METIU 15:28 - ANU LUGOD N. T. (BSI)

²⁸ Odo Jisubv bvm lubito, “C:lo ambvra, nok mc:jvgdc bottcru:dag! Cdcm nok mcngkamv:dcmpc ika:langka.” Odokkc oddung bvk omcdcm csa:motoku.

METIU 15:28 ပူးပေါင်းရင်းမြစ်များ

METIU 8:13

Odokkc cdc mimagmonc lvngkodok gvgcboncdcm Jisubv luto, “Gvkangkuka; no kapc mc:jvgla mc:tonc cdcmv:pc nokkc ika:langka.” Odokkc odo ludandodoi pagbodc csangkangku.

MARKKC 5:34

Odokkc Bv bvm luto, “Omcsa, nok mc:jvgnamdc nom csa:motoku. Mc:po:pc gvkangkuk, odokkc nok kinam csangkangkulangka.”

METIU 9:22

Jisubv nge:latsuto, odokkc bvm ka:begla luto, “pcsoyoka, omcsa; nok mc:jvgdc nom aimotoku.” Odokkc oddung cdc nc:dcm aimotoku.

METIU 8:10

Jisubv cdvlo cdc bvk agomdcm tattonc, bv mcngapla:ma:pc ikang, odokkc Bvk agom tadla gvmvnnc kvdv:dcm luto, “Aropakpc. Ngo nolum ludung, Israelkvdv:dok ara:lo:sinci scmpinc mc:jvgla mc:ncm ngo pa:mang.

LU:KKC 17:5

Ru:ncpvnckc ager gerdopc mclvgnam tani:kvdv:dc Ru:tummc luto, “Ngoluk mc:jvgcm bojcmotei!”

LU:KKC 7:50

Odokkc Bv nc:dcm luto, “Nok mc:jvgdc nom moturto; mc:po:pc gvkangkuk.”

LU:KKC 7:9

Jisubv cdvlo cdcm tattoji, Bv tadngaksukang, odokkc nge:latsulangkula Bvk lcdulo yadmvnna yadkumsunc tani:kcrc:dcm luto, “Ngo nolum lubidung Israelkvdv:dok ara:do:sinci scmpc mc:jvgncm pangkvmang.”

2 TISSALONIANG 1:3

Ngolu Ru:ncpvncmc aipai bipcrung idag noluk lcgangc lo:dcm, bvrokvdvnga, kapc aidagji cdc, kapila:nc noluk mc:jvgdc kvnggv:pc bojcbomna gvbomdung, odokkc nolu appvngkc aipc mc:namkvdv:dc akonc akoncm bojcbomdung.

METIU 14:31

Jisubv vgcmpc Bvk alagcm ma:lenna bvm sogapto, bvm scmpc lula, “C:i adji:ok mc:jvgnc tani:, no kapila mc:mokan?”

METIU 15:27

Bv luto, “C:lo, Ru:tuma, ckvdaggomci iki:kvdv:dc Ru:tumdok tcbuldok dopitnam pitangkvdv:dcm dobegdag.”