LUGOD N. T. (BSI)

²⁴ Odo Jisubv Bvk agom tadjvgla gvmvnnc tani:kvdv:dcm lubito, “Tani: akonc ngok lcdulo gvmvnpc mc:ycnc, bvm avdc avycm cmmumc cmna lusumotok odokkc bvk kurusdcm jo:motok odokkc ngok lcdulo gvmvnmotok.

METIU 16:24 ပူးပေါင်းရင်းမြစ်များ

METIU 10:38

Odokkc sc:kobv avkc kurusdcm jo:la ngok lcdulo gvmvma:ycnc bv ngokkcpc ipc arckamang.

METIU 27:32

Bulu gvlenna gvnamc, bulu Kirene:dok tani:ko rvgsuto, Simon cmna amin minnamko; cdc tani:dcm bulu Bvk Kurusdcm jo:pa:ru:yc cmna luto.

MARKKC 10:21

Odo Jisubv bvm kangge:la ayangkang; odokkc luto bvm, “Nokkc abangko pv:ramdung; gvkangkuk, nokkc oko okko du:nc kopakta:ka, odokkc opan tani:kvdv:dcm bipakta:kuk,”

MARKKC 15:21

Odokkc bulu lambclok gvpatnc tani: ako, Sirene dok Simonmc do:lu:dokkc gvddom, Alekjandarkclang Rupuskc abudcm, Kurusdcm jo:dopc lujcmlvgto,

MARKKC 8:34

Odokkc Bv agom tadjvgla gvmvnnc tani:kvdv:dcm lckopc yadkumsunc tani:kvdv:dcm Bvkkolo:pc gogto, odokkc bulum luto, “Tani: akonc ngok lcdu lcdulo gvmvnpc mc:mvlo, bv avdc avycm cmmumc cmna mc:sumotok odokkc bvk kuruscm jo:motok odokkc ngok lcdulo gvmvnmotoka.

LU:KKC 14:27

Sc:kobvi avkc kuruscm jongge:la ngok lcdu lcdulo gvmvnma:ycnc bv ngok agom tadjvgla gvmvnnc tani:pc ila:ma:yc.

LU:KKC 23:26

Odokkc bulu Bvm gvcrbomna gvnamc, bulu Sireneolok Simom cmnamko sogabto, sc:kobv do:lu:dokkc gvdungaji, odokkc bvk tayc:do kurusdcm jonggc:lvgto, Jisukc lcdulo cdcm jo:bomna gvdopc.

JO:N 19:17

Cdcmpila bulu Jisumc gvbokang, odokkc bv moro:pc gvlenkang, Bvk avkc kurusdcm jo:bomla, tukku kulong mo:tak cmnam mo:takdo:pc, okodcm Hibriulo Golgota cmna ludagaji.

JO:N 21:19

(Cdcm Bv kapinc sinamkokki bv Ru:ncpvncmc amincm gvmoycn cdcm lcngkanpc cmna luto.) Odokkc odok lcdupc Bv bvm luto, “Ngok lcdulo gvmvntok.”

JO:N 21:22

Jisubv bvm lubito, “Cdcm mc:mvlo bv dungka:lang ngok gvlatkuma:sisscm, cdc nokkcpc kapc idang? Ngok lcdulo gvmvntok!”

AGER KVDVNG 14:22

agom tadjvgla gvmvnnc kvdv:dok yalokvdv:dcm kvnggv:mola, bulum mc:jvgnamlo du:tvdopc luyir luyirla, odokkc kvnggv:pc mc:namsagnamkipak ngolu Ru:ncpvnckc migom doko mo:pvdo:pc gva:rungkupcnammc cmna.

KOLOSIANG 1:24

Su:pak ngok ipusire: pa:namlo ngo noluk lcgangc mc:pobadusudo, odokkc ngok adinno ngo Kristokc du:g gvnamdo okodc pv:ramdoji pv:modo Bvk amvrdok lcgangc,

1 TISSALONIANG 3:3

jc sc:kosin ipusire:sokki cngunma:ycpc cmna. Nolu av avkvdv:dci kindag jc cdc ngoluk pa:pcnampc ipcnammc.

2 TIMOTI 3:12

Aropakpci sc:ko dormokanc turnamko Kristo Jisukolo turycnc ipusire:ycm pa:yc,

1 PITOR 2:21

Kapcnc odok lcga:pc nolum gogtung, kapcnc Kristobv:sin ipusire:ycm noluk lcgangc pa:to, nolum kanggodkopc lcngkanbila, jc nolu Bvk lckorcm kormvnpcnamc.