METIU 14:15 - ANU LUGOD N. T. (BSI)

¹⁵ Cdvlo yumcayirka:nc, agom tadjvgla gvmvnnc tani:kvdv:dc Bvkkolo:pc gva:to odokkc luto, “Sc ronggampcsamnc mo:di:ko, odokkc longcdc:sin kama:bong; yadkumsun tani:kvdv:scm do:lungkvdv:pc mclvgamtok odokkc buluk av avkc lcga:pc donamtv:namko rcmotok.”

METIU 14:15 ပူးပေါင်းရင်းမြစ်များ

METIU 15:23

Ckvdaggom agom apirkosin bv lubitomang. Odokkc Bvk agom tadjvgla gvmvnnc tani:kvdv:dc gva:to odokkc Bvm kumna luto, scmpc lula, “Bvm mclvgtokuk, kapila:nc bv ngoluk lcdu lcdulo jc:la jc:la gvmvndo.”

LU:KKC 9:12

Cdcmpidodcm longc lo:tu:dagabong; odokkc vyvngkolang anyidc gva:la Bvm luto, “Yadkumsunc tani: kcrc:scm mclvgamtokuk, do:lung pomkon pomkonno dungapdokupc, dungko dakkoko odokkc donamatvko pa:dopc; kapila:nc ngolu sido ronggamnc mo:di:lo dung.”

MARKKC 8:3

odokkc ngo bulum kcnong tv:lvngmotu:la okumpc mclvgkumvlo, bulu lambcdo bvpekbvyegamyc; odokkc buluk akedc mo:tc:ru:nc lambclokkc gvdung.”

METIU 14:13

Cdcm cdvlo Jisubv tattonc, Bv odokkc ronggamo:nc mo:di:kolo:pc angupc gvpakto. Ckvdaggom yadkumsunc tani:kvdv:dc cdvlo cdcm tattonc, bulu bvk lcdulo alcki tawondokkc gvmvnamkang.

METIU 14:14

Bv mo:ro:pc gvnamc bottapaknc tani: kcrcngkopc ka:begto; odokkc Bv bulum aya:ru:pc mcngkang, odokkc buluk kinamramnam kvdv:dcm csangammotoku.

METIU 14:16

Jisubv luto, “Bulu gvpcnam kamang; nolu bulum atvko dodopc bitok.”