METIU 15:14 - ANU LUGOD N. T. (BSI)

¹⁴ Bulum atcro:pc gvmotok; bulu miglunc gvgcbonnc. Odokkc miglunc tani: akonc miglunc tani:akoncm gvbomvlo, anyipakdc jiko:lo owa:yc.”

METIU 15:14 ပူးပေါင်းရင်းမြစ်များ

LU:KKC 6:39

Bvm kvkanbila kvnam do:yvngkosin kvbito: “Miglunc tani: akonc miglunc tani:koncm gvbola:dolang? Bulu anyipakdc jikongkolo gvboloksuma:yclang?

2 PITOR 2:1

Cmpige:la lume:pc lungor lunckvdv:dc:sin tani:kvdv:dok ara:lo lenkang, kappar noluk ara:lo lume:pc luyir lunnc lenycnc, sc:kobulu kinmango:pc momvgmosvgpcnc dormokama:nc agomcm lua:biycji, cdcmo:mang Ru:tumdcmsin lupaksula sc:kobv bulum rctoji, buluk avkc ara:lo mcna:pc lomdanna momvnsunamcm.

LUNGOR LUNAM 22:15

Mo:rongkc kvdv:dc iki: kvdv:dc odokkc morunc kvdv:dc odokkc ami nc:ng lango:nckvdv:dc odokkc monam moimang kumgo:nc kvdv:dc, odokkc appv:dc sc:kobulu lume:lunamc ludagji odokkc aipc mc:dagji cdcbulu.

LUNGOR LUNAM 19:20

Odokkc cdc simvndcm ycnggapto, odokkc odok lcdulo cdc lume: lungor luncdcm sc:kobv odok kangkolo kanggod agercm gerkaji okodokki bv yattoji sc:kobulu simvndok tubjetdcm torvgsutoji odokkc cdc sc:kobulu odok monam moimangdcm kumdagji. Cdc anyidcm turpc turpc siycngcmpinc vmv-pa:ta:do cdc gondokki parnam vmvdo cryi:lvgto.

2 PITOR 2:17

Cdcbulu asi kama:nc jiliyc odokkc bottcnc csarc sargo:bomnam tapamc: bulukkcpc kcvgkc kcmmojvng cmnc uiaru:bcm modanna toka:la lc:tag.

1 TIMOTI: 6:5

odokkc tani:kvdv:dok ara:do agomcm luker luyermvnsula sc:kobulu asinbo aisi:ma:pc idagji odokkc bojc longcko arolo du:ma:ji, mcngkvla ka:dagjc dormokala du:namdc atvko la:bpc pa:namc.

JO:N 9:39

Jisubv luto, “Kcba: ba:nam lcgangc ngo mo:pvso:pc gvdung, jc sc:kobulu ka:pa:ma:nc ka:pa:yckupc cmna, odokkc sc:kobulu ka:pa:dagji bulu migluycpc cmna.”