METIU 14:36 - ANU LUGOD N. T. (BSI)

³⁶ Odokkc Bvk gcnam attardok tu:bvko: gakkvpa:mvlo cmna kumna:sola: luto; odokkc cddv cddvkonc gakkvkaji cdc appv:dc csangamkangku.

METIU 14:36 ပူးပေါင်းရင်းမြစ်များ

METIU 14:35

Odokkc odok tani:kvdv:dc cdvlo Bvm kangkintoji, bulu odo mo:takkvdv:do appv:do:pc taniycm mclvgto odokkc Bvkkolo:pc kincramnc tani:kvdv:dcm langkumamsuto.

METIU 23:5

Buluk ager appv:dcm amme ka:ycpc cmnangong gerdag; kapila:nc bulu tabijkvdv:dcm bottapc gcdag odokkc buluk gasorkvdv:dcm tu:bcm araipc mcdag,

MARKKC 3:10

Kapila:nc Bv bulum bojcrungcm csangamotoku, cmpige:la sckkc sckkc kinamc dunganc Bvm nvnga:bomna Bvm gakkvpc cmna ikang.

MARKKC 6:56

Odokkc Bv okoloi gva:tonc, do:lungkvdv:do, nogorkvdv:do, cdcmanggom do:lung pomkonkvdv:do, bulu ramnc kinncm attar koko amo:lo:bulu jonga:bombito, odokkc Bvk gcnam attar tu:bvdogci gakkvpc cmna Bvm kumna luto; odo cdvkonc gakkvtonc cdc appv:dc csangamkangku.

MARKKC 8:22

Odokkc bulu Betsaida:pc gvto. Odokkc tani:ckkc miglunc tani:koncm Bvkkolo:pc gva:boto, odokkc Bvm ri:yitteika cmna kumna luto.

LU:KKC 6:19

Odokkc yadkumsunc tani:appv:dc Bvm gakkvpc cmna mato, kapila:nc ilang-gvlangc Bvkkolokkc lenkang odokkc bulum aiyammotoku.

JO:N 6:37

Abukc ngom binam appv:dc ngokkolo:pc gva:yc; odokkc ngokkolo:pc gva:ncdcm ngo cdvlosin mcnpakma:yc.

JO:N 7:23

Yodla ager germa:pc du:dom tani:ycm gadpukkoi gaddomvlo, Mose:kc lujvg lurodok lukamdcmpc ima:pc ipckc cmna, nolu ngom aglv:dagnci ngo tani:pakko yodla ager-germa:pc du:do longcdcm csa:motokuncm?

AGER KVDVNG 3:16

Odokkc bvk amindc, bvk amindcm mc:jvgkokki, sc aminscm tormotoku sc:kom nolu ka:begdu:nc odokkc kindu:nc; odokkc Jisukokki mc:jvgnamdc:na okodc sc amiscm aiyo:pc ainc amvr-ammom bitokunc noluk appvngkc kcra:do:pc.