METIU 13:42 - ANU LUGOD N. T. (BSI)

⁴² odokkc bulum bottapakpc romnam vmvlo cra:lvgycku; odo tani:kvdv:dc kabyc odokkc buluk a:yckvdv:dc dokcrcpsuyc.

METIU 13:42 ပူးပေါင်းရင်းမြစ်များ

METIU 13:50

odokkc bulu bottapakpc dordopc parnam vmvlo cra:lvgycku; odo tani:kvdv:dc kabtagsuyc odokkc buluk a:yckvdv:dcm dokcrcpsuyc.

METIU 22:13

Odo migomdc mibo bonc tani: kvdv:dcm luto, ‘Bvm alc alagdcm yc:tok, odokkc clc morongkc kcmmolo crrennvgta:ka; olo tani:kvdv:dc kaptaksuyc odokkc a:yckvdv:dcm dokcrcbamsuycpc.’

METIU 25:41

“Odokkc Bvk lakkekc du:nckvdv:dcm Bv luyc, ‘Gc:ramkang ngokkolokkc, nolu pelvgnamkvdvnga, uidcm odokkc bvk lutad lunckvdv:dok lcga:pc romla lc:nam cdvlosin midma:nc vmvdo:pc;

METIU 3:12

Bvk kappunanc cpodc Bvk alakdo dung, odokkc Bv Bvk a:m yvkko lottadcm mopu:yc odokkc Bvk geu a:mkvdv:dcm kumsu:lo yarkumsuyc, cmpige:la amyangkvdv:dcm Bv cdvlosin momitla:ma:nam vmvlo romyc.’

METIU 8:12

cdcmpidodcm migomdungko amo:sok awoommangkvdv:dcm mo:rongkc kcmmojv:jvngkolo crpakyc; olo tani:kvdv:dc kaptaksuyc odokkc buluk a:yckvdv:dcm dokcrcbsuycku.”

LU:KKC 13:28

Odokkc noluk a:yckvdv:dcm dokcrcbamsuyc cdvlo nolu Abrahamkc, Isahakkc, Jakobkc odokkc Ru:ncpvnckc migom doko mo:pvdok lungor lunc appv:dc Ru:ncpvncmc ka:begyc odokkc nolu av avkvdv:dcm nv:lenlvgdopc ka:dodcm nolu kabyc.

LUNGOR LUNAM 14:10

bv:sin Ru:ncpvnckc palvg lvgnam aglv:dok apo:dcm tv:yc, Bv aglv:dcm Bvk tv:nanc bati:do molusuma:pc to:lvgnamdcm, odokkc bvm vmvdokki romna romke-rommarycku odokkc gojalki cdc angunnc taycng among lutad lunc tani:kvdv:dok kangkolo odokkc Awo Me:r sobendok kcra:lo.

LUNGOR LUNAM 19:20

Odokkc cdc simvndcm ycnggapto, odokkc odok lcdulo cdc lume: lungor luncdcm sc:kobv odok kangkolo kanggod agercm gerkaji okodokki bv yattoji sc:kobulu simvndok tubjetdcm torvgsutoji odokkc cdc sc:kobulu odok monam moimangdcm kumdagji. Cdc anyidcm turpc turpc siycngcmpinc vmv-pa:ta:do cdc gondokki parnam vmvdo cryi:lvgto.

LUNGOR LUNAM 20:10

odokkc cdc uidc okodc bulum yattoji vmmclang gondog siycng pa:ta:do:pc cryi:lvgto okolo cdc simvndc:lang lume: lungor luncdc, odokkc bulum longgcm odokkc yummcm lo:dv longkvpc mogvtmomatto.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”

LUNGOR LUNAM 9:2

bv otcr kama:nc jiko:dcm moge:to, odokkc jiko:dokkc mikkc yv:sangkang bottcru:nc komarrok vmvlokkc yv:sa:nc mikkcmpc, odokkc cdc jiko:dokkc mikkidokki do:nyitc:lang csardcm kcmomoto.